བེ་མིག་གི་རྩོམ་བཏུས་ཁག་བཅོ་ལྔ་བ།-བཙན་པོའི་མགར་གྱི་དྲ་བ།»བརྩམས་ཆོས་པར་འདེབ་པར་ངོས།

ཁོ་ནི་རྨ་ལྷོ་ཁུལ་རྨ་ལྷོ་རྫོང་བེ་ཆེན་སྡེ་བ་ནས་ནར་སོན་པའི་སློབ་གཉེར་བ་དཀྱུས་མ་ཞིག་ཡིན།ཁོས་སོར་བཅུའི་རྩལ་ལས་ཐོན་པའི་ལྗགས་རྩོམ་མང་བོ་ཞིག(གངས་ཅན་མེ་ཏོག)དང(བཙན་པོ་མགར)གྱི་དྲྭ་ཚིགས་གཙོས་གཞུང་སྒེར་གྱི་དུས་དེབ་དང་ཚགས་པར་མང་བོ་ཞིག་ཏུ་ཀློག་པ་བོ་དག་ལ་གཟིགས་རྟེན་དུ་ཕུལ་བ་དེ་ལས་མ་འདས་སོ།།

ཁོའི་བརྩམས་ཆོས་ལ༼ཚོར་བའི་བཅུད༽ ༼རྨ་འགྲམ་གྱི་ཆིག་ལབ༽ ༼བེ་མིག་གི་མྱི་སྐད༽ ༼ཚོར་བ་གྱེར་བའི་གླུ༽སོགས་འཕྲུལ་དེབ་དུ་མ་ཡོད།

འགྱུར་མེད་འདང་བརྩེ་དེ་མི་གླེང་བར་ཐག་རི་ཆུ་ཡིས་ཆོད་འདུག།

སྒེག་པའི་ལང་ཚོ་དེར་མི་ཞེན་སྟོན་མཇུག་མེ་ཏོག་གི་རང་བཞིན།།

ལྷ་མོ་བདེ་སྐྱིད་ཀྱི་འཚོ་ཞིང་གར་འགྲོ་དོན་ཀུན་རང་འགྲུབ་ཤོག།

ལུས་ཀྱི་བར་ཆག་དེ་རིང་ཞིང་ཁ་བརྡའི་སྙིང་གཏམ་དེ་དཀོན་སོང་།།

ཡུལ་སྐོར་འགྲུལ་བཞུད་དེ་བདེ་འམ་འགྲོ་རོགས་སྙིང་གྲོགས་དེར་མཐུན་ནམ།།

བརྗེད་མེད་དྲན་ཤིང་དེ་བསྐྱུར་རམ་བུ་ཆུང་འདོ་མེད་དུ་བསྒོམས་སམ།།

སོར་བཅུའི་སྟངས་སྟབས་དེ་འཁྱོར་རམ་སེམས་པའི་འཁོར་ཕྱོགས་དེ་ལན་ནམ།།

སྙིང་གཏམ་བརྩེ་འཕྲིན་དུ་སྤྲིངས་པས་ཨ་ལན་ཚིག་གསུམ་ཞིག་འབྱིན་ནམ།།

བུ་ཡི་སྨྱོ་རྟགས་སུ་མཐོང་ངམ་དགའ་བའི་དན་རྟགས་སུ་འཛིན་ནམ།།

གང་ལྟར་བུ་མོ་ཁྱོད་བཀྲ་ཤིས་འདོད་དོན་ཀུན་འགྲུབ་ཀྱི་བཀྲ་ཤིས།།

དེ་རིང་དྲྭ་ཚོགས་ཚོའི་དཔལ་ལྷའི་དུས་ཆེན་ཟེར་དུས་ངས་ཀྱང་ཐོལ་བྱུང་དུ་ལས་གྲོགས་བུད་མེད་ཚོར་སྦྱར་བའོ།

༶ཨ་པར་ཞེས་པ་ནི་ཡུལ་སྐད་ཅིག་སྟེ་འདི་ལ་མནོལ་སྐྲའང་ཟེར་སྲོལ་ཡོད།འདི་ནི་བྱིས་པའི་ལོ་གསུམ་གྱི་སྐྲ་བཞར་སྲོལ་དེ་ད་ལྟའི་ས་ཆ་མང་བོ་ཞིག་ན་འདིའི་སྲོལ་ཡོད།

ཁྱོད་ནི་མུན་ཁྲོད་ན་ལུས་པའི་འོད་ཀྱི་ཕུང་བོ་དཀར་བོ་དེ་ཡིན་པ་བདེན་ན།

ངས་མུན་སེལ་གྱི་སྒྲོན་མེ་དཀར་བོ་ཁྱོད་ལ་བཀྲ་ཤིས་ཀྱི་གཡང་ཞིག་འབོད།

གང་ལྟར་ངས་མཐོང་ཐོས་ཁྱོད་ནི་བྲིས་མི་ཚར་བའི་བརྗོད་སྙིང་གསོན་པོ་ཞིག་ཡིན་ལ

ངས་ཁྱོད་ཀྱི་བརྗོད་འདས་ཀྱི་སྨྲ་བ་ཐོགས་པ་མེད་པའི་སྐྱབས་འཇུག་ཞུ

ཁོ་ཡིས་ལབ་ན་ཁྱོད་ནི་དེབ་ཐེར་ངོས་ཀྱི་གནའ་མྱི་ཞིག་ཡིན་ཟེར།

རྩོམ་པ་བོ་ཁྱོད་ཀྱི་ཤོག་སྨྱུག་གི་རྒྱལ་ཁམས་བདེ་ལེགས་འགྲིམས་པའི་སྨོན་འདུན་ཞུ།

ཤ་ཉེ་ཚོར་གཉིད་དུ་ཡུར་བའི་རྨི་ལམ་རིང་མོ་འདིར། ཁ་བ་སྟུག་པོ་ཞིག་འབབ་སྲིད།

ངས་སྙན་ངག་འབྲི་བཞིན་ཐ་སྙད་རེ་རེའི་ལྷུ་རྐང་བསྒྲིགས་བཞིན་ཡོད།