ཆོས་ཤུལ་གསང་བདག

ལེ་བདའ་བྱེད་ས་སུ་ཞིག་ཡོད

འཁང་ར་བྱེད་ཆོག་པ་དུ་ཙམ་ཡོད

སྒེའུ་ཁུང་ལས་ལྟ་ཆོག་པའི་འཇིག་རྟེན་རེ་རེ

སུས་ཀྱང་གོམ་བགྲོད་བྱེད་སའི་ནམ་མཁའ་རེ

དཀོན་མཆོག་གིས་བདག་ལ་གནང་བ

གཤོག་པ་དེ་དང་དེ་རྐྱོང་སའི་གནམ་སྔོན་པོ

གཤོག་འོག་ཏུ་ཡིབ་ཆོག་པའི་ས་གཞི་རིལ་བོ

སུ་ཞིག་གིས་བདག་ལ་བར་ཆད་གཏོང་

ས་སྟོང་ལུང་སྟོང་གི་དུད་འགྲོ་ཚོའི་རྨུག་རྗེས

བྱེ་ཐང་དེའི་ངོས་གཞན་ཞིག་ལས་མངོན་དུས

བདག་ལ་དོགས་སྣང་སྐྱེ་ཆོག་པ་དུ་ཙམ་ཡོད

ས་རྡུལ་འཚུབ་ཡོང་བའི་རུ་སྡེ་ཞིག

ངོ་གདོང་གི་རྔུལ་ཆུ་བཞིན་ཟགས་འོང་དུས

རྩྭ་རྩི་ཤིང་ག་ཙམ་སྐྱེས་ནུས

སེམས་ཆུང་ངང་སྡོད་ཚུགས་པའི་མི་དག

ཕ་ཡུལ་དུ་གཏོགས་ཨེ་སྲིད 

༢༠༠༧．༡༠．༧ཉིན་ཕ་ཡུལ་དུ་སྦྱར།