ཁ་མི་འཆམ་ཐང་ལུང་སྡེ་བ།།
ཁ་འཆམ་མོ་བྱོས་ད་རྩེད་ར།།
གྲོས་འགྲིག་མོ་བྱས་ད་མཐུན་ན།།
སེམས་དཀར་པོ་འོ་མ་འདྲ་བོས།།
ཚིག་བདེན་གསུམ་གཏམ་ལ་དྲངས་ན།།
མི་གོ་བ་ཅན་གིས་ཤེས་དགོས།།
ས་ཡག་པ་ར་ཉིན་ཐང་ན།།
སྡེ་ཡག་པ་མར་ཁུའི་མཚོ་མོ།།
ཕྱུགས་མེ་ལོང་ནོར་བུའི་དེབ་གཞུང་།།
ཆུ་རྒྱ་མཚོ་འཁྱིལ་གི་གཡས་ན།།
ཕྱུག་འབྱོར་བའི་སྟོབས་འབྱོར་ལྡན་ཡོད།།
རི་མཐོན་པོར་བསྟོད་པ་བྱས་ན།།
ཁྱོད་སྟོད་ཀི་རྫ་རི་སྨུག་པོ།།
རྟ་འདོ་ཅན་རྒོད་མའི་བླ་རི།།
རྒྱེའུ་རྒྱ་མོར་རྔོག་ཆུང་ཤིགས་སེ།།
དེའི་མི་ཚད་རྐྱང་ཕྲུག་རྟེའུ་ཡོད།།
ཁྱོས་སུ་རུ་རོག་པོའི་གདོང་ལམ།།
ནག་མོ་ནོར་གི་བླ་རི།།
འབྲི་ཐུལ་མའི་རྩིད་ཐོག་ཤིགས་སེ།།
དེའི་མི་ཚད་འབྲོང་ཕྲུག་བེའུ་ཡོད།།
རྡོ་གཡའ་མ་སྔོན་མོའི་བྲག་རི།།
གཡང་དཀར་མོ་ལུག་གི་བླ་རི།།
འབའ་ཚར་མོའི་ཁ་ཆུ་ཤིགས་སེ།།
དེའི་མི་ཚད་ལུག་ཆུང་སྟོང་ཡོད།
རྒོད་བཞི་མོའི་བང་ཁ་རླུང་རེད།།
འབྲུ་ཐིག་ལེ་གསར་ཕྱེ་དུང་མ།།
འབའ་ཚར་མོ་རིན་ཆེན་བརྒྱ་འབུར།།
བོད་འཇིག་རྟེན་གཏམ་གྱི་ཁ་དཔེར།།
ཕ་བསོད་ནམས་ཅན་གི་བསགས་པ།།
མ་འབད་པ་ཅན་གི་ལག་ནོམ།།
བུ་ཁ་ལས་ཅན་གི་རྒྱུ་ནོར།།
མ་སྲི་མོ་ཁ་མཐུན་གྲོས་འགྲིག།
དཔོན་དགྲ་ལྷ་ཅན་པོར་བལྟས་ན།།
ནང་གསེར་བྲིས་རི་མོ་དགུ་སྐོར།།
དངུལ་པདྨ་འདབ་བརྒྱད་སྟེང་ན།།
གསེར་བུམ་པ་འདུག་འདུག་ཡོད་ནོ།།
དཔོན་རླུང་རྟ་ཅན་པོ་ཁྱོད་རེད།།
ཁ་ཕྱི་བསྐོར་བཀྲ་ཤིས་རྟགས་བརྒྱད།།
མདུན་བར་སྣང་རྒྱལ་སྲིད་སྣ་བདུན།།
ཁ་ནང་བསྐོར་ཀ་ཆུའི་གུར་གུམ།།
ཁྲུས་རྫིང་བུ་བུམ་པའི་ནང་ནས།།
ལྷ་དྲི་མེད་བྱང་ཆུབ་སུམ་བརྒྱ།།
ཆུ་བདུད་རྩིས་ཁྲུས་གསོལ་བྱེད་ད།།
སྟོད་རི་ཡག་མགོ་ལོག་གཡུ་རྩེ།།
བར་བྱིན་ཆེན་སྔོ་ལྷ་གཡུ་རྩེ།།
སྨད་མྱུར་མགྱོགས་གཡུང་དྲུང་ཇག་རྩེ།།
རི་རྩེ་མོ་གསུམ་གྱི་རྩེ་ལ།།
ང་ཞུ་རྒྱུའི་ཚིག་ཁ་གསུམ་ཡོད།།
བོད་མགོ་ནག་མགོན་པོའི་ཡུལ་རེད།།
ཁྱོད་མགོན་སྐྱབས་བསླུ་བ་མེད་པ།།
