རྨ་ཁེར་ཉལ།

                བར་གི་འདྲེ།  

རྫི་གྲོགས་བུ་མོས་ལག་བརྡ་བརྒྱབ་ཀྱང་། །

ཁྱིམ་མཚེའུ་རྒན་མོ་བཤད་ལ་དགའ་བས། །

ཁོ་མོའི་ཕ་མར་ལྐོག་བརྡ་བརྒྱབ་པས། ། 

འཕྲད་པའི་གོ་སྐབས་གཡེན་གྱིས་བཅད་སོང་། །

               ངའི་ཕ་ཡུལ།

བསྣོམ་སའི་མཁའ་དབུག་གཙང་ཞིང་། །

ལྟ་སའི་མེ་ཏོག་མཛེས་པ། །

གཏུང་བའི་ཆུ་བོ་དྭངས་པ། ། 

ཐུ་བྷོད་རུ་བའི་སྐྱིད་རེད། །

              ཇག་གླུ།  

སེམས་ཀྱི་མདའ་མོ་དགྲ་བོར་གཏད་ཅིང་། ། 

རྩིབ་སྡོད་ཞི་ལི་རྡར་མ་ཡིན་པས། །

ཨ་ཁ་ཨ་བོ་ངག་ནས་ཤོར་བའི། ། 

དམིགས་འབེན་དགྲ་བོའི་དོགས་ཟོན་བྱས་སོང་། །

                              སྟོང་གཏམ།  

རྒན་འཆད་མཁས་ལག་ཞའི་སྣང་བརྙན་ལས། །

རྫ་འབྲོང་གཡག་དར་མའི་སྤོབས་ཉམས་ཡག །
དེང་བླ་བོར་སློབ་བུས་རྙོག་བཤད་ལས།། 

འབྲོག་ནོར་རྫི་རྒན་པོའི་སྣ་གླུ་ཡག །

        དགེ་འདུན་ཆོས་འཕེལ།     

ཡུལ་སྡེའི་རིགས་ལ་བརྩེ་དུངས་ཟབ་པས།།

རིགས་ཞེན་གཏམ་ཆར་སྙིང་ནས་བརྡོལ་ཀྱང་།།

མགོ་ཐོག་དཔོན་པོར་རྙིང་ཞེན་ཆེ་བས།།

གཅེས་པའི་ལུས་པོ་ཁྲིམས་ལ་སྦྱར་དེ།།

བྲིས་པའི་ཡིག་ཚགས་མེ་ལ་སྦར་བས།།

མི་ཚེའི་རྔུལ་ཆུ་འདི་ལྟར་སྐམ་སོང་།།

རང་རིགས་འཕོང་བའི་སེམས་པ་ནག་པོ།།

རང་སྡེ་འཆའ་པའི་གཤེད་མ་དམར་པོ།།

རང་ཅག་ཁ་བའི་ལོ་རྒྱུས་བཙོག་པོ།།

རང་ཁར་དམིགས་པའི་དཔོན་པོས་བྲིས་སོ།།

                                2009-2-22