གངས་ལུང་ཡུལ་ཚོའི་སེར་ཤུལ་རྡོ་མཁར་ངོ་སྤྲོད་མདོར་བསྡུས།
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 7 ཚེས 18 རེས་གཟའ་ཕུར་བུ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» ལོ་རྒྱུས།» སྤྱི་ཚོགས་ལོ་རྒྱུས། »གངས་ལུང་ཡུལ་ཚོའི་སེར་ཤུལ་རྡོ་མཁར་ངོ་སྤྲོད་མདོར་བསྡུས།
གངས་ལུང་ཡུལ་ཚོའི་སེར་ཤུལ་རྡོ་མཁར་ངོ་སྤྲོད་མདོར་བསྡུས།
རྩོམ་སྒྲིག་པ།  ཁཱ་ཤེས་རབ་རྒྱ་མཚོ། སྤེལ་དུས། 2013/8/17ལྟ་ཀློག (8285)རྩོམ་ཁུངས: པར་འདེབ།

 

      ངེད་དྲ་བའི་གསར་འགོད་པས་རྒན་པོ་ལམ་གོའི་ཞི་དོན་ལ་བཅར་འདྲི་བྱས་པ་ལྟར་ན།  ངག་རྒྱུན་དུ་ལོ་ངོ་སྟོང་ཕྲག་ལྷག་གི་ལོ་རྒྱུས་ཀྱིས་ཕྱུག་པའི་མགོ་ལོག་ཨ་སྐྱོང་གོང་མ་སང་གིས་ཆོས་ཆེན་བསྒྲུབ་ས།   ཨ་སྐྱོང་གོང་མ་སང་སྨྱུང་གནས་དང་མ་ཎི་བརྒྱ་ཞག་འཚོགས་སའི་ལྟེ་གནས་མགོ་ལོག་དགའ་བདེ་རྫོང་གངས་ལུང་ཡུལ་ཚོའི་སེར་ཤུལ་རྡོ་མཁར་རིང་མོ་ནི་ད་ལྟ་གཟུགས་འདས་ཤུལ་བཞག་རིག་གནས་ཀྱི་ཁོངས་སུ་བགྲང་པར་མ་ཟད་དུས་སུ་མཇལ་འགྲུལ་མང་བོ་སླེབས་ཀྱིན་ཡོད་ཟེར། མ་ཎིའི་རྡོ་མཁར་རིང་མོ་འདིའི་རིང་ཚད་ལ་རྨིད་༣༠༠ལྷག་དང་མཐོ་ཚད་ལ་རྨིད་༣་ལྷག་ཡོད།
       རྒན་པོ་ལམ་གོའི་ཞི་དོན་གྱིས་འདས་པོ་གངས་དཔལ་གྱི་ངག་རྒྱུན་རྣམས་མནོ་བསམ་གཏོང་བཞིན་བཤད་ན་མི་རབས་བདུན་ལྷག་གི་ལོ་རྒྱུས་གཅིག་རྗེས་མཉིས་མཐུད་དུ་ཤོད་ཐུབ་པ་ཡིན་ན་ལོ་ངོ་བཞི་བརྒྱ་ལྷག་ལོང་བར་སྣང་བ་ལས་དོན་དུ་ལོ་ག་ཚོད་འགོར་བ་སུས་ཀྱང་མི་ཤེས་པར་གྱུར་ཡོད།

      རྒྱུས་ལོན་བྱས་པ་ལྟར་ན་མགོ་ལོག་ཕྱོགས་དེར་རྡོ་མཁར་ལོ་རྒྱུས་རིང་བ་དང་། ཆེ་ཆུང་གི་ཆེ་བ།  རིང་ཐུང་གི་རིང་བ་ཡིན་པར་བཤད་པས་ན་གནའ་ཤུལ་གྲགས་ཅན་གྱི་གནས་སུ་བགྲང་ཆོག་ཆོག་ཏུ་གྱུར་འདུག

      ཁོ་ཚོས་ཤེས་ཚོད་ལྟར་ན་མདོ་མཁྱེན་རྒོད་ཀྱིས་སར་གཟིགས་སྐབས་རྒྱ་གར་ནས་རྡོ་ཞིག་འཕུར་ཡོང་བར་བཤད་པ་ནི་དེང་སང་ངོས་འཛིན་དུ་ཡོད་ཀྱང་བདེན་མིན་ཧ་ཅང་ཁག་པོ་རེད་འདུག
         ཡིན་ནའང་སེར་ཤུལ་མཁན་ཆེན་འཇམ་དཔལ་གྲགས་པས་རྒྱ་བསྐྱེད་པས་སེར་ཤུལ་རྡོ་མཁར་ཐོགས་པར་བཤད་ལ་སྐྱབས་བླ་མ་རིན་ཆེན་བཟང་དང་ཨ་མཁར་བླ་མ།  སྤྲུལ་འགྲོ་ཕན་རྒྱ་མཚོས་གཙོར་མཛད་ཨ་སྐྱོང་འཛམ་སྐྱབས་དང་སྤྲུལ་ཧཱུྃ་ཀར་རྡོ་རྗེ་སོགས་ཀྱིས་བསྟུད་མར་སྤྲུལ་པདྨ་བྱང་ཆུབ་ལ་རྡོ་མཁར་རྒྱ་བསྐྱེད་ཀྱི་བཀའ་ལུང་སྤྱི་བོར་བབས་པར་བཤད།

