གུ་རུ་འཚོ།
ཕྱོགས་ཀུན་གངས་རིའི་བསྐོར་བའི་གཞི་ཆེན་པོ།།
ས་སྟེང་འདི་རུ་གཟེངས་བའི་ཟེ་བ་དེ།།
རི་མོ་མཁན་གྱིས་པུར་རྩེར་མངོན་པ་ཡི།།
སུན་རྩེན་ས་ལ་བཀོད་པའི་གཟུགས་ཀྱི་ཟླ།།
བོད་ཁམས་ས་ལས་སྨན་ལྗོངས་ཞེས་བྱའི་ཁྱོན།།
ས་གཙང་རི་མཐོ་ཆུ་བོ་ཀུན་གྱི་མགོ།།
གོ་ལའི་སྐྱེ་འགྲོ་ཡོངས་ཀྱི་འདོད་དོན་དུ།།
རེ་བའི་སྨྱུ་གུ་མ་ལུས་དཔལ་ཏུ་སྦྱིན།།
རི་དྭགས་བྱ་རིགས་གཙོ་ཆེ་མང་མང་བ།།
མི་དང་གྲོགས་ཀྱིས་འབྲེལ་བ་དམ་དུ་བཅངས།།
རྨ་གཡང་ཕྱུག་མོའི་འགྲམ་ན་རང་འདོད་རྒྱུ།།
གང་ཅི་བོད་ཡུལ་འཆམ་མཐུན་ཞེས་བྱའོ།།
གང་དེར་སྨིན་པའི་མེས་པོའི་མཛད་རྣམ་དག།།
ས་ལས་ནམ་མཁར་བྱུང་བའི་གསེར་གྱི་མདངས།།
མ་ཡལ་ལམ་ལམ་མཐོ་སྒང་འདི་རུ་བཤམས།།
ཅི་སྟེ་རང་རེའི་སྲོག་གི་ཀ་བ་ཉིད།།
ཤ?ཀྱའི་རིགས་ལས་འཁྲུངས་པའི་ཐུབ་མཆོག་ཆེའི།།
དཀར་བཏགས་བཞི་ཡི་གདོངས་དོན་བཅུད་དུ་གཏམས།།
ལོ་པན་མཁས་པས་ཐུགས་བརྩོན་ལྷུར་བཞེས་མཐུས།།
གངས་རིའི་མི་རྣམས་དགེ་བའི་གཤིས་སར་བསྔོས།།
བྱམས་དང་སྙིང་རྗེའི་བདག་ཉིད་ང་སྟེ་བོད།།
ཕན་བདེའི་སེམས་དང་སྦྱོར་བའི་དྲི་བཟང་བོ།།
འཚེ་མེད་ཞི་བ་གཟུགས་མེད་རླུང་ལ་བསྐུར།།
དུས་གསར་རྣ་བའི་དབང་བོའི་གནད་དུ་སྨན།།
རང་སྡེའི་ཡིད་དུ་ཆགས་པའི་མིང་དང་བརྡ།།
དབྱངས་གསལ་སོ་བཞིའི་གཟུགས་སུ་གྲུབ་པ་གང༌།།
ནམ་ཞར་དྲག་ཏུ་ལྡིང་བའི་བྲིས་རིས་དེ།།
མཁས་མཆོག་ཐོན་མིའི་རིག་འཕྲུལ་ངོ་མཚར་སྨད།།
ཕ་མའི་ཕྱག་ཟུང་ཡུན་རིང་བརྡར་པའི་རྩལ།།
བཟོ་དང་འཁེལ་འཐག་ལ་སོགས་བློ་གྲོས་བཅུད།།
སྦྲ་ནག་གྲུ་བཞི་གཙོ་བའི་ལེགས་ཐོན་གྲངས།།
མི་སྐྱུར་ཡུན་དང་གཏན་དུ་འཛིན་གཙོའོ།།
ངེད་དྲ་བ།
|