རྒྱ་གྲོལ།
བརྩེ་བ་འོ་མཚོར་འཕྱུར་བའི་རྗེ་བཙུན་མ། །
མ་ལྟར་སྙན་པའི་གསུང་གི་དབུང་འབྱུང་མ། །
མདག་སྲིད་ལས་འདྲེན་པའི་ཏཱ་རེ་མ།
མ་རྣམས་སྐྱོབས་ཤིག་རིག་སྔགས་འཕུལ་ལྡན་མ། །
མ་ལུས་ཞིང་དུ་འཁྱམ་པའི་སྡུག་གཟན་མ། །
མ་དག་གནས་སུ་འཁོར་པའི་ལས་ངན་མ། །
མ་བྱང་ལས་ཉོན་ར་བའི་གཞན་དབང་མ། །
མ་གཅིག་བུ་ཚ་གསོ་བའི་དྲིན་ཆེན་མ། །
མ་ལྷག་བརྩེ་བས་སྐྱོང་པའི་བྱམས་ལྡན་མ། །
མ་ལུས་བུ་ཚ་བསམ་པའི་ལྷག་བསམ་མ། །
མ་བཅོས་དུང་སྣང་འགྲེམ་པའི་འཛུམ་ལྡན་མ། །
མ་བསླངས་སྙན་པའི་ངག་གི་གསུང་འབྱོན་མ། །
དང་པོ་ཟླ་བཅུར་འཁུར་པའི་ལུས་ལྕི་མ། །
བར་དུ་ཟས་གོས་སྐྱོང་པའི་ནོར་སྦྱིན་མ། །
ཐ་མར་ཡོད་ཚད་སྟེར་བའི་ཐུགས་ཡངས་མ། །
འདི་ཕྱིའི་བྱ་བཞག་ཀུན་གྱི་ལམ་སྟོན་མ། །
བུ་ཚ་སྐྱིད་ན་ཡོད་ཚད་ནུས་ལྡན་མ། །
བུ་ཚར་དགེ་ན་ཡོད་ཚད་གཏོང་ཕོད་མ། །
བུ་ཚར་བཟང་ན་ཡོད་ཚད་བྱེད་མཁན་མ། །
བུ་ཚར་ཕན་ན་རང་སྡུག་ལེན་ནུས་མ། །
བུ་ཚར་ཉེས་ན་རང་གི་སྙིང་འགས་མ། །
བུ་ཚར་སྡུག་ན་ང་གཅོང་ཞུགས་མ། །
བུ་ཚར་ངན་ཆོ་ངེ་ཆད་མེད་མ། །
བུ་ཚ་རྒུ་ན་སེམས་འཁྲུགས་སྨྱོན་པ་མ། །
བུ་ཚ་སྤྲོ་ན་རང་གི་བཞིན་འཛུམ་མ། །
བུ་ཚ་སྐྱིད་ན་སྙན་པའི་གླུ་ལེམ་མ། །
བུ་ཚ་འབྱོར་ན་གཞན་ལས་ལབ་རྐྱལ་མ། །
བུ་ཚ་དཔའ་ན་གཞན་ལས་བརྟུལ་ཕོད་མ། །
བུ་ཚེའི་སྡུག་སྣང་ལེན་པའི་ཀུན་བཟོད་མ། །
བུ་ཚར་སྐྱིད་ཀུན་སྟེར་པའི་མཆོག་སྦྱིན་མ། །
བུ་ཚར་བླང་དོར་སྟོན་པའི་ལམ་མཁན་མ། །
བུ་ཚར་ཕུགས་འདུན་སྦྱིན་པའི་བརྩེ་ལྡན་མ། །
བུ་ཚ་ཕྱུག་ན་སྙན་པའི་སྟོང་བསམ་མ། །
བུ་ཚ་མཁས་ན་སྙན་པའི་འཁུལ་སྣང་མ། །
བུ་ཚ་བདེ་ན་སྙན་པའི་འདོད་ཅན་མ། །
བུ་ཚ་དཔའ་ན་སྙན་པའི་མགོ་འཁོར་མ། །
བུ་ཚ་ལུས་ཟུངས་འོ་མས་གསོ་མཁན་མ། །
བུ་ཚར་ཟང་ཟིང་ནོར་ཝང་གསོག་མཁས་མ། །
བུ་ཚེའི་དོན་མ་ཎི་འདྲེན་མཁན་མ། །
བུ་ཚ་བདེ་བར་སྨོན་ལམ་ཆད་མེད་མ། །
བུ་ཚ་དྲན་ན་ཟས་ཀྱང་མི་ཟ་མ། །
བུ་ཚ་གྲངན་གོས་ཀྱང་མི་གོན་མ། །
བུ་ཚར་བྲལ་ན་སེམས་ཀྱང་སྟོང་སྟོང་མ། །
བུ་ཚ་སྐྱོ་ན་མིག་ཆུ་བཞུར་མཁན་མ། །
བུ་ཚ་ན་བ་རང་འབྱུང་བཟང་སྙམ་མ། །
རང་གི་བདེ་བ་བུ་ལ་བརྗེ་འདོད་མ། །
རང་གཞན་ཀུན་ལས་བུ་ཚ་ལྷག་འདུན་མ། །
མ་ཡི་སྲོག་ཀྱང་བུའི་སྟེང་ཡོད་བསམ་མ། །
འཇིག་རྟེན་འདི་ན་བུ་ལས་མེད་སྙམ་མ། །
རང་ཉིད་འཆི་ཡང་ཆོག་བསམ་མ། །
བུ་འཚོར་རང་ཉིད་འཆི་ཡང་ཆོག་བསམ་མ། །
མནའ་མས་མནའ་ཡང་བུ་ལ་ཞེ་གདུང་མ། །
ཨ་མའི་བརྩེ་བ་འཇིག་རྟེན་འདི་ལ་ཁྱབ། །
འཇིག་རྟེན་འདི་ན་མ་ལས་མཆོག་ཏུ་སྐུ། །
སུ་དང་གང་གིས་འགྲན་བྲལ་ཨ་མའི་སེམས། །
སེམས་ལྡན་ཀུན་གྱིས་ཟླ་བྲལ་ཨ་མ་རང། །
ཨ་མ་ཡོད་ན་གཅེས་ཕྲུག་གཅེས་ཕྲུག་དང། །
ཨ་མ་མེད་ན་གཅེས་ཕྲུག་ཁྱི་ཕྲུག་འདྲ། །
ཨ་མའི་འཛུམ་མདངས་མེད་ན་སྐྱིད་མི་མཐོང། །
ཨ་མའི་སྐུ་དང་བྲལ་ན་རྒྱབ་མི་དྲོ། །
སྤེལ་དུས: 2013/11/19 |