རྨ་ཁེར་ཉལ།

མི་བསྡོད་ལོ་ཟླའི་གོམ་བགྲོད་བར་ནས།།

གཞུང་དོན་སྒེར་དོན་ཀུན་ལ་འདུར་གྱིན།།

སྐར་ཆ་འགའ་རེས་གོ་སྐབས་བཙལ་ཀྱང་།།

ཧྰ་པྰ་སྤུ་ཐོའི་སྒོ་ཆེན་བཀག་ཟེར།།

ཁུངས་ལུང་མེད་པའི་ཉོག་གཏམ་འདི་ཚོས།།

བདག་གི་སེམས་པ་གས་གཏོར་གཏོང་དུས།།

གློ་སྙིང་ཉེ་བའི་གྲོགས་དང་ཕུ་ནུས།།

རྩྭ་ལྟར་ཡངས་པའི་གཤིས་ཀ་མཐོང་བྱུང་།།

ང་རང་སྡོད་པའི་ཁང་གོག་སྒོ་ན།།

མི་རྒོད་ཟ་བའི་སྟག་གཟིག་དོམ་དྲེད།།

མེད་པའི་འཕྱ་སྨོད་བྱེད་གྲབས་མིན་ན།།

རྒན་དང་བྱིས་པ་མགྲོན་ཏུ་སླེབས་བྱུང་།

ཉོན་ཡ་ཉོན་ཡ་སྙིང་ཉེས་སྤུན་གྲོགས།།

རང་དོན་འོ་མ་བསྲུབས་འདོད་ཡོད་དུས།།

མི་ཁོམ་འཇིག་རྟེན་བྱ་ལས་མང་བོ།།

མི་བསྡོད་བྱ་བཞིན་གང་ལ་འཕུར་སོང་།།

མ་བཤད་མ་བཤད་རྫུན་འདི་མ་བཤད།།

མ་བུ་ལྟ་བུའི་གྲོགས་པོར་མ་བཤད།།

མ་བསམ་ས་ནས་རྫུན་གི་ཚིག་མཛོད།།

མ་རབ་མི་ཚོས་ལྐོག་ནས་ཀློག་འགྲོ།།

ཁ་ཐིག་མེད་པའི་རྫུན་ཁུག་ནང་གི།།

ཤ་མིན་ཚིལ་མིན་རྨེན་གྱིས་ཕུང་བོ།།

ཧཱ་པཱ་སྤུ་ཐོས་ཟོས་ནས་མི་ཚད།།

སྒྱུ་རྙོག་བརྒྱུད་དེ་བཏང་ཡང་ཚར་འདུག།

                              2010-4-9