          མ་ཎིའི་རྡོ་མཁར་རིང་མོ་ལ་རབ་གནས་འཐོར་བའི་སྐྱེས་ཆེན་འགའི་མཚན་ནས་སྨོས་ན།

      མདོ་མཁྱེན་རྒོད།  མདོ་མཁྱེན་བརྩེ། སྐྱབས་མགོན་དགེ་རྩེ། པཎ་ཆེན་ཆོས་ཀྱི་ཉི་མ། ཀིརྟི་བློ་བཟང་འཕྲིན་ལས། མ་ཎི་བླ་མ་པདྨ་སིདྡྷི། སྤང་ཐོག་དམ་པ་བླ་མ། གཙང་བ་བསྭེ་སྤྲུལ། འཛམ་ཐང་བླ་མ་ཚོགས་གཉིས། འཛོང་བོ་སྐྱབས་མགོན། ཁྲ་དགེ་སློང་ཚུལ་ཁྲིམས་དར་རྒྱས། ཝ་ཤུལ་བླ་མ་བསོད་ནམས་མཁས་གྲུབ། ཝ་ཤུལ་བླ་མ་ལྷུན་གྲུབ། སྐྱབས་བླ་མ་རིན་ཆེན་བཟང་། ཤར་ཝོད་བླ་མ་ཚུལ་རྣམ། སྒང་བ་བླ་མ་རིན་ཆེན་བཟང་། ཡོ་བླ་མ་ཐེག་མཆོག སྤྲུལ་སྐུ་རྫོང་གཏེར་ཀུན་བཟང་ཉི་མ། ལྡོང་ཡོན་བླ་མ་མཚམས་པ་སྨོན་ལམ་བཟང་བོ།  ལམ་ཁོའི་མཁན་པོ་གསང་སྔགས་བསྟན་འཛིན། རྒྱ་བླ་མ་པདྨ་རྣམ་རྒྱལ། བླ་མ་གཏུམ་པོ། ཨ་ལགས་གཉན་ཐོགས། དཀར་དབང་ཉི་མ། སྤྲུལ་སྐུ་འགྲོ་ཕན། གཙང་བ་བློ་གྲོས་རྣམ་རྒྱལ།  གཙང་བ་སྐུ་ངག སེར་ཤུལ་དགེ་ལེགས་འཇམ་དཔལ་གྲགས་པ། བླ་མ་མདོ་ལུ་སོགས་ཀྱིས་བསྟུད་མར་རབ་གནས་འཐོར་ཏེ་བྱིན་གྱིས་བརླབས་པར་ངེས།

 

དད་ལྡན་སེར་སྐྱ་ཚོས་མ་ཎིའི་རྡོ་མཁར་ཐོག་ཏུ་རྡོ་རྩིག་གིན་འདུག

 

      ༢༠༠༩ལོ་ནས་ལམ་གོའི་རྒན་པོ་ཞི་དོན་གྱིས་མ་ཎིའི་རྡོ་འདྲུད་འཐེན་སྟོང་གཅིག་དང་དྲུག་བརྒྱ་ལྷག་བརྩིགས་པར་བཤད་པ་ནི་དོན་གྱིས་བདེན་པར་གྲུབ་སྟེ་མི་ཞིག་གི་དད་པ་དང་བརྩོན་འགྲུས་ལ་ངོ་མ་ཧ་ལས་པ་དང་རྗེས་སུ་ཡི་རང་བྱེད་འོས།

 

རྡོ་མཁར་མདུན་གྱི་འཛམ་གླིང་སྤྱི་བསང་གཏོང་ས།

 

ཁོམ་པ་གང་ཡོད་དུ་བསྐོར་བ་བྱེད་ཀྱིན་པ།

 

རྒྱ་གར་ནས་འཕུར་ཡོང་བར་གྲགས་པའི་རྡོ་རིང་།༼ ངག་རྒྱུན།༽

 

ངེད་དྲ་བའི་གསར་འགོད་པས་བཅར་འདྲི་བྱེད་བཞིན་པ།


དྲྭ་ཚིགས་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
འདྲེན་བཀོལ:
61.4K

  དཔྱད་གཏམ ( 2 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
85wb བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
 སྤེལ་མཁན:  སྤེལ་དུས:2013/9/2
འདི་ནི་ང་ཚོར་མཚོན་ན་ས་འདིའི་བསོད་ནམས་ཤིག་ཡིན་ཁར། རིག་གནས་གསར་བརྗེ་ཆེན་པོས་འདི་ལ་གཏོར་བཤིག་ཐེབས་པས་ཡུལ་ཚོའི་ཁང་བ་དག་གི་རྡོ་གཅལ་ཚུན་ཆོད་རྡོ་བརྐོས་ཡིན་པས་སེམས་སྐྱོ་བའི་གནས་ཤིག་ལགས་ཀྱང་། དུས་ཀྱི་འཕེལ་འགྲོས་ཀྱིས་སེལ་ཤུལ་རྡོ་མཁར་འདི་ཉིད་ས་མགོ་ལོག་གནམ་མགོ་ལོག་གི་ས་ཡི་རྟེན་ཕུར་ཡིན་ཞེས་བཤད་མཁན་ཡང་ཡོད་མོད། འདིར་ཁྱེད་དྲ་བས་འདིའི་སྐོར་གྱི་ས་བོན་བསྡུ་བསྒྲིགས་ཤིག་བྱས་པར་བཀའ་དྲིན་ཆེ་ཞུ་བཞིན་ཡོད། ཅེས་མགོ་ལོག་གསར་བུས།
 སྤེལ་མཁན:  སྤེལ་དུས:2013/8/19
དམངས་ཁྲོད་རིག་གནས་འགངས་ཆེན་ཞིག་ངོ་སྤྲོད་བྱས་ཡོད་ཀི
  པར་ངོས 1/1 པར་ཡོད།
ལྟ་ཀློག་གྲངས་ཀ
14600679
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999 13909418876 QQ:516617821    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
网站备案号:蜀ICP备13002975号