ནེ་ཀྲི་རི་ཡཱའི་དམག་ཕྱོགས་ཀྱིས་ཚེས་བདུན་ཉིན་བདེན་དཔང་བྱས་དོན། ཨ་མེ་རི་ཁའི་དམག་ཕྱོགས་ཀྱིས་ཆོས་ལུགས་ཐལ་སྤྱོད་རྩ་འཛུགས་པའོ་ཁི་གནས་མཆོག་ཅེས་པའི་ནེ་ཀྲི་རི་ཡཱའི་བྱང་ཤར་ས་ཁུལ་དུ་ཡོད་པའི་སྦས་སྐོང་བྱེད་སར་གློ་བུར་དུ་འཇབ་རྒོལ་བྱས་ཏེ། ཉུང་མཐར་ཡང་དྲག་ཆས་མི་སྣ་སུམ་ཅུ་ལྷག་རྐྱེན་ལམ་དུ་ཤོར་ཟེར།
ནེ་ཀྲི་རི་ཡཱའི་དམག་ཕྱོགས་ཀྱི་ཁྲི་ཤོག་བདུན་པའི་མགྲིན་ཚབ་པ་ཏན་ཅཱ་ཡིས་གསར་འགྱུར་ལས་རིགས་ལ་བཤད་རྒྱུར། ཚེས་དྲུག་ཉིན་གྱི་ཕྱི་དྲོར་པའོ་ཨར་ནོའུ་ཀྲིག་གི་དབྱེ་ཀྲ་གྲོང་རྡལ་དུ་ཡོད་པའི་པའོ་ཁི་གནས་མཆོག་གི་ཁོངས་མིའི་སྦས་སྐོང་བྱེད་ས་ཞིག་ལ་དམིགས་ཏེ་འགུལ་སྐྱོད་སྤེལ་བ་དང་། དམག་ཕྱོགས་ཀྱིས་འགུལ་སྐྱོད་སྤེལ་སྐབས་བར་སྣང་དང་ས་ངོས་གཉིས་ཀྱིས་འཇབ་རྒོལ་བྱས་ཏེ། ཉུང་མཐར་ཡང་དྲག་ཆས་ཉེས་ཅན་སུམ་ཅུ་བསད་ཡོད་ལ། དེའི་ནང་རྩ་འཛུགས་དེའི་མཐོ་རིམ་བཀོད་འདོམ་པ་ཞིག་ཡོད་པ་དང་། དྲག་ཆས་ཉེས་ཅན་གྱི་རླངས་འཁོར་མང་བོ་གཏོར་བཤིག་བཏང་ཡོད་ཟེར།
ཏན་ཅཱ་ཡིས་བཤད་རྒྱུར། དམག་ཕྱོགས་ཀྱིས་འགུལ་སྐྱོད་མ་སྤེལ་གོང་འབྱོར་བའི་གསང་འཕྲིན་ལྟར་ན། པའོ་ཁི་གནས་མཆོག་ཅེས་པའི་དྲག་ཆས་རྩ་འཛུགས་ཀྱིས་པའོ་ཨར་ནོའུ་ཀྲིག་གི་པཱ་མཱ་གྲོང་རྡལ་དུ་འཇབ་རྒོལ་བྱེད་པར་འཆར་གཞི་འཐེན་བཞིན་ཡོད་ཟེར།
དྲག་ཆས་ཉེས་ཅན་སྐོར་དེས་ཚེས་དྲུག་ཉིན་གྱི་ཞོགས་པར་པའོ་ཨར་ནོའུ་ཀྲིག་གི་ཏན་པའོ་ཨ་ས་ཁུལ་གྱི་དབྱི་སི་ལན་ཆོས་ཁང་ཞིག་ལ་འཇབ་རྒོལ་བྱས་ཏེ་མི་ལྔ་བསད་ཟེར།
མཚོ་སྔོན་རྒྱང་སྒྲོག་བརྙན་འཕྲིན་དྲ་ཚིགས་ལས།
| 