ཨ་མེ་རི་ཁའི་རྒྱལ་སྲིད་བློན་ཆེན་ཁི་ལེ་ཡིས་ཚེས་བཅུ་བཞིའི་ཉིན་ལོན་ཏོན་ནས་བསྟན་དོན། སི་རི་ཡཱའི་གནད་དོན་གྱི་རྒྱལ་སྤྱིའི་གྲོས་ཚོགས་མྱུར་དུ་བསྡུས་ཏེ། བར་བརྒལ་སྲིད་གཞུང་འཛུགས་པར་གྲོས་བསྡུར་བྱེད་དགོས་ལ། དེ་ལྟ་མིན་ཚེ་ཞི་བདེ་མངོན་འགྱུར་བྱེད་ཐབས་མེད་ཟེར།
ཁི་ལེ་ཡིས་མཉམ་འབྲེལ་རྒྱལ་ཚོགས་དང་ཨ་རབ་མནའ་འབྲེལ་གྱི་སི་རི་ཡཱའི་ཉམས་ཉེན་གྱི་མཉམ་འབྲེལ་དམིགས་བསལ་འཐུས་མི་པུའུ་ལཱ་ཞི་མུས་ལ་ཐུག་འཕྲད་བྱས་རྗེས་ཀྱི་གསར་འགོད་པའི་སྣེ་ལེན་ཚོགས་འདུའི་སྟེང་བཤད་རྒྱུར། ང་ཚོས་བལྟས་ན་མིག་སྔའི་ཁ་ཚ་དགོས་གཏུག་གི་གནད་དོན་ནི་དུས་ཚོད་ཅིག་གཏན་ལ་ཕབ་ནས་གྲོས་ཚོགས་བསྡུས་ཏེ་སི་རི་ཡཱ་གསར་བ་འཛུགས་དགོས་ཟེར། ཁོས་ཟླ་བཅུ་གཅིག་པའི་ཟླ་དཀྱིལ་ལ་རི་ནེ་ཝའི་རྒྱལ་སྤྱིའི་གྲོས་ཚོགས་བསྡུ་བར་གལ་འགངས་ཧ་ཅང་ཆེ་བ་ནན་བཤད་བྱས།
ཁི་ལི་ཡིས་བལྟས་ན། སི་རི་ཡཱ་རྒྱལ་ཁབ་ཀྱིས་ངེས་པར་དུ་བར་བརྒལ་སྲིད་གཞུང་ཞིག་བཙུགས་ཏེ་ཞི་བདེ་ལ་ཁག་ཐེག་བྱེད་དགོས་ཟེར། ཁོས་ད་རུང་ང་ཚོས་བལྟས་ན་སི་རི་ཡཱའི་ཙུང་ཐུང་པཱ་ཧྲ་ཨར་གྱི་མི་རིགས་མཐུན་སྒྲིལ་བྱེད་པར་མཁོ་བའི་ཁྲིམས་མཐུན་རང་བཞིན་ཤོར་ཡོད་པར་བསམ་ཡོད་ཟེར།
མཚོ་སྔོན་རྒྱང་སྒྲོག་བརྙན་འཕྲིན་དྲ་ཚིགས་ལས།
| 