ཀློག་མི་ཚར་བའི་མིག་ཆུ།
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 7 ཚེས 18 རེས་གཟའ་ཕུར་བུ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» རྩོམ་རིག» འགྲན་བསྡུར་རྩོམ་ཡིག »ཀློག་མི་ཚར་བའི་མིག་ཆུ།
ཀློག་མི་ཚར་བའི་མིག་ཆུ།
རྩོམ་སྒྲིག་པ།  ངེད་དྲ་བ། སྤེལ་དུས། 2013/10/28ལྟ་ཀློག (5643)རྩོམ་ཁུངས: ངེད་དྲ་བ།པར་འདེབ།

 

                                                               སེར་སྐོར་འཇམ་ཚེ།  [ཚེ་རིང་སྦྱིན་པ།]

 མིག་ཆུ་མ་དྭངས་ལོ་ངོ་གསུམ་རེད། །

སྡུག་གིས་གཙེས་པའི་ལོ་ངོ་གསུམ་རེད། །

འདི་ནི་སྙིང་རྗེ་བྲལ་བའི་ཇག་རྐུན་གྱིས། །

ང་ལ་བཞག་པའི་སྐྱོ་བའི་རྨ་ཁ་རེད། །

                ཁ་བྱང་གི་འགྲེལ།

བྱམས་མེད་ཇག་རྐུན་གྱིས་རལ་གྲི་ཕྱར་ཏེ། །

༡ཨ་ནེའི་ཚེ་སྲོག་དེ་རལ་གྲིར་བསྣུན་ཞིང་། །

ཨ་མྱེས་ལུས་ཕུང་ལ་རྨས་སྐྱོན་དོད་འདུག །

ཡ་ཆུང་སེམས་པ་འདི་མིག་ཆུས་བཀང་བ། །

བསམ་མེད་བྱིས་པ་གཉིས་ཁྲག་ལ་སྦགས་པ། །

ཨ་ནེའི་ལུས་སྟེང་ལ་རལ་གྲི་འཛེར་བ། །

སྐྱོན་མེད་ཉམ་ཆུང་ཚོར་ཐུབ་ཚོད་བྱས་པ། །

སྙིང་གི་བུ་ག་ནས་ན་ཟུག་བརྡོལ་བ། །

གསེར་དང་ནོར་བུ་ཡིས་བཏུམ་པ་མིན་ཡང་། །

གང་འདོད་ཟས་མངར་ལ་རོལ་བ་སྐྱིད་པ། །

མདང་ནུབ་ཇག་རྐུན་གྱིས་ཁྱིམ་གཞིས་གཏོར་བ། །

སྤྲོ་སྐྱིད་གླིང་ག་ལ་རྫོགས་ཚིག་བཀོད་པ། །

 

རྒྱུ་འབྲས་དྲང་བདེན་གྱི་ཚངས་ཐིག་འཕེན་མཁན། །

ཁྲི་ཐོག་བླ་སྤྲུལ་ཚོས་འདི་ལ་གཟིགས་སམ། །

ཞོགས་པའི་རྩྭ་ཕྲན་གྱིས་མིག་ཆུ་བྲུལ་བ། །

མལ་ཁྲི་གཡས་གཡོན་ལ་ཁྲག་ཐིགས་ཟགས་པ། །

ཁྲིམས་དང་མི་མཐུན་ན་ཉེས་སྐྱོན་བཅད་ཅེས། །

མ་ཎི་བཟློས་བཟློས་ཤིག་བྱེད་པའི་ཉེན་རྟོགས། །

གློ་བུར་གས་ཆག་གི་མིག་ཆུ་ཤུམ་ཤུམ། །

ཁྱེད་ཀྱི་བྲང་གཞུང་ན་བཞུར་བ་མིན་ནམ། །

བརྙན་མིག་ནག་རིང་དེ་འདི་རུ་ཚོད་དང་། །

རྐང་རྗེས་ཆེན་པོ་ཞིག་སྒོ་ངོར་བབས་འདུག །

དགྲ་བོ་སུ་ཡིན་དེ་ཐག་གཅོད་བྱོས་དང་། །

ངན་པ་འདབས་ཤོར་ཞིག་བྱས་ན་མི་བཟང་། །

དེ་རིང་ཉི་འོད་ལ་དྲོད་ཁོལ་དབེན་པ། །

མདང་ནུབ་མུན་ནག་གིས་བཞག་པའི་རྨ་ཁ། །

དེ་རིང་ཀུན་གསལ་དེ་སྤྲིན་པས་བསྒྲིབས་པ། །

སྐྲག་སྣང་ཁྲག་དམར་གྱི་རང་མདངས་མངོན་པ། །

བྲིས་ན་མི་ཚར་བའི་གཏམ་རྒྱུད་ངོ་མ། །

