ཁ་ལོ་པའི་བོད་སྐད་རྒྱུགས་ལེན་མ་ལག་ལ་མང་ཚོགས་ཀྱིས་དགའ་བསུ་ཐོབ།

ཁ་ལོ་པའི་བོད་སྐད་རྒྱུགས་ལེན་མ་ལག་ལ་མང་ཚོགས་ཀྱིས་དགའ་བསུ་ཐོབ།

      བོད་ཁུལ་དང་འབྲོག་ཁུལ་མང་ཚོགས་ཀྱིས་ཁ་ལོ་པའི་དཔང་ཡིག་གི་རྒྱུགས་ལེན་སྐབས་སྐད་རིགས་ཀྱི་དབང་གིས་གོ་བརྡ་མི་འཕྲོད་པའི་དཀའ་ཁག་ལ་དམིགས་ནས། ད་ལོ་ནས་བཟུང་། མཚོ་ནུབ་སོག་རིགས་བོད་རིགས་རང་སྐྱོང་ཁུལ་སྤྱི་བདེ་ཅུས་ཀྱིས་ཏང་ཨུའི་ཤུགས་ཆེན་པོས་རྒྱབ་སྐྱོར་འོག མཚོ་ནུབ་ཁུལ་འགྲིམ་འགྲུལ་རུ་ཁག་གི་རླངས་འཁོར་དོ་དམ་སུའོ་རུ་ཆེད་དུ་བོད་སྐད་ཀྱི་རྒྱུགས་ལེན་མ་ལག་བཙུགས་པ་དང་། མ་ལག་དེ་བཙུགས་རྗེས་བོད་ཁུལ་དང་འབྲོག་ཁུལ་མང་ཚོགས་ལ་སྟབས་བདེ་ཆེན་པོ་བཟོས་པར་མ་ཟད། དེ་ཡང་མི་རིགས་མཐུན་སྒྲིལ་ཡར་ཐོན་བྱ་འགུལ་གྱི་གྲས་སུ་སྤྱད་པའི་བྱེད་ཐབས་གལ་ཆེན་ཞིག་ཀྱང་རེད།

      རླངས་འཁོར་དོ་དམ་སུའོ་ཡི་མི་དམངས་ཉེན་རྟོག་པས་སློབ་མར་ཁ་ལོ་པའི་དཔང་ཡིག་སྟེར་ཞོར། ཁོ་ཚོར་ངེས་པར་འགྲིམ་འགྲུལ་ཐད་ཀྱི་བཅའ་ཁྲིམས་ཁྲིམས་སྲོལ་བརྩི་སྲུང་དང་བདེ་འཇགས་སྒོས་རླངས་འཁོར་བསྐོར་དགོས་པར་མ་ཟད། མཚོ་ནུབ་ཀྱི་བོད་སྐད་རྒྱུགས་ལེན་མ་ལག་ཤུགས་ཆེན་པོས་དྲིལ་སྒྲོག་བྱས་ཏེ། བོད་རིགས་འབྲོག་པ་མང་བོར་སྔར་ལས་བོད་སྐད་རྒྱུགས་ལེན་མ་ལག་གི་སྟབས་བདེ་དང་དངོས་ཕན་ལོངས་སྤྱོད་དུ་འཇུག་དགོས་པའི་རེ་བ་བཏོན། དེ་དང་མཉམ་དུ་ད་རུང་ནུས་ཤུགས་ཡོད་རྒུ་བཏོན་ནས་རྒྱུགས་ལེན་པར་ཞབས་ཞུ་བྱེད་རྒྱུ་དང་། ནང་སྒོས་སུ་རྫོང་སོ་སོ་ནས་མཚོ་ནུབ་ཁུལ་རླངས་འཁོར་དོ་དམ་སུའོ་རུ་རྒྱུགས་ལེན་དུ་ཡོང་བའི་རྒྱུགས་ལེན་པ་དག་ལ་ལས་ཡུན་ཁ་སྣོན་སྒོས་ཞབས་ཞུ་བྱེད་རྒྱུའི་ཁས་བླངས།

      མིག་སྔའི་བར། མཚོ་ནུབ་ཁུལ་རླངས་འཁོར་དོ་དམ་སུའོ་རུ་བོད་སྐད་ཀྱིས་རྒྱུགས་བླངས་པའི་སློབ་མ100ལ་སླེབས་པ་དང་། མ་ལག་དེ་བཀོལ་བ་ནི་སྤྱི་བདེ་རླངས་འཁོར་ཁ་ལོ་པའི་དོ་དམ་བྱ་བ་བཅོས་བསྒྱུར་བྱེད་པའི་ཁྲོད་ཀྱི་བྱེད་ཐབས་ནུས་ལྡན་ཞིག་ཡིན་པར་མ་ཟད། གྲངས་ཉུང་མི་རིགས་ཀྱི་མང་ཚོགས་ཁ་ལོ་པའི་དཔང་ཡིག་ལེན་པའི་རྒྱུགས་ལ་ཞུགས་སྐབས་གཞུང་ལུགས་ཀྱི་རྒྱུགས་ལ་ཞུགས་པར་སྟབས་བདེ་བཟོས་ནས། མི་རིགས་མཐུན་སྒྲིལ་ཡར་ཐོན་ཡོང་བར་སྐུལ་འདེད་གཏོང་བའི་བྱེད་ཐབས་གལ་ཆེན་ཞིག་ཀྱང་རེད། དེས་མི་རིགས་ས་ཁུལ་གྱི་རླངས་འཁོར་ཁ་ལོ་པའི་དོ་དམ་བྱ་བར་སྐུལ་འདེད་དང་། འབྲོག་པ་མང་ཚོགས་ཀྱི་རླངས་འཁོར་སྐོར་རྩལ་གསོ་སྦྱོང་ཇེ་དྲག་ཏུ་གཏོང་བའི་ཐད་ནུས་པ་གལ་ཆེན་ཐོན་པས། མངའ་ཁོངས་ནང་ཁུལ་གྱི་རྒྱ་ཆེའི་བོད་རིགས་མང་ཚོགས་ཀྱིས་དགའ་བསུ་ཆེན་པོ་ཐོབ། །


རྩོམ་སྒྲིག་པ།  མགར་ཚེ་རིང་བཀྲ་ཤིས།  སྤེལ་དུས། 2017/10/17 བལྟ་ཀློག (5055)