རྒྱལ་ཡོངས་སྲིད་གྲོས་ཀྱིས་ཚེས་གསུམ་ཉིན་གྱི་ཕྱི་དྲོར་པེ་ཅིན་ནས་གཟའ་འཁོར་གཉིས་ཀྱི་བཞུགས་མོལ་ཚོགས་འདུ་བསྡུས་ཏེ། «དམངས་ཡོངས་ཀྱི་བདེ་ཐང་སྲོལ་ཡིག»ལག་བསྟར་དང་དངོས་འབེབས་བཟང་བོ་བྱས་ནས་རྒྱལ་དམངས་ཀྱི་ལུས་ཕུང་བྱང་ཚད་ཇེ་ཆེར་གཏོང་བའི་ཐད་ལ་བསམ་འཆར་དང་གྲོས་གཞི་བཏོན། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཡུས་ཀྲིན་ཧྲིན་གྱིས་གྲོས་ཚོགས་ལ་མགོ་འཛིན་མཛད་པར་མ་ཟད་གསུངས་བཤད་གནང་།
བཞུགས་མོལ་ཚོགས་འདུའི་སྟེང་རྒྱལ་ཡོངས་སྲིད་གྲོས་ཀྱི་ཨུ་ཡོན་ལིག་ཅིན་མེན་དང་ཡོ་མེན། པེ་དབྱིན་སུང་སོགས་ཆེད་ལས་མཁས་པ་དང་ཤེས་ཡོན་ཅན་རྣམས་ཀྱིས་དམངས་ཡོངས་ཀྱི་བདེ་ཐང་སྲོལ་ཡིག་ལག་བསྟར་དང་དངོས་འབེབས་བྱས་པའི་གནས་ཚུལ་དང་ལྷག་པར་དུ་དམངས་ཡོངས་ཀྱི་བདེ་ཐང་སྤྱི་བའི་ཞབས་ཕྱིའི་མ་ལག་འཛུགས་སྐྲུན་དང་ལུས་རྩལ་ལས་དོན་བཅོས་སྒྱུར་གསར་སྐྲུན། ལུས་རྩལ་ཐོན་ལས་འཕེལ་རྒྱས་སུ་གཏོང་བ་སོགས་ཀྱི་གནད་དོན་ལ་དམིགས་ནས་བསམ་འཆར་བཏོན་པ་དང་ཉམས་མྱོང་བརྗེ་རེས་བྱས། ཡུས་ཀྲིན་ཧྲིན་གྱིས་ཨུ་ཡོན་རྣམས་ཀྱིས་བཏོན་པའི་བསམ་འཆར་དང་གྲོས་གཞི་ལ་ཉན་ཞོར་དུ་ཟིན་བྲིས་བཀོད་པར་མ་ཟད་ཚང་མ་དང་མཉམ་དུ་གྲོས་བསྡུར་བྱས།
རྒྱལ་ཁབ་ལུས་རྩལ་སྤྱི་ཁྱབ་ཅུའུ་ཡི་ཅུའུ་ཀྲང་ལིག་ཕིན་གྱིས་དམངས་ཡོངས་ཀྱི་བདེ་ཐང་སྲོལ་ཡིག་ལག་བསྟར་བྱས་པའི་འབྲེལ་ཡོད་གནས་ཚུལ་མཚམས་སྦྱོར་བྱས་པ་དང་། སློབ་གསོ་པུའུ་དང་ནོར་སྲིད་པུའུ། སྡོད་ཁང་གྲོང་གསེབ་འཛུགས་སྐྲུན་པུའུ་བཅས་ཀྱི་འགན་འཁུར་བ་དང་ཨུ་ཡོན་རྣམས་ཀྱིས་མཉམ་དུ་གྲོས་མོལ་དང་བརྗེ་རེས་བྱས།
| 