ད་ལོའི་ནང་ཐག་རིང་གི་ཁ་པར་ཕར་གཏོང་ཚུར་ལེན་ལ་སྟབས་བདེ་ཆེན་པོ་བཟོ་རྒྱུ་རེད།
ལོ་ངོ༢༣རིང་ལ་སྤྲད་པའི་ཁ་པར་གྱི་འགྲུལ་བཞུད་རིན་པ་དེ་ད་ལོ་བཟུང་ནས་བསྡུ་མཚམས་འཇོག་རྒྱུ་རེད།
ཉེ་ལམ་རྒྱལ་སྲིད་སྤྱི་ཁྱབ་ཁང་གི་ཙུང་ལི་ལིའུ་ཁེ་ཆིང་གིས་སྲིད་གཞུང་བྱ་བའི་སྙན་ཞུ་འབུལ་སྐབས་ཁ་པར་ལས་རྒྱལ་ནང་ཐག་རིང་གི་ཁ་པར་ཕར་གཏོང་ཚུར་ལེན་དང་འགྲུལ་བཞུད་གཉིས་ཀྱི་རིན་པ་གཉིས་མེད་པར་གཏོང་རྒྱུ་ཞེས་གསལ་བོར་བསྟན།
ཁ་སང་ཀྲུང་གོའི་སྤོ་སྒུལ་དང་། ཀྲུང་གོའི་མཉམ་འབྲེལ།
ཀྲུང་གོའི་གློག་འཕྲིན་གསུམ་གྱིས་ད་ལོའི་ཟླ༡༠བའི་ཚེས༡ཉིན་ལ་རྒྱལ་ཡོངས་སུ་གྲོན་དངུལ་འདི་གཉིས་བསྡུ་མཚམས་འཇོག་རྒྱུ་ཁྱབ་བསྒྲགས་བྱས།
དེར་མི་མང་པོ་ཞིག་གིས་ཡ་མཚན་པོའི་སྒོ་ནས་སྔ་མོ་ནས་མཚམས་བཞག་ན་དགའ་བ་ལས་ཟླ་བ་བཅུ་བའི་ཚེས་གཅིག་བར་ལ་སྒུག་དགོས་པ་ཅི་ཡིན་ཞེས་དོགས་འདྲི་བྱས་བྱུང་།
དེར་ཀྲུང་གོའི་སྤོ་སྒུལ་ཀུང་སིས་ཀོང་ཀྲོའུ་ཉིན་རེའི་ཚགས་པར་ལ་དེ་སྐོར་ནས་ལན་སྤྲད་དོན།
ལོ་དུ་མའི་རིང་ལ་ཁ་པར་སྡེབས་གྲོན་གྱི་བསགས་འབོར་ཉར་བ་ཧ་ཅང་མང་སྟབས།
སྦྲག་གྲོན་ལ་སྙོམ་སྒྲིག་བྱེད་དུས་སྡེབས་གྲོན་རེ་རེར་སྒྲིག་སྲོལ་ངེས་ཅན་རེ་བཟོ་དགོས་པས་ལས་ཀ་ཧ་ཅང་ལྕི།
གཞན་རིན་རྩིས་སྒྲིག་སྲོལ་བསྒྱུར་བ་ལ་དེའི་མ་ལག་གསར་སྤེལ་དང་སྒྲིག་བཟོ།
བཀོད་སྒྲིག་སོགས་བྱེད་དགོས་པས།
མ་ལག་སྙོམ་སྒྲིག་གི་སྟ་གོན་དང་ལས་སྒོའི་ཚོད་ལྟ་སོགས་ལས་ཀ་མང་པོ་ཚགས་དགོས་པ་རེད།
དེ་མ་ཟད་ཞབས་ཞུ་ལས་ཀར་བཀོད་སྒྲིག་དང་། ཞབས་ཞུ་ཁ་པར10086དང་དབྱི་ཏུང་ལས་གཉེར་ཁང་སོགས་ཀྱི་ཞབས་ཞུ་བར་ཟབ་སྦྱོང་སོགས་བྱེད་དགོས་པས།
ཐོག་མའི་དཔྱད་འཇོག་དང་། ཇུས་གཞི་གཏན་འབེབས།
ལས་ཀ་བཀོད་སྒྲིག་སོགས་བྱེད་པ་ལ་མ་མཐའ་ཡང་ཟླ་བདུན་ནས་བརྒྱད་དགོས་ཟེར།
ལོ་ཙཱ་བ། ཁོན་ཐར་འཚོ།