སྐམ་ལ་ཉེ་བའི་སྡོང་ལོ་དེ་འུ་གཉིས་ཀྱི་བརྩེ་དུང་གི་བར་ཐག་མིན་པར་སྨོན

མི་ཁའི་རྒུན་ཆང་དེས  ང་རང་བཟི་བར་གྱུར

ཀྱེ  ཕྱི་མིག་གི་ལོ་ཟླ

ང་ཡི་འཇིག་རྟེན་ལ་ནམ་མཁའ་བྲི་རོགས

ང་ཡི་རྐང་རྗེས་ལ་གཟི་འོད་སྒྲོན་ཅིག

སེམས་པ་རྨས་མ་དང་སྐྱོ་གདུང་བརྩེག་མ་རུམ་ནས

རྣམ་ཤེས་ཀྱི་དབྱངས་རྟ་དམར་བོ་དེས

ཆག་གྲུམ་གྱི་རྨ་ཁ་གསོས་ཤིག  བརྩེ་སེམས་ཀྱི་གླུ་སྒྲ་གཏོང་རོགས

སྐབས་དེར   མིག་ཆུ་དེ་དུངས་སེམས་ཡིན་པ་ཨེ་ཚོར་གི

ཆང་ཕོར་དེ་དགའ་བ་ཡིན་པ་ཨེ་ཤེས་ཀི

སྙན་ཚིག་འདི་དྲན་རྟེན་ཡིན་པ་ཨེ་མཐོང་གི

ཁྱེད་རང་བུ་སོང་  མིག་ཆུ་ཡི་ལོ་རྒྱུས་བརྗོད་ནས

ལག་པ་ཡི་དྲི་རྟགས་འཇོག་གིན

ག་ལེར་ག་ལེར་བུད་སོང་

སྙིང་ཉེ་མ

ཀྱེ་ཧུད  འདི་ལྟར་འགྲོ་དགོས

ཟླ་བ་བསིལ་བསིལ་ཁྲོད་ཀྱི་སྐར་ཚོགས་དེ

འུ་གཉིས་ཀྱི་བརྩེ་དུང་ལ་རྟེན་འབྲེལ་ཞུ་མཁན་རེད

ཉི་འོད་ལམ་ལམ་འཕྲོས་པའི་སྤྲིན་པ་དེ

འུ་གཉིས་ཀྱི་བརྩེ་དུང་ལ་བར་ཆད་བཟོ་མཁན་རེད

ཏག་ཏག  དུས་གཏན་དུ

ཁྱེད་རང་འཛུམ་གྱིན་ཨེ་ཡོད