མཉམ་འབྲེལ་རྒྱལ་ཚོགས་དང་ཨ་རབ་མནའ་འབྲེལ་གྱི་སི་རི་ཡའི་གནད་དོན་གྱི་མཉམ་འབྲེལ་དམིགས་བསལ་འཐུས་མི་པུའུ་ལ་ཞི་མུས་ཀྱིས་ཚེས་ཉེར་བརྒྱད་ཉིན་བཤད་རྒྱུར། ཟླ་བརྒྱད་པའི་ཚེས་ཉེར་གཅིག་ཉིན་སི་རི་ཡས་རྫས་འགྱུར་དངོས་རྫས་བཀོལ་ཏེ་མི་སྣ་བརྒྱ་ཕྲག་ཤི་རྨས་བཟོས་པ་དེ་ངོ་མ་རེད་ཟེར། དེ་དང་མཉམ་དུ་ཁོས་སི་རི་ཡར་དམག་དོན་འཇབ་རྒོལ་བྱེད་ན་སྔོན་ལ་མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱིས་དེར་ཆོག་མཆན་འགོད་དགོས་ཞེས་བཤད།
ཧྥ་རན་སིའི་གསར་འགྱུར་ཁང་གིས་བསྒྲགས་པ་ལྟར་ན། པུའུ་ལ་ཞི་མུས་ཀྱིས་རི་ནེ་ཝ་ནས་གཏམ་བཤད་གནང་སྐབས་རྫས་འགྱུར་མཚོན་ཆའི་གནད་དོན་དེ་གླེང་བ་དང་། ཁོས་དངོས་རྫས་རིགས་ཤིག་བཀོལ་ནས་མི་སྣ་ཤི་རྨས་ཚབས་ཆེན་བཟོས་པ་དེ་ངོ་མ་རེད་ཅེས་བཤད།
དེས་མི་ཚད་པུའུ་ལ་ཞི་མུས་ཀྱིས་སི་རི་ཡར་དམག་དོན་ཐེ་གཏོགས་ཀྱི་བྱེད་ཐབས་ཅི་ཞིག་སྤྱོད་ནའང་། ཐོག་མར་ངེས་པར་དུ་བདེ་འཇགས་ལས་འཛིན་ལྷན་ཚོགས་འཐད་པ་འབྱུང་དགོས། ངས་བལྟས་ན་འདིའི་ནང་དོན་རྒྱལ་སྤྱིའི་བཅའ་ཁྲིམས་ནང་དུ་གསལ་བོར་བཀོད་ཡོད་པར་འདོད་དེ། རྒྱལ་སྤྱིའི་བཅའ་ཁྲིམས་ནང་དུ་དམག་དོན་ཐེ་གཏོགས་ཅི་ཞིག་བྱེད་ནའང་ངེས་པར་དུ་བདེ་འཇགས་ལས་འཛིན་ལྷན་ཚོགས་འཐད་པ་འབྱུང་དགོས་ཞེས་བཀོད་ཡོད། ངས་གནད་དོན་ཅི་ཞིག་འབྱུང་སྲིད་པ་མི་ཤེས་མོད། འོན་ཀྱང་ཙུང་ཐུང་ཨོ་པ་མ་དང་ཨ་མེ་རི་ཁའི་སྲིད་གཞུང་གིས་མྱུར་དུ་དམག་དོན་དཔུང་འཇུག་མི་བྱེད་པར་ང་ལ་ཡིད་ཆེས་ཡོད་ཅེས་བཤད།
མཚོ་སྔོན་ཉིན་རེའི་ཚགས་པར་ལས།
| 