དགོན་སྡེའི་དཔེ་ཁང་འཛུགས་སྐྲུན་ལ་ཤུགས་ཆེན་པོས་སྐུལ་འདེད་དང་། དགོན་སྡེའི་གྲྭ་བཙུན་གྱིས་སྤྱི་ཚོགས་གཞི་རྩའི་སྤྱི་པའི་ཞབས་ཕྱི་ལོངས་སུ་སྤྱོད་པ་དང་དཔེ་ཀློག་ཚགས་པར་ལ་བལྟ་བའི་གཞི་རྩའི་རིག་གནས་ཁེ་དབང་ལ་སྲུང་སྐྱོབ་བྱས་ནས། སྤྱི་ཚོགས་རིང་ལུགས་ཀྱི་སྔོན་ཐོན་རིག་གནས་འཕེལ་རྒྱས་ཀྱི་གྲུབ་འབྲས་ཐུན་མོང་སྒོས་ལོངས་སུ་སྤྱོད་ཆེད། ཉེ་ཆར། སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་འབར་ཁམས་རྫོང་གི་མི་རིགས་ཆོས་ལུགས་ཅུའུ་ཡིས་རྫོང་ཏང་ཨུའི་འཐབ་ཕྱོགས་གཅིག་གྱུར་པུའུ་དང་རིག་གནས་རྒྱང་སྒྲོག་ཅུའུ་དང་མཉམ་དུ་བོད་བརྒྱུད་ནང་བསྟན་དགོན་པར་དཔེ་སྒམ་དང་དཔེ་ཆ། དེ་མིན་རྒྱ་བོད་སྐད་གཉིས་ཀྱི་པར་སྐྲུན་ཡིག་ཆ་སོགས་དགོན་སྡེའི་དཔེ་ཁང་ལས་གཞིའི་སྒྲིག་ཆས་སྒྲིག་སྦྱོར་བྱས།
དཔེ་ཆའི་ནང་དོན་ཕུན་སུམ་ཚོགས་ལ་ཏང་གི་ལམ་ཕྱོགས་བྱེད་ཐབས་སྲིད་ཇུས་དང་རྒྱལ་ཁབ་ཀྱི་བཅའ་ཁྲིམས་སྒྲིག་སྲོལ། རིག་གནས་སློབ་གསོ། རྩོམ་རིག་སྒྱུ་རྩལ། ཚན་རིག་ལག་རྩལ། འཕྲོད་བསྟེན་བདེ་སྲུང་ལ་སོགས་པའི་རིགས་མང་པོ་འདུས། དགོན་སྡེའི་དཔེ་ཁང་བཙུགས་ན་བོད་བརྒྱུད་ནང་བསྟན་གྲྭ་བཙུན་གྱིས“དཔེ་ཆ་མཐོང་དཀོན་པ་དང་དཔེ་ཆ་གཡར་དཀའ་བའི་དོན་དངོས་གནད་དོན་ཐག་གཅོད་བྱ་ཐུབ་པས། གྲྭ་བཙུན་གྱི་རིག་གནས་འཚོ་བ་ཇེ་ལེགས་སུ་གཏོང་ཐུབ། མིག་སྔའི་བར་དུ་རྫོང་ཡོངས་ཀྱི“དགོན་སྡེའི་དཔེ་ཁང”ལ་བསྡོམས་པས་དཔེ་ཆ་ཐུམ་བརྒྱད་བརྒྱ་དང་གཅིག་དང་དཔེ་སྒྲོམ་བརྒྱ་དང་དོན་བདུན་སྒྲིག་སྦྱོར་བྱས།
མཚོ་སྔོན་རྒྱང་སྒྲོག་བརྙན་འཕྲིན་དྲ་ཚིགས་ལས།
| 