ཨ་ཧྥུའུ་ཧན་གྱི་ཙུང་ཐུང་ཁ་ཨར་ཀྲ་དབྱི་ཡིས་ཚེས་ཉེར་བཞི་ཉིན་བཤད་རྒྱུར། ཨ་ཧྥུའུ་ཧན་དང་ཨ་མེ་རི་ཁས་ཕྱོགས་གཉིས་ཀྱི་བདེ་འཇགས་གྲོས་ཆོད་ཐད་ཀྱི་གྲོས་མོལ་སླར་གསོ་བྱས་པ་ཡིན་ཟེར།

   ཁ་ཨར་ཀྲ་དབྱི་ཡིས་ཉིན་དེའི་གསར་འགྱུར་སྒྲོག་སྤེལ་ཚོགས་འདུའི་སྟེང་བཤད་རྒྱུར། གྲོས་ཆོད་དེའི་དུས་རིམ་དང་པོའི་གྲོས་མོལ་མཇུག་རྫོགས་པ་དང་དུས་རིམ་གཉིས་པའི་གྲོས་མོལ་མགོ་བརྩམས་མ་ཐག་ཡིན། ཨ་ཧྥུའུ་ཧན་ཕྱོགས་ནས་རྒྱལ་ཁབ་བདེ་འཇགས་ཀྱི་བློ་འདྲི་ཡུལ་སི་ཧན་ཐ་དང་འབུམ་རམས་པ་ཨེ་ཧ་མད་ཏི་ཀྲ་དབྱི་གཉིས་ཀྱིས་གྲོས་མོལ་གྱི་འགན་འཁུར་ཡོད་ཟེར།

    ཨ་ཧྥུའུ་ཧན་དང་ཨ་མེ་རི་ཁའི་ཕྱོགས་གཉིས་ཀྱི་བདེ་འཇགས་གྲོས་ཆོད་ཐད་ཀྱི་གྲོས་མོལ་དེ་ན་ནིང་གི་ཟླ་བཅུ་གཅིག་པར་མགོ་བརྩམས་པ་དང་། དམིགས་ཡུལ་ནི་གྲོས་ཆོད་གསར་བ་ཞིག་བཀོད་དེ་དེང་སྐབས་ཀྱི་བཅའ་སྡོད་དམག་དཔུང་གི་གོ་གནས་ཆོད་དོན་གྱི་ཚབ་བྱེད་རྒྱུ་དེ་ཡིན། དེ་ཉིས་སྟོང་བཅུ་བཞི་ལོར་བྱང་ཆིངས་དམག་དཔུང་ཕྱིར་འཐེན་བྱས་རྗེས་ཨ་མེ་རི་ཁའི་དམག་དཔུང་བཅའ་སྡོད་བྱེད་པ་སོགས་ཀྱི་གནད་དོན་ལ་འབྲེལ་བ་ཡོད།

                            མཚོ་སྔོན་རྒྱང་སྒྲོག་བརྙན་འཕྲིན་དྲ་ཚིགས་ལས།