༄༅། །ཕྲེང་བ་ལ། རྒྱུ། ཞི་བ་ཤེལ་དང་ཉ་ཕྱིས་དང་། །མུ་མེན་དུང་གིས་མཛེས་པ་ཡིན། །རྒྱས་པ་གསེར་དངུལ་བ་སོ་སྟེ། །ཚེ་རིང་ནད་མེད་དགེ་བ་ཡིན། །བྱི་རུ་ཟངས་དང་ཙན་དན་དམར། །འགུག་བྱེད་དབང་གི་ལས་རྣམས་མྱུར། །རུ་རཀྵ་དང་ལུང་ཐང་འབྲས། །ཐོད་པ་མངོན་སྤྱོད་དྲག་པོ་ལ། །བྷོ་དྔྷི་ཙི་ནི་སྤྱི་ལ་རྒྱུག །ཕྲེང་ཐག་ནི། བལ་ལམ་རས་ཀྱི་སྐུད་པ་ཞི་བ་ལ་སུམ་སྒྲིལ། རྒྱས་པ་ལ་བཞི་སྒྲིལ། དབང་ལ་ཉིས་སྒྲིལ། དྲག་པོ་ལ་དགུ་སྒྲིལ། ཁ་དོག་ཀྱང་ལས་བཞི་རང་མདོག་དང་། རྒྱུན་བུ་ལ་བྱས་ཚེ་ཞི་བ་གླང་། རྒྱས་པ་ར་ཁམ་པ། དབང་ལ་བ་དམར། དྲག་པ་ལ་རས་མར་བཤད་དོ། །ཕྲེང་བའི་དག་པ་རིན་ཆེན་གའུར། ཕྲེང་ཐག་ཐུགས་རྗེ་ཉག་ཐག་ལ། ཕྲེང་བའི་རང་བཞིན་རང་གཞུང་ལྷ། བཅུ་འཛབ་ལས་བྱེད་ཕོ་ཉ་སྟེ། མདོ་འཛིན་ཉིས་བརྩེགས་བོན་སྐུ་དང་། ངོ་བོ་ཉིད་སྐུ་རུ་མཚོན། འདྲེན་ལུགས་ནི། ལུང་ལས། ཞི་བ་མཛུབ་མོར་བཞག རྒྱས་པ་གུང་མོ་དབང་སྲིན་ལག དྲག་པོ་མཐེའུ་ཆུང་སྟེང་ན་འདྲེན། ཟློག་བཤད་ཕར་ལ་བགྲང་བར་བཤད། ཕྲེང་བའི་དམ་ཚིག་བཅུ་གཅིག སྙིང་བོ་བཟླ་དུས་ཕྲེང་བ་གཞན་ལ་མི་བསྟན། རང་གི་ཞབས་སུ་མི་བཅུག གཞན་གྱི་ལག་ཏུ་མི་འགྲིམ། ལག་དལ་བས་མི་འདྲེན་པ་ལུས་ལ་བཅང་ས་རྗེན་ལ་མི་འཇོག ཕྲེང་བ་རིགས་མི་གཅིག་པ་རྣམས་མི་བསྲེ། མཛེས་ཆོས་ཀྱི་རྒྱན་དང་མི་སྤྲད། མི་སྡིག་ཅན་གྱི་ལག་ནས་བྱུང་བ་མི་བཅང་། གཞན་གྱི་གྲངས་བརྩི་སླད་དུ་བཤར་བ་མི་བྱེད། ཚུལ་འཆོས་ཀྱིས་ལག་ཏུ་མི་འདྲེན། རབ་གནས་མེད་པ་མི་བཅངས་པ་དང་བཅུ་གཅིག་གོ །

佛珠是佛教徒用以念诵记数的随身法具，在僧俗间的广泛使用。本称“念珠”，起源于持念佛法僧三宝之名，用以消除烦恼障和报障。通常可分为持珠、佩珠、挂珠三种类型。每串佛珠数目表征不同的含义。佛珠的质料不胜枚举，以“七宝”所制成的佛珠最为殊胜尊贵。菩提子是最为人们所熟知的一类佛珠。佛珠是弘法最为方便的法器。在使用佛珠时，不要过分地计较它的构造、颗数和质料才好。只要能做到“静虑离妄念，持珠当心上”，也就可以早证菩提、成就涅槃了。