ཆུ་བོའི་རླབས་ཀྱིས་རྩྭ་ལྗང་ལོ་མ་འཐུ། །

ཁུ་བྱུག་གྲེ་འགྱུར་ཕ་གི་ནགས་ན་གྲགས། །

སེམས་ཀྱི་ལོ་མ་འཐོར་སའི་རི་ལུང་ན། །

མེ་ཏོག་རྣ་རྒྱན་འདོགས་ལ་བྲེལ་བ་ཡིས། །

བྱིས་པ་དག་གིས་བྱིས་དུས་དྲན་དུ་བཅུག །

 

 

ཐ་སྙད་རྡོག་རེ་ཤེད་ཀྱིས་འགྲིལ་སྟངས་རེར། །

སེམས་ཀྱི་ཚོར་བ་སེམས་ཀྱི་རུས་ལ་ཟུག །

སྣང་ཤས་ཟླུམ་པོར་འཁྱིལ་བའི་མཛེས་ལྗོངས་ན། །

དབྱངས་ཀྱི་གོ་རིམ་ལྡེབ་ལ་བྲིས་ནས་གདའ། །

ཚོས་ཁ་ཡལ་བའི་མི་དག་རྡོག་བྲོ་རྒྱག །

 

 

ཟས་ཀྱིས་ཕོར་བ་ལྟོ་བའི་སྒང་ལ་འཇོག །

ནོར་གྱི་སླས་ར་རྩྭ་ལྡུམ་ལོ་མའི་ཁྱབ། །

ཐ་སྙད་མང་དག་མང་ཚོགས་ཁ་ན་རྒྱུག །

ཁ་དོག་མོག་པོ་ཁ་དོག་དཀར་པོ་ཞེས། །

ཆུ་མོའི་གཞུང་ན་བྱ་ཁྱུའི་སྐད་འབོད་རྒྱག །