རྨ་ཆུའི་བསམ་གཏན།
གནད་དོན་ལ་བརྡར་ཤ་ཞིག་གཅོད་དགོས་པ་ནི་རང་ཉིད་ནས་འགོ་རྩོམ་དགོས་པ་མ་ཡིན་ནམ། མི་རྣམས་ཀྱིས་རང་བློ་ཙམ་གྱི་སྒེར་ཚུགས་ཀྱི་བཙན་རྫོང་དེ་ནས་མི་གཞན་ལ་ཕྲ་མིག་གཏད་དེ་དགེ་སྐྱོན་གྱི་བྱ་ར་བྱེད་པ་དེ་ནི་ལས་ཀ་བཟང་བོ་མིན་ཏེ། མི་ཁོ་ཚོ་ལའང་རང་ཉིད་ཀྱི་རློམ་སེམས་སྲ་མཁྲེགས་ཤིག་ཡོད་པ་ཙམ་མ་ཟད། རང་གི་ཡིན་མདོག་ངང་བསགས་པའི་ལག་འབབ་ལྗིད་པོའི་གྲུབ་འབྲས་ཤིག་ཀྱང་ཡོད་པ་རེད། གྲུབ་འབྲས་དེའི་སྡུག་ཡུས་ནི་ཕན་སེམས་དང་འབྲེལ་བ་མེད་ཅིང་། གང་ཞིག་ནས་རྣམ་པར་རྒྱལ་བ་དེ་ཙམ་གྱི་ཚོར་བ་གཙིགས་སུ་འཛིན་ཐུབ་མིན་ལ་རག་ལས་ཡོད། གྲོགས་པོ་དག་ངའི་བློ་ལ་རང་ཉིད་ལས་ཡོངས་སུ་འགོངས་པའི་གཞན་སྐྱོན་འབའ་ཞིག་འཆར་གྱིན་པ་དེ་ནི་རང་གི་གོ་རྟོགས་ཤིག་ཏུ་རློམ་པ་ནི་ནོར་འཆུག་ནང་གི་འཆུག་བཙོག་ཅིག་ཡིན་པ་ཤེས་ཡོད་ལ། ངོ་ཤེས་པའི་མི་དེ་ནི་འཇིག་རྟེན་པའི་འདོད་ཡོན་སྙན་གྲགས་ལ་དགའ་བ་ཙམ་མ་ཟད། རང་རློམ་གྱིས་བཏུམས་པའི་མི་ང་ཚོ་དང་འདྲ་བར་ཀུན་ཏུ་གདུ་བཞིན་པའི་ཁེ་གྲགས་གི་གཏིང་མར་འཛུལ་བ་ནི་ཉེན་ཁ་ཧ་ཅང་ཆེ་བའི་སྨུག་རྒྱུའི་དཔའ་ཀློང་ཞིག་གོ།།
པོད་ཁུག་ལས།
| 