ཟླ་བཞི་བའི་ཚེས་བརྒྱད་ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕེན་གྱིས་མི་དམངས་ཚོགས་ཁང་ཆེན་མོའི་ནང་ན་སྨི་པི་ཡའི་ཙུང་ལི་ཀིན་ཀི་པུའུ་ལ་མཇལ་འཕྲད་གནང་།
རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕེན་གྱིས་ཚེས་བརྒྱད་ཉིན་མི་དམངས་ཚོགས་ཁང་ཆེན་མོའི་ནང་ན་སྨི་པི་ཡའི་ཙུང་ལི་ཀིན་ཀི་པུའུ་ལ་མཇལ་འཕྲད་གནང་།
མཇལ་འཕྲད་གནང་སྐབས་ཞི་ཅིན་ཕེན་གྱིས་གསུངས་རྒྱུར། ན་སྨི་པི་ཡ་ནི་ཀྲུང་གོའི་གྲོགས་པོ་རྙིང་བ་ཡིན་པ་དང་། རྒྱལ་ཁབ་གཉིས་ཀྱི་རྒན་རབས་མགོ་ཁྲིད་པས་བསྐྲུན་པའི་ཀྲུང་གོ་དང་ན་སྨི་པི་ཡ་བར་གྱི་སྲོལ་རྒྱུན་མཛའ་བཤེས་ནི་རྒྱལ་ཁབ་གཉིས་ཀྱི་ཐུན་མོང་གི་གཅེས་ནོར་ཡིན། ང་ཚོས་མུ་མཐུད་དུ་སྔར་སོང་རྗེས་མཐུད་དང་མ་འོངས་གསར་གཏོད་བྱས་ནས་རྒྱལ་ཁབ་གཉིས་ཀྱི་འབྲེལ་བ་དེ་སྔར་ལས་མཐོ་བའི་ཆུ་ཚད་དུ་ཇེ་མཐོར་གཏོང་དགོས། ཕྱོགས་གཉིས་ཀྱིས་ཆབ་སྲིད་ཐད་ཀྱི་འགྲོ་འོང་དང་གྲོས་མོལ་ལ་ཤུགས་སྣོན་དགོས་པ་དང་རྒྱལ་སྤྱིའི་གནད་དོན་ཐད་ནས་མུ་མཐུད་དུ་ཕན་ཚུན་ལ་རྒྱབ་སྐྱོར་བྱེད་དགོས། ཀྲུང་གོ་ཕྱོགས་ཀྱིས་སྟོབས་ཤུགས་ལྡན་ཞིང་སྙན་གྲགས་ཆེ་བའི་ཀྲུང་གོའི་ཁེ་ལས་ན་སྨི་པི་ཡར་སོང་ནས་གཏེར་ལས་དང་ཞིང་ལས། རྨང་གཞིའི་སྒྲིག་ཆས་འཛུགས་སྐྲུན། གསར་བཟོ་ལས་རིགས་སོགས་ཁྱབ་ཁོངས་ཀྱི་མཉམ་ལས་གཏིང་ཟབ་ཏུ་སྤེལ་བ་དང་ལས་གཞི་ཆེན་པོ་འཛུགས་སྐྲུན་བཟང་བོ་བྱེད་པར་རྒྱབ་སྐྱོར་བྱེད་པ་ཡིན་ཟེར།
ཀིན་ཀི་པུའུ་ཡིས་བཤད་རྒྱུར། ཀྲུང་གོས་དུན་ཡུན་རིང་བོར་ན་སྨི་པི་ཡར་རྒྱབ་སྐྱོར་དང་རོགས་རམ་འདོན་སྤྲོད་བྱས་པ་དང་། ཀྲུང་གོ་ནི་ན་སྨི་པི་ཡའི་གྲོགས་པོ་རྙིང་བ་དང་གྲོགས་པོ་བཟང་བོ་ཡིན། ན་སྨི་པི་ཡས་ཧུར་ཐག་སྒོས་རྒྱབ་ཁབ་འཛུགས་སྐྲུན་བྱེད་ཀྱིན་ཡོད་ལ། ང་ཚོས་ཀྲུང་གོར་རེ་བ་ཆེན་པོ་བཅངས་ཡོད་པ་དང་ཀྲུང་གོའི་བར་གྱི་མཛའ་མཐུན་མཉམ་ལས་འབྲེལ་བ་གཏིང་ཟབ་ཏུ་སྤེལ་འདོད་ཡོད། ན་སྨི་པི་ཡ་ཕྱོགས་ཀྱིས་ཀྲུང་གོའི་ཁེ་ལས་ཀྱིས་མ་དངུལ་གཏོང་བར་ཆ་རྐྱེན་བཟང་བོ་བསྐྲུན་འདོད་ཡོད་ཟེར།
| 