ནས་ཆང་ཤེལ་ཕོར་གང་བོ་འདིས།
ངའི་སེམས་ཀྱི་རྨ་ཁ་གཙང་སེལ་བྱས།
ངའི་སེམས་ཀྱི་འགྱོད་གདུང་དྭངས་པར་བྱས།
ང་གཏན་ནས་བཟི་མེད།
འོན་ཀྱང་། ངའི་ལུས་ཟུངས་སྔར་བཞིན་སྦྲིད་འདུག
ངའི་མིག་ཆུ་ད་དུང་འཁྱིལ་འདུག
འཇིག་རྟེན་གྱི་གྲུ་ཟུར་ན། ཁ་ངོ་སྦགས་པའི་སློང་མོ་བ་དག་གིས།
ང་ལ་ཕྱག་འཚལ་བཞིན་མཐེ་བོང་སྒྲེང་།
དོན་ངོ་མ། ང་བཟི་མེད།
གནམ་ས་རྡིབ་ལ་ཉེ། གངས་རི་ཞུ་ལ་ཁད།
ངས་ད་དུང་། ཅི་ཡང་བསྒྲུབས་མེད་ལ་ཅི་ཡང་རྙེད་མེད།
གཉིད་མ་སད་ཀྱིས། གང་ལྟར་བཟི་མེད།
ངའི་སེམས་ནས།
མེས་པོ་དག་འཁྲུངས་སའི་སྦྲ་ནག་སྨུག་པོ།
ཐག་རིང་ན་ཡོད་པ་ཐོས་བྱུང་།
དབྱངས་རྟ་སྙན་པའི་གསལ་བྱེད་སུམ་ཅུ།
མིག་མདུན་ན་ཡོད་པ་ཚོར་འདུག
འོན་ཀྱང་། ངའི་དྲན་འཛིན་གྱི་མེ་ལོང་ངོས།
ཕྱི་ཡུལ་གྱི་འདམ་བུས་བརྫིས་སོང་།
དེའི་ཕྱིར། ང་རང་བཟི་མི་རུང་། ཕུགས་མདུན་གྱི་ཀློང་ནས།
ངས་ནུས་པ་ཅི་ལྕོག་གིས་འབད་དགོས།
འཚོ་བ་ཡི་རྒྱབ་ནས། ཅིས་ཀྱང་ཕ་རོལ་ལ་ཡིད་ཆེས་བྱེད་དགོས།
འོན་ཀྱང་། ངའི་བསམ་གཞིགས་ཀྱི་སྣེ་མོ།
ལྕགས་ཁབ་ལ་འདྲེན་མ་ཐུབ། ངའི་དོགས་སློང་བརྗེད་འདུག
གནམ་ས་འདིར། ཉ་ཉོག་གི་མི་ཁ་རྒོད་པས། ཨ་ཐང་ཆད་གི
རྐྱེན་འདིས། ང་རང་བཟི་མེད་པ་སྟོན་ཐུབ།
ང་ལ་དུངས་རབས་དང་དྲན་རབས། ཤ་ཉེ་ཚུལ་དང་ཤ་ཚ་ཚུལ།
མི་བུ་དེའི་ཁ་ནས་རྡོལ་བཞིན་ཡོད།
ཡིན་ཡང་ངའི་སེམས་ནས་འཇིགས་སྣང་སྐྱེས།
ངའི་སྙིང་ཆུང་ལྡིང་ནས་མཚམས་མི་འཇོག
དོན་གྱིས། ང་རང་བཟི་མེད་པ་ཚོར་འདུག
འཇིག་རྟེན་ན། དགའ་ཞིང་སྤྲོ་བའི་གཏམ་རྒྱུད་མང་རུང་།
ང་ནི་གཤོག་པ་ཐོགས་མེད་པའི་ཉམ་ཆུང་གི་བྱེའུ་ཆུང་བཞིན།
ཁྱེད་ཀྱིས་བརྙས་ཏེ་རྨས་སྐྱོན་ཐེབས།
དེ་དུས། ཁྱོད་ཀྱིས་མིག་མདའ་ཙམ་ཡང་མ་འཕང་།
མང་བོ་ཞིག་གི་རྐྱེན་གྱིས། ན་ཟུག་འདི་ཧ་ཅང་ལྕི་ཡང་།
ད་དུང་ཡང་། ང་གཏན་ནས་བཟི་མི་རུང་།
ང་གཏན་དུ༼རྐང་ལམ་ཕྲ་མོ༽རུ་བསྐྱོད་དགོས།
འོན་ཀྱང་ང་ལ་གཞན་གྱི་བསླུ་བྲིད་ཐེབས་པས།