དབྱི་རག་ནང་སྲིད་པུའུ་དང་ཉེན་རྟོག་ཕྱོགས་ཀྱིས་ཚེས་ཉེར་གསུམ་ཉིན་བཤད་རྒྱུར། དབྱི་རག་ནས་ཉིན་དེར་འཇིགས་སྐུལ་འཇབ་རྒོལ་དོན་རྐྱེན་མང་པོ་བྱུང་ནས། ཉུང་མཐར་ཡང་མི་སོ་དགུ་རྐྱེན་ལམ་དུ་ཤོར་བ་དང་། མི་དོན་གཉིས་ལ་རྨས་ཕོག་ཟེར།
དབྱི་རག་ནང་སྲིད་པུའུ་ཡི་མི་ཞིག་གིས་ཞིན་ཧྭ་གསར་འགྱུར་ཁང་གི་གསར་འགོད་པར་བཤད་རྒྱུར། རང་སྲོག་གཅོད་མཁན་གྱི་འཇབ་རྒོལ་པ་ཞིག་ཉིན་དེའི་དགོང་མོར་རྒྱལ་ས་པ་ཀི་ཏའི་བྱང་ཕྱོགས་ཀྱི་ཁ་ཞི་ལ་ས་ཆའི་གནས་སྐོར་པ་མང་བོ་ཡོད་སའི་གླིང་ཀ་ཞིག་གི་ནང་དུ་སོང་ནས། ལུས་སྟེང་གི་འགད་རྫས་འགས་གཏོར་བཏང་སྟེ། ཉུང་མཐར་ཡང་མི་ཉེར་བརྒྱད་བསད་པ་དང་། མི་སོ་དྲུག་རྨས། མིག་སྔར་མྱུར་སྐྱོབ་བྱ་བ་སྒྲུབ་བཞིན་པའི་སྒང་ཡིན་ལ། ཤི་རྨས་ཀྱི་མི་གྲངས་ད་དུང་ཇེ་མང་ལ་འགྲོ་སྲིད་ཟེར།
ས་དེའི་ཉེན་རྟོག་པ་ཞིག་གིས་བཤད་པ་ལྟར་ན། རང་སྲོག་གཅོད་མཁན་གྱི་འཇབ་རྒོལ་པ་གཞན་ཞིག་གིས་ཉིན་དེའི་དགོང་མོར་ནང་དུ་འགད་རྫས་བཞག་པའི་རླངས་འཁོར་ཆེན་པོ་ཞིག་བསྐོར་ཏེ་བྱང་ཕྱོགས་ཀྱི་གྲོང་ཁྱེར་མོ་སུའུ་ཨར་གྱི་ཉེན་རྟོག་སྤྱི་ཁྱབ་པུའུ་ཡི་སྒོ་ཆེན་ལ་བརྡུངས་པ་མ་ཟད་འགད་རྫས་འགས་གཏོར་བཏང་ནས། ཉུང་མཐར་ཡང་མི་གཉིས་བསད་པ་དང་། མི་བཅུ་རྨས། དེས་མི་ཚད་མོ་སུའུ་ཨར་ནས་ཉིན་དེར་ད་དུང་འགས་གཏོར་འཇབ་རྒོལ་དོན་རྐྱེན་གཉིས་བྱུང་སྟེ། མི་གཅིག་རྐྱེན་ལམ་དུ་ཤོར་བ་དང་། མི་དྲུག་ལ་རྨས་ཕོག་ཟེར།
ཉིན་དེའི་སྔ་མོར། པ་ཀི་ཏ་དང་མཐའ་འཁོར་ས་ཁུལ་ནས་ད་དུང་འགས་གཏོར་དང་འཇབ་རྒོལ་དོན་རྐྱེན་མང་པོ་བྱུང་ནས། བསྡོམས་པས་མི་བརྒྱད་རྐྱེན་ལམ་དུ་ཤོར་བ་དང་། མི་བཅོ་བརྒྱད་ལ་རྨས་ཕོག
མཚོ་སྔོན་རྒྱང་སྒྲོག་བརྙན་འཕྲིན་དྲ་ཚིགས་ལས།
| 