དགོང་ཁའི་མཚམས་སྤྲིན་གྱི་ཐུ་འོག་ན                             

ཁྱེད་ནི་སྙིང་དུ་སྡུག་པའི་མེ་ཏོག་ཞིག

ང་ནི་དཔྱིད་རླུང་གིས་བདས་ཏེ་མེ་ཏོག་གི་འདབ་མར་འཁྱུད་པའི་གཡུ་སྦྲང་དེ

གང་ལྟར

ཕན་ཕུན་ལ་ཕྱོགས་པའི་མཛུམ་མདངས་དྲོད་མོར་བརྩེ་དུང་གི་མྱུ་གུ་འབུས

དེ་དུས་ནས

ཁོ་བོས་ཁྱེད་རང་ཐོབ་པའི་སེམས་པ་མཐོ་རུ་བཏེགས

ཁྱེད་ཀྱིས་མི་འགྱུར་དམ་བཅའི་མདུད་པ་སྙིང་ཁར་བཏབ་ཡོད་དམ

ཁོ་བོའི་བརྩེ་ཞེན་གྱི་མེ་ཏོག་སིལ་བུར་གཏོར་མ་ནུས

ཡིན་ན་ཡང་  ཁྱོད་རང་ཅིས་ཀྱང་

བརྩེ་དུང་གི་བཀག་རྒྱ་ལས་ཐརམ་ཐུབ

སྙིང་ཉེ་མ

                                                              ༢༠༡༢ལོའི<<རྨ་ཆུའི་རླབས་སྒྲ>>ལས།