༧སྐྱབས་མགོན་ཆེན་པོ་མཆོག་གིས་ཡང་དག་པའི་གྲོགས་པོ་འགྱུར་མེད་ཅིག་བྱེད་ཐབས་སྐོར་གྱི་ལམ་སྟོན་བཀའ་སློབ་འདི་འདྲ་ཞིག་གསུངས་འདུག
''སྤྱིར་ན་མི་སྐད་གྲགས་ཆེན་པོ་དང་། དབང་དང་རྒྱུ་ནོར་ལོངས་སྤྱོད་ཆེན་པོ་ཡོད་པ་དེ་ཚོ་ལ་གྲོགས་པོ་མང་པོ་ཡོང་གི་ཡོད། དངོས་ཡོད་གནས་ཚུལ་ལ་དེ་དག་ནི་གྲོགས་པོ་བློས་ཐུབ་དང་བདེན་ཐུབ་ཅིག་མིན་ཞིང་། ཁོང་ཚོ་མི་དེའི་རྒྱུ་ནོར་དང་དབང་ཆས་ཡིད་དབང་འཕྲོག་ནས་གྲོགས་པོ་བྱས་པ་ཡིན། དེས་ན་ཉིན་གཅིག་མི་དེའི་རྒྱུ་ནོར་ལོངས་སྤྱོད་དང་དབང་ཆ་མེད་པ་ཆགས་ན་དེའི་ཉིན་གྲོགས་པོ་དེ་ཚོའང་མེད་པ་ཆགས་རྒྱུ་ཡིན་སྟབས། ངས་དེ་འདྲའི་གྲོགས་པོ་ནི་ཡང་དག་པའི་གྲོགས་པོ་ཞིག་ལ་བརྩི་ཡི་མེད། འོ་ན་བདེན་ཐུབ་ཀྱི་གྲོགས་པོ་གང་འདྲ་ཞིག་དགོས་ཤེ་ན། ལྷད་མེད་དང་སེམས་ཐག་ཉེ་བོའི་འདུ་ཤེས་ཀྱིས་ཕན་ཚུན་བསམ་ཚུལ་སྤེལ་རེས་དང་། རྒྱུ་ནོར་དབང་ཐང་གི་འཕེལ་འགྲིབ་ལ་མ་ལྟོས་པར་གྲོགས་པོའི་འབྲེལ་བ་མུ་མཐུད་རྒྱུན་འཛིན་བྱེད་མཁན་ཞིག་དགོས་པ་ཡིན།’’ ཞེས་༸སྐྱབས་མགོན་ཆེན་པོ་མཆོག་གི་གསུང་༼བྱམས་བརྩེའི་རིན་ཐང་༽ལས་གྲོགས་པོའི་དུས་དྲན་བསྲུང་བརྩིའི་ཉིན་མོ་དང་འབྲེལ། འཛམ་གླིང་ཤར་ནུབ་ཀུན་ལ་བཞུགས་ཤིང་མཛའ་བརྩེ་ཟབ་པའི་གྲོགས་པོ་ཡོངས་ལ་ཚད་མཐོའི་ལེགས་སྐྱེས་དང་སེམས་ཀྱི་མཆོད་པ་ཞིག་གི་དོད་དུ་བཏེགས།
|