མ་ཡམ་སློབ་གླིང་། ཚིག སྨིན་དབུས་པོ། དབྱངས། ཡོན་ཏན་མགོན་པོ། གཞས་མ། དྷེ་ལྦ། པདྨ་བོད་ཡིག་བྱམས་སྐྱོང་སློབ་གྲྭ་མཚམས་སྦྱོར་མདོར་བསྡུས། ས་ན་མེ་ཏོག་གི་འདབ་མ་བཞད་པའི་རྩྭ་ཐང་ཆེན་མོར། དབྱིངས་སུ་སྤྲིན་དཀར་གྱི་བང་རིམ་བརྩགས་པའི་མཛེས་སྡུག་གི་གཞིས་མཁར། ང་ཚོ་སྐྱེ་སའི་ཕ་ཡུལ།ང་ཚོ་འདབ་ལག་རྒྱས་སའི་་བྲང་གཞུང་། སྙིང་ཉེ་བའི་གྲོགས་དང་གྲོགས་མོ།ང་ཚོ་འུར་ཆ་འཕེན་སའི་ནོར་ལུག་གི་རྡང་མཐའ་ནས་ གྱེས་ཏེ།ང་ཚོ་མེད་མུག་ཆད་གསུམ་དུ་ཡོད་པའི་དབུལ་བོ་ལས་བརྒལ་ནས་པདྨ་བོད་ཡིག་ བྱམས་སྐྱོང་སློབ་གྲྭ་རུ་མཆོག་སྤྲུལ་དགོན་མཆོག་ཚེ་རིང་ལགས་ཀྱིས་འབྱོར་མཐུས་ ཞན་ཅིང་དྭ་ཕྲུག་ཏུ་ལུས་པ་ང་ཚོ་གདན་དྲང་ཞིང་འཚོ་བ་གྱ་ནོམ་པ་སྩལ་ཡོད།པདྨ་བོད་ ཡིག་བྱམས་སྐྱོང་སློབ་གྲྭ་ནི་ཉིས་སྟོང་བཞིའི་ལོར་མགོ་ལོག་པདྨ་རྫོང་དུ་དབུ་ བརྙེས་ཤིང་། སློབ་མའང་བརྒྱད་ཅུ་ཙམ་ལས་མེད།ལོ་ཡི་འཁོར་ལོ་སྐད་ཅིག་འདས་པ་དང་ལྷན་དུ་མཆོག་ སྤྲུལ་ལགས་ཀྱི་བོད་ཡིག་བྱམས་སྐྱོང་སློབ་གྲྭ་ནི་དབྱར་གྱི་ཆུ་གཏེར་བཞིན་རྒྱས་ ཤིང་།དགུང་གི་སྐར་ཚོགས་བཞིན་རྣམ་པར་བཀྲ། དེ་དང་བསྟུན་ནས་བོད་མདོ་དབུས་ཁམས་གསུམ་ནས་དྭ་བུའམ་ཡང་ན་འབྱོར་བ་ཞན་པའི་ སློབ་མ་མང་པོ་མ་བོས་མགྲོན་པོ་བཞིན་འདུས་ནས་ད་ལྟ་སློབ་མ་བཞི་བརྒྱ་ལྷག་ཡོད། བསླབ་བྱའང་རྒྱལ་ཁབ་གཅིག་གྱུར་གྱི་ཁྲིད་གཞི་ལྟར་ཕུན་སུམ་ཚོགས་པོ་ཡོད་ལ་ཁ་ སྣོན་གྱི་ཕྱོགས་བསྡུས་རང་བཞིན་ཡང་ཡོད།ལྷག་པར་སྒྱུ་སྡེ་ཁག་ལའང་རི་མོའི་ལམ་ ནས་ཐང་ག་བཞེང་ཤིང་།འདུས་ཐང་ལམ་ནས་ཐང་ག་འཚེམ་སྒྲིག ཤིང་རྐོས། སྨན། སྤོས།་མགར།བོད་ལྭ་བཟོ་བ་སོགས་ཀྱི་འཛིན་གྲྭ་རེ་རེ་སྒྲུབ་ནས་བོད་ཀྱི་སོལ་ རྒྱུན་རིག་གནས་ཀྱི་བཅུད་དང་དཔལ་ལ་བརྩོན་བཞིན་ཡོད།ད་དུང་བོད་ཕྱི་ནང་ན་མཚན་ སྙན་རྒྱས་བའི་དྭ་ཕྲུག་གི་རེ་སྨོན་ཟེར་བའི་འོད་སྡེར་དེ་མཐོང་ཨེ་མྱོང་།ད་ལྟ་ ཁྱེད་ཀྱི་མིག་གི་དགའ་སྟོན་དུ་འགྲོ་བཞིན་པ་འདི་ནི་དྭ་ཕྲུག་གི་རེ་སྨོན་ཞེས་ པའི་མི་འབྲེལ་འོད་སྡེར་གཉིས་པ་ཡིན།མི་འགྱངས་བར་མུ་འབྲེལ་འོད་སྡེར་གསུམ་པ་ ཡང་ཀུན་གྱི་སྤྱན་སྔར་འབུལ་རྒྱུ་ཡིན་པས་རྒྱལ་ཕྱི་ནང་ཀུན་ན་བཞུགས་པའི་བོད་ རིགས་སྤུན་ཟླ་ཡོངས་ཀྱི་མིག་གི་དགའ་སྟོན་དང་རྣ་བའི་དབྱིད་དུ་འགྱུར་བའི་བཀྲ་ ཤིས་སྨོན་འདུན་ཞུས་པ་ཡིན་ལ།༢༠༡༢ལོ་དང་༢༠༡༣ལོའི་མཐར་ཕྱིན་རྩོམ་དེབ་པདྨའི་ས་ བོན་ཟེར་བ་ལ་མཇལ་ཨེ་མྱོང་།འདི་དག་ཡོད་ཚད་མཆོག་སྤྲུལ་དཀོན་མཆོག་ཚེ་རིང་ལགས་ ཀྱི་ཐུགས་བསྐྱེད་སྨོན་ལམ་བཟང་པོའི་འབྲས་བུ་ཡིན་ལ།གང་ལྟར་དེ་རིང་གི་པདྨ་བོད་ ཡིག་བྱམས་སྐྱོང་སློབ་གྲྭ་འདི་ནི་དྭ་ཕྲུག་གི་བུ་དང་བུ་མོ།གཞན་ཡང་སློབ་གྲྭར་ འགྲོ་བའི་གམིགས་ཡུལ་ཡོད་ཀྱང་འབྱོར་བས་མ་འདང་བ་སོགས་ཡོང་པའི་གནས་ཚང་ཡིན་པ་མ་ ཟད།རྒྱལ་ཡོངས་གཅིག་གྱུར་གྱི་རྒྱུགས་ལ་ཞུགས་ཤིང་ལག་རྟགས་ཀྱང་ཚད་ལྡན་ཐོབ་ ཀྱིན་ཡོད།འདི་ནི་སློབ་མ་ཞིག་གི་མི་ཚེ་ལ་བྲས་པའི་གསེར་མདོག་གི་འོད་ཟེར་ཡིན་ ལ།འདི་ནི་ལོ་རྒྱུས་ཀྱི་དེབ་ཐེར་ལ་གཏམས་པའི་ནོར་བུ་བསམ་འཕེལ་ཡིན།

སྤེལ་དུས: 2014/3/12

རྒྱས་པར་གཟིགས།

ཨ་ཁུ་པདྨའི་གླུ་མཛོད་ཁག་དྲུག་པ།

སྤེལ་དུས: 2014/3/9

རྒྱས་པར་གཟིགས།

མཛའ་གཞས། སྙན་མོ་འདུག

ཚིག་དབྱངས། དམངས་ཁྲོད། གཞས་པ། མགར་བསམ་འགྲུབ་ཚེ་རིང་།

སྤེལ་དུས: 2014/3/6

རྒྱས་པར་གཟིགས།

བུ་ལོའི་གཞས་ཆུང་།

སྤེལ་དུས: 2014/3/1

རྒྱས་པར་གཟིགས།