རྨ་ཆེན་རྫོང་མི་རིགས་སློབ་འབྲིང་དང་བོའི་སློབ་མ་གཉིས་ལ་བྱ་དགའ་ཐོབ།


   ༄༅། །བཙན་པོའི་མགར་གྱིདྲ་བའི་༢༠༡༤ལོའི་བོད་ཁམས་ཡོངས་ཀྱི་སློབ་འབྲིང་སློབ་མའི་རྩོམ་ཡིག་འགྲན་བསྡུར་ཁྲོད་མགོ་ལོག་ཁུལ་རྨ་ཆེན་རྫོང་མི་རིགས་སློབ་འབྲིང་དང་བོའི་བྱ་དགའ་ཐོབ་མཁན་སློབ་མ་ཁོན་ཐར་སྐྱིད་དང་ཡེ་ཤེས་ནོར་བུ་གཉིས་སྐབས་ཐོག་ཏུ་ཡོང་མ་ཐུབ་པས་དེ་རིང་སློབ་གྲྭའི་དགེ་སློབ་ཡོངས་ཀྱི་མདུན་སར་ངེད་དྲ་བས་བྱ་དགའ་འབུལ་བའི་མཛད་སྒོ་སྟབས་བདེ་བསྡུས་ཤིང་།  སློབ་གཙོ་ཚེ་ལོ་དང་དགེ་རྒན་མགོན་པོ་ཚེ་རིང་། དགེ་རྒན་གཡང་འབུམ་སོགས་ཀྱིས་མདོ་འཛིན་དང་སློབ་གྲྭའི་དཔེ་མཛོད་ཁང་སོགས་སུ་ལྟ་སྐོར་དུ་འགྲོ་རོགས་བྱས། ཐེངས་འདིའི་རྩོམ་ཡིག་དཔྱད་འདེམས་འཐུས་མི་སྟེ།   རྒྱ་བོད་ཡིག་རིགས་གཉིས་ཀྱི་ལམ་ནས་རྩོམ་འབྲི་བའི་སྙན་ངག་པ་དགའ་བདེ་ཚེ་རིང་།    རྒྱལ་ཁབ་ཕྱི་ནང་ཀུན་ན་སྙན་པའི་གྲགས་པ་མཐོ་བའི་རྩོམ་པ་པོ་སྐྱབས་ཆེན་བདེ་གྲོལ་དང་རྨོག་རུ་ཤེས་རབ་རྡོ་རྗེ།  དངུལ་རའི་བཟོད་པ།  དྲྭ་སྟེགས་རྩོམ་པ་པོ་གྲགས་ཅན་སྐུ་ཞབས་ལྷམ་ཀོག་སོགས་ཡིན།


     སློབ་གྲྭའི་སློབ་གཙོ་ཚེ་ལོ་དང་རྒྱ་ཕྲུག་གཉིས་ལ་བཀའ་འདྲི་ཞུས་ཏེ། དགེ་རྒན་མགོན་པོ་ཚེ་རིང་དགེ་རྒན་གཡང་འབུམ་དགེ་རྒན་གཅོད་པ་དོན་གྲུབ་སོགས་ ཀྱིས་མེ་སྟག་ལོ་དེབ་དང་སུམ་རྟགས་གཉིས་ཀྱི་ཚིག་དོན་མདོར་བསྡུས་དང་དག་པར་བྱེད་པའི་སྡེབ་སྦྱོར་རིན་ཆེན་རྒྱ་མཚོ། སློབ་ཆུང་དག་ཡིག་དང་ལེགས་བཤད་ལྗོན་དབང་། ཆུ་ཤིང་བསྟན་བཅོས། མངོན་བརྗོད་རྒྱ་མཚོའི་ཆུ་ཐིགས་ཀྱི་རྩ་འགྲེལ་དང་ས་སྐྱ་ལེགས་བཤད་སོགས་སློབ་མའི་བློར་འཛིན་བདེ་བའི་སྐོར་མང་དག་དཔར་ཏེ་སློབ་སྒེར་བསླབ་གཞི་གསར་སྤེལ་བྱེད་པ་ལ་དོན་སྙིང་གལ་ཆེན་ལྡན་དུ་བཅུག་ཡོད།


རྩོམ་སྒྲིག་པ།  ཁྰ་ཤེས་རབ་རྒྱ་མཚོ།  སྤེལ་དུས། 2014/9/12 བལྟ་ཀློག (12354)