རྔ་བ་རྫོང་རྟ་མཆོག་རླུང་རྟ་ཚད་ཡོད་འགན་འཁྲིའི་སྤྱི་གཉེར་ཁང་ནི་རྒྱ་ཆེའི་ཆོས་དད་འཛད་སྤྱོད་པའི་དགོས་མཁོ་ལྟར་ཆེད་གཉེར་དེང་རབས་ཚོང་རའི་ཞབས་ཞུའི་རྣམ་གྲངས་ཆ་ཚང་བའི་སྤྱི་གཉེར་ཁང་ཞིག་ཡིན།
༡ སྤྱི་གཉེར་ཁང་འདིའི་ནང་གི་རླུང་རྟའི་པར་གཞི་ནི་དགོན་པ་དང་ཁྱིམ་ཚང་གི་མཛོད་ན་ཉར་བའི་པར་གཞི་བཅུ་ལྷག་ལ་བསྡུར་བ་བྱས་ཤིང་། དགོས་སུ་དགེ་བའི་བཤེས་གཉེན་དམ་པ་དུ་མའི་མདུན་སར་བཅར་ཏེ་བཀའ་འདྲི་གནངས་བར་ཁོང་རྣམ་པའི་ཐུགས་བཀོད་གང་མང་བསྩལ་བ་གཞིར་བྱས་ནས། རླུང་རྟའི་གཙོ་རིས་རྟ་མཆོག་དང་སྟག་སེང་ཁྱུང་འབྲུག སོ་སོའི་བླ་གཟའ་དང་སྲོག་གཟའ་འབྱུང་ཁམས་སོགས་ལ་དམིགས་ཏེ་སྨེ་བ་དགུ་དང་སྤར་ཁ་བརྒྱད་། ཚེ་དང་བསོད་ནམས་ལ་དམིགས་ཏེ་རྒྱལ་སྲིད་སྣ་བདུན་དང་བཀྲ་ཤིས་རྟགས་བརྒྱད་བཅས་བཀོད་ཡོད་ལ། འདི་དག་ཀྱང་འོལ་ཚོད་ཀྱིས་བཀོད་པ་མིན་ཏེ། གོང་སྨོས་བཞིན་བོད་རང་ལ་སྔ་ནས་ཡོད་པའི་རླུང་རྟའི་དཔར་ཤིང་དང་དགེ་བའི་བཤེས་གཉེན་དུ་མའི་ཐུགས་བཀོད་བཞིན་བྱས་པ་ལགས། དེ་བཞིན་རླུང་རྟ་དཔར་མཁན་དང་སྒྲིག་བཀོད་པ་ཆ་ཚང་བོད་མི་ཡིན་པས་སྒྲུབ་པ་ཉེས་དམིགས་སུ་མི་ལྟུང་བའི་དགེ་མཚན་ལྡན། ངེད་སྤྱི་གཉེར་ཁང་གིས་རླུང་རྟ་སྡེབ་ཚོང་དང་སིལ་ཚོང་འདོད་མོས་བཞིན་བྱེད་ཀྱིན་ཡོད། མིག་སྔར་སི་ཁྲོན་དང་མཚོ་སྔོན་ཀན་སུའུ་སོགས་ཀྱི་དགོན་པ་དང་ཚོང་ཁང་ལྔ་བཅུ་ལྷག་ལ་སྡེབ་ཚོང་བྱེད་མུས་སུ་ཡོད།
༢ བསང་རྫས་ལ་༼ལྷ་བསང༽དང༼མཆོད་སྤྲིན༽ཞེས་ཉོ་མཁན་རྣམ་གྱི་ཐུགས་བཞེད་བཞིན་སྤུས་ཚད་རབ་འབྲིང་གཉིས་ཡོད། བསང་རྫས་ཀྱི་རྒྱུ་ཆར་འབྲུ་རིགས་སྣ་ལྔ་དང་། ལྷ་ཤུག་འཁན་པ་སེར་མགོ བ་ལི་དུང་མགོ ཙན་དན་དཀར་དམར་སོགས་ཅི་འདུས་འདུས་བྱས་ཡོད།
༣ མདའ་ནི་གཞི་བདག་ལ་ལོ་བསང་ཕུད་དུ་འགྲོ་དུས་ངེས་པར་དགོས་གལ་ཆེ་ཕྱིར། འདིར་ལྷ་མདའ་དང་ཚོ་མདའ། ཕྱུག་པོའི་མདའ་ནག བཙན་པོའི་མདའ་དམར་སོགས་བླུ་མཁན་གྱི་དགོས་མཁོར་དམིགས་ཏེ་མདའ་རིགས་ཁ་ཤས་ཡོད།
༤ དཔུང་རྒྱན་ནི་བླ་མ་ཁ་ཤས་ཀྱི་ཐུགས་བཞེད་བཞིན་དབུས་གཙང་ཕྱོགས་སུ་སྐད་གྲགས་ཆོད་པའི༼དཔུང་རྒྱན་ཚར་བརྒྱ་མ༽ཞེས་པ་སྟེ། དར་རེས་ངོས་སུ་དཔུང་རྒྱན་ཚར་བརྒྱ་རེ་བྲིས་ཡོད་པ་དེའི་ལུགས་རང་སོར་བྱས་ཡོད་པས་དགེ་མཚན་དང་ཁྱད་ཆོས་རབ་ཏུ་ལྡན། དེ་བཞིན་སྤྱི་གཉེར་ཁང་ནང་གི་མཆོད་རྫས་ཡོད་ཚད་དུས་བཅད་ལྟར་གྲུབ་མཐའ་རིས་མེད་ཀྱི་དགེ་འདུན་པ་བསུ་ཕེབས་ཀྱིས་རབ་གནས་རྒྱས་ཤིང་དག་པ་བྱེད་བཞིན་ཡོད། སྐུ་ཉིད་ལ་དགོས་མཁོ་གང་ཞིག་ཡོད་ན་ངེད་སྤྱི་གཉེར་ཁང་ལ་འབྲེལ་གཏུགས་བྱོས་དང་། ཁྱེད་ཀྱི་འདོད་མོས་བཞིན་སྡེབ་ཚོང་དང་སིལ་ཚོང་སྐྱེལ་འདྲེན་སོགས་བྱེད་ངེས་ཡིན།
ས་གནས། ཨ་མདོ་རྔ་བ།
འབྲེལ་གཏུག་ཞལ་པར།
13990402717
17072873000
སྐད་འཕྲིན།
906371272
|