༼ ང་། ༽
ང་གར་འགྲོ་ནམ་མཁའི་བྱ་ཡིན།
བྱ་གར་འབབ་རང་གི་ལག་ཡིན།
ང་རྒྱལ་གྱི་བྲག་འབུར་སྟེང་།
ཡོན་ཏན་གྱི་ཆུ་མི་ཆགས།
ང་ལོ་ཆུང་ཡང་ཡར་ལ་སྐྱེས་རྒྱུ་ཞིག་ཡོད།
ཁྱོད་ལོ་ལན་ཡང་མར་ལ་འགུག་རྒྱུ་ཞིག་ཡོད།
ང་ཉམ་ཆུང་གི་ཁབ་ཡང་ལྕགས་རེད།
ང་སྦལ་བ་ནག་ཁུང་ནང་ན་ཡོད་ཀྱང་།
ངའི་བསམ་པ་གླིང་དཀར་སྟོད་ན་ཡོད།
ང་རྨ་ཆུ་བརྒལ་ནི་མ་སྐྲག་ན།
ཁྱོད་རབ་ཁར་འདུག་ནི་སྐྲག་དོན་མེད།
ངང་བ་མཚོ་རུ་འཁོར་དུས།
ཉ་མོ་སྐྲག་དགོས་མ་རེད།
ངང་བས་མཚོ་ངོམས་ན།
འུག་པས་བྲག་དང་སྤྲེའུས་ཤིང་།
ནགས་ངོམས་རྒྱུ་ཡོད།
ངན་པ་བསྐྱངས་ན་བཟང་པོ་བརྡུང་བ་འདྲ།
ངན་པ་ཚར་མ་བཅད་ན།
བཟང་པོ་སྤྲོ་མི་སྐྱེ༼འཕེལ༽།
ངན་པ་རང་རྩིས་ཆེ།
ཁྱི་རྒན་སྐྱག་རྩིས་ཆེ།
ངན་ལ་ཆད་མ་གཅོད།
བཟང་ལ་བྱ་དགའ་སྟེར།
སྔོན་ལ་སྐྱེས་པའི་ཨམ་ཅོག
གཞུག་གུར་སྐྱེས་པའི་རྭ་ཅོ།
སྔར་བྱས་རྒྱབ་སྐྱུར།
ཕྱིན་ཆད་པང་བླངས།
རྔ་མོ་སྐེ་རིང་ཡང་།
ལ་ཁ་རྒྱབ་ཀྱི་རྩྭ་མི་རག
རྔ་ཚིག་མ་བརྡུངས།
ཁྱི་ཚིག་མ་མང་།
རྔ་མི་བརྡུངས་རྔ་ཡབ་ལ་མི་འཇུ།
རྔ་མདུད་རང་གྲོལ།
སྦྲུལ་མདུད་སྦྲུལ་བཤིག
རྔ་བརྡུངས་རྒྱུ་བཞག་ནས།
རྔ་དབྱུ་ལའང་ལག་པ་འཆང་རྒྱུ་མིན།
རྔ་གོག་བརྡུངས་ན་ཟེར་གོག་ཡངས།
༼ སི་ཁྲོན་མི་རིགས་དཔེ་སྐྲུན་ཁང་། སྡུད་སྒྲིག་མཁན། སྐལ་བཟང་དོན་འགྲུབ། ༽
|