རྨ་ཁེར་ཉལ།
ཀྭ༵་ཡེ་ཁ་དོག་དང་ཁ་ཞེ་མཐུན་པོ་ཚོ། ཁ༵་ནས་ལུད་པ་འདི་སྙིང་ཁྲག་གི་ཟེགས་མ་ཡིན། ག༵་དུས་བོས་ཡང་ཁྱེད་རང་ཚོ་མྱུར་དུ་འབྱོན་པར་ཞུ། ང༵་རང་དུས་ཚོད་ཀྱི་སྒུག་གི་མི་འདུག ཅ༵་དག་དང་དགྱེས་སྤྲོས་བྱེད་ཁོམ་མི་འདུག ཆ༵་རྐྱེན་དང་ཆ་རྐྱེན་བསྡུར་ཡོང་དུས། ཇ༵་ཆང་ལ་རོལ་ནས་གནམ་དུ་ཁ་གདངས་མཁན་ཚོ། ཉ༵་རྒྱ་རུ་ཚུད་པའི་སེམས་ཅན་ཁྱུ་གཅིག་ཏུ་འདོད་དོ། །
ཏཱ༵་ཡང་ལ་ཁྱེད་ཚོ་ཐུགས་མི་དགྱེས་པར་སྨོན། ཐ༵་གུ་ཆད་པོའི་སྐེད་རེག་འདི་ལས་བདག་ལ་མེད། ད༵་ཕན་ཕ་མའི་གཟིགས་སྐྱོང་འོག་ལབ་བརྒྱབ་པ་ཡིན། ཕ་མ་དང་ཉམ་ཆུང་བའི་ཕྲུ་གུ་ཀུན་ང་ཚོའི་འདོར་ག་ལ་རུང་། པ༵་པིར་གྱི་གཏམ་འཆད་ཀྱིན་འདུག་མ་ཟེར། ཕ༵་དམ་པའི་གདན་ཐོབ་དེ་མཐོང་གིན་པས་ན། བ༵་གམ་ལ་བདག་བྱེད་རྒྱུ་དེ། མ༵་དྲིན་ཆེན་དེའི་གསོས་པའི་དགོས་ཆེད། ཙ༵་ན་ཀ་ལས་ཆུང་བའི་བདག་གི་སེམས་ཤུགས་འདིས་ཁྱེད་ཚོའི་བཞད་སྒྲ་ལ་ཉན་དུས། ཚ༵་བེ་བེར་གྱི་ཚོར་སྣང་ཞིག་གི་བདག་ཀུན་ནས་བཙིར་ཡོང་། ཛ༵་ཛོར་མང་བའི་དེ་རིང་གི་བགྲོད་ལམ་འདི་ལན་ནམ། ཝ༵་ཕྲུག་ལས་གླེན་ཞིང་རྨོངས་པའི་བདག་སེམས་འདི་ལན། ཞྭ༵་མདོག་དེ་རྩོད་པ་ལས་སེམས་མདོག་འདི་རྩོད་རྒྱུ་ན། ཟ༵་རིན་དེ་སྤྲོད་དགོས་མིན། འ༵་འུར་གྱི་སྒྲ་མ་འདུས་པར། ཡ༵་ལན་འཕྲོད་ངེས་སམ། རྭ༵་མ་དང་བུ་མོ་སྐྱིད་སའི་མི་འདུག་ཟེར་བ། ལ༵་མང་བརྒལ་མ་མྱོང་བའི་གཏམ་གྱི་ལྷག་མ་ཞིག་མིན་ན། ཤ༵་དམར་པོ་ལ་དྲོད་མེད་པར་སེམས་བྱུང་ལ། ས༵་འབུ་ནག་རིང་བཞིན་དབང་བོ་མི་ཚང་བའི་སེམས་ཅན་ཞིག་ཏུའང་འདོད། ཧ༵་གོ་ཁུལ་གྱི་སྐད་ཆ་འདི་དག་བཤད་རྗེས། ཨ་ནུ་ལ་ཕྱག་འཚལ་རྒྱུ་བརྗེད་འདུག་པ་དྲན་བྱུང་།
2011-1-21
༢༠༡༢ལོའི<<རྨ་ཆུའི་རླབས་སྒྲ>>ལས།
|