| གསང་བདག
གསལ་གསལ་མུན་པ་སེལ་བའི་གཙུག་གི་ནོར །།
མཁས་མཁས་རིག་པའི་དབང་བོ་འཛམ་གླིང་རྒྱན།།
དད་དད་སྙིང་གི་གསོལ་བ་ཁྱོད་ལ་བཏབ །།
ལེགས་ལེགས་རིག་པའི་དངོས་གྲུབ་ང་ལ་སྩོལ།།
བརྩེ་བརྩེ་ལྷག་བསམ་དཀར་བའི་རང་མདངས་ཅན།།
འཛུམ་འཛུམ་དུང་མདོག་ཟླ་བའི་བཞིན་རས་ཅན །།
འཇམ་འཇམ་གཡང་དཀར་ལུ་གུའི་བལ་ཁ་ཅན །།
ལྷང་ལྷང་ཁུ་བྱུག་སྔོན་མོའི་གསུང་སྐད་ཅན །།
དཀར་དཀར་གངས་རི་དཀར་པོའི་ལྷག་བསམ་ཅན །།
མཛེས་མཛེས་མེ་ཏོག་པད་མའི་མཛེས་སྡུག་ཅན །།
བརྗིད་བརྗིད་རྫ་རི་སྨུག་པོའི་རང་གཟུགས་ཅན །།
དུང་དུང་ངག་གི་དབྱངས་རྟ་ཁྱོད་ལ་འབུལ །།
ངེད་དྲ་བ།
|