མྱུར་མཛད་ཡེ་ཤེས་མགོན་པོ།།
ལྷ་བདུད་མགོན་དྲག་རྩལ་ནག་པོ།།
དེའི་སྐུ་འཁོར་ནང་མའི་ནང་ལ།།
རྟ་ཁམ་པ་ལག་དཀར་བཅིབས་པ།།
འདི་མགྱོགས་པ་རླུང་གི་འཁོར་ལོོ།།
བུ་མཐོན་པོའི་རླུང་རྟ་དུ ༢ རེད།།
ཁྱོད་སྐྱོབ་ཀི་གཞི་བདག་དུ་རེད།།
དགྲ་འདུལ་རྟ་ནག་ཅན་པོ།།
སྟག་ཤར་རའི་ལབ་རྩེ་མདའ་དགུ།།
ང་སྨོན་པའི་བུ་ལོ་བན་དགའ།།
ཟླ་ལྔ་བའི་བཅོ་ལྔའི་ཉིན་ལ།།
མདའ་གསུམ་གི་འབྲེལ་ཞིག་བཞག་ན།།
བུ་ཞིག་གི་གནང་བཞིན་ཞིག་ལ།།
ལྷ་ཁྱེད་ཀྱི་དགོངས་པ་ཡར་མཁྱེན།།
དགུང་ཨ་སྔོན་བླ་རི་མགུལ་བ།།
དགུང་གན་གི་གནས་པ་འབྲུག་རེད།།
འབྲུ་གཡུ་རྭ་མགོ་ན་འཛོམས་ནིའི།།
རྩལ་དྲག་པོ་ལུས་ལ་ཚང་ནིའི།།
དཔལ་འཛུམ་དྲུག་ཚང་གི་བུད་ནིའི།།
དགུང་ཨ་སྔོན་ཁ་གྲངས་འཛིན་ནིའི།།
འབྲུག་ཕོ་ཆུང་ཕོ་བྲང་འཛིན་ནིའི།།
འབྲུག་ཕོ་ཆུང་འདྲ་ཡི་སྲས་སུ།། ༣
ལྷ་ཁྱེད་ཀ་དགོངས་པ་ཡར་མཁྱེན།།
རྫ་ཁྲ་ཡག་བླ་རི་མགུལ་བ།།
རྫ་གན་གི་གནས་པ་འབྲོང་རེད།།
འབྲོང་རུ་ཐུར་མགོ་ན་རྒྱས་ནིའི།།
རྩལ་དྲུག་པོ་ལུས་འཛོམས་ནིའི།།
དཔའ་འཛུམ་དྲུག་རྫ་ནས་བུད་ནིའི།།
འབྲོང་བྲེ་སེར་འདྲ་ཡི་སྲས་སུ།།
ལྷ་ཁྱོད་ཀ་དགོངས་པ་ཡར་མཁྱེན།།
ནགས་དགའ་ལྡན་བླ་རི་མགུལ་བ།།
ནགས་གན་གི་གནས་པ་སྟག་རེད།།
སྟག་ཤ་མོ་རྒྱབ་ན་ཡོད་ནིའི།།
རྩལ་དྲུག་པོ་ལུས་ལ་འཛོམས་ནིའི།།
དཔའ་འཛུམ་དྲུག་ཚང་གི་བུད་ནིའི།།
ས་ལུང་གསུམ་ཕུག་མདོ་ཆོད་ནིའི།།
དགྲ་གྱེན་པོའི་ངོ་རྒོལ་ཐོན་ནིའི།།
སྟག་ཁྲ་ལི་འདྲ་ཡི་སྲས་སུ།།
ལྷ་ཁྱེད་ཀ་དགོངས་པ་ཡར་མཁྱེན།།
སྡེ་བླ་རི་མགུལ་བའི་འགོ་འཛིན།།
ཕ་ཐང་ལུང་འགོ་བའི་འགོ་འཛིན།།
ཕ་ཐང་ལུང་འགོ་བའི་ཤུལ་འཛིན།།
མ་ཀ་བཟའ་ཚང་གི་ཁྱིམ་འཛིན།།
ལྷ་དགྲ་ལྷའི་གཉེན་རྒྱུད་ཚང་ནིའི།།
སྐྱབས་བསླུ་བ་མེད་པར་ཞུས་ན།།
ཐུགས་བརྩེ་བའི་སྒོ་ནས་མ་བརྗེད།།
གཅིག་མ་བརྗེད་སྐྱེ་བའི་མ་ཎི།།
ལྷ་ཁྱེད་ཀ་དགོངས་པ་ཡར་མཁྱེན།།
<<བོད་ཀྱི་ངག་རྒྱུན་གཏམ་རྒྱུད་ཕྱོགས་བསྒྲིགས>>ལས་བཤུས།