བྱམས་པ་འཕྲིན་ལས་ཀྱིས།
ལྷམ་ཆུང་རླུང་གིས་ཟད་སའི་བར་སྣང་གི་འཇིག་རྟེན། །
མཐའ་བཞི་གངས་རིས་བསྐོར་བའི་དྭངས་གཙང་གི་ཡུལ་ལྗོངས། །
ཕ་མས་རིང་ནས་བཙུགས་པའི་སེམས་ཁུང་གི་དར་ལྕོག །
ལྷ་རི་མཐོན་པོ་འདི་ནི་འུ་ཅག་གི་གཞིས་ཁྱིམ། །
བརྩེ་བ་ཟབ་ཟབ་ཁྱེད་ཀྱི་ཡང་སྟེང་ནས་འཕྱོ་ཞིང་། །
དུང་བ་ལང་ལོང་བདག་གི་སྙིང་ཁོང་ནས་རྒྱུ་ཚེ། །
རྒྱབ་རི་སྨུག་པོ་འདི་ཡི་མཐོ་ཚད་ལ་བསམ་སྟེ། །
དགའ་བ་ཁོག་ནས་རྒྱས་པའི་གཏམ་རྒྱུད་འདི་འཁྲུངས་སོང་། །
ལོ་རྒྱུས་ཆེ་ཆེ་ཕ་མའི་ངག་ཐོག་ནས་རྒྱུ་ཞིང་། །
གཏམ་རྒྱུད་ཆུང་ཆུང་བུ་ཚའི་སེམས་ངོགས་སུ་འཐིམ་དུས། །
ཁ་འཛུམ་ཁོག་ཏུ་མིད་པའི་བདེ་སྐྱིད་ཀྱི་དྭངས་མས། །
ལུས་སེམས་གཏན་དུ་བཟི་བའི་ཕ་ཡུལ་འདི་སྐྱིད་པ། །
|