འཇང་ཚ་འཁྱམ་པོ།
༡༽
ཁྲི་གདུགས་ཀྱི་གཟི་འོད་དེའམ་
དབྱར་གཞུང་གི་བསླུ་བྲིད་ཅིག་གིས་
ང་འདི་ལྟར་བུད་ཡོང་།
གནམ་འདེགས་ཀྱི་གངས་རི་བརྒལ་ཞིང་།
འཕྱུར་བཞིན་པའི་ཆུ་བོ་བརྟོལ་ནས་
སེམས་གཏིང་གི་རྨི་ལམ་འཚོལ་བཞིན་་་་
༢༽
ཡིད་འོང་གི་ཡིག་རིས་དེའི་ཟུར་མིག་འཛུམ་གྱིས་བསུས་ཏེ་
སྦག་མེད་ཀྱི་སྐད་ཆའི་སྟངས་སྟབས་གླུ་རུ་དྲངས་ནས་
ཁྱེད་ཀྱི་པང་དུ་རོལ་འདོད
འོན་ཀྱང་། རིང་བ་ནི་ཁྱོད་དང་ང་ཡི་བར་ཐག་རེད།
ཡང་ན་ ང་གནས་པར་ཁྱོད་ཀྱིས་གསལ་ཆ་མེད།
༣༽
ཆ་མ་འཚལ་བའི་དོགས་ཚོམ་གྱི་རྒྱ་ལས་
འགའ་རེས་ ཁྱོད་ནི་འུ་ཚང་གི་ཚེ་སྲོག་ཡིན་ཟེར།
ལ་ལས་ ཁྱོད་ནི་ཕ་གསོད་ཀྱི་ལག་དམར་ཡིན་ཟེར།
གང་ལྟར་ འཇམ་ཤ་ལྡན་པ་ཁྱོད་ཀྱི་རང་གཤིས་དང་།
སྲ་མཁྲེཊ་ཆེ་བ་ཁོ་ཚོའི་ངོ་བོ་ཡིན་པ་བདེན་དུ་ཆུག
༤༽
ཡང་ན། དྲང་བདེན་གྱི་འདྲེན་ཤུགས་བོར་ཞིང་
ལྷག་བསམ་གྱི་གསོན་ཉམས་ཡལ་བའི་དུས་ད་ལྟར་
ཁྱོད་ལ་ཞགས་སྐེ་བྱས་ན་གཟི་བརྗིད་དུ་སྣང་ཆོག་གམ་་་་་་
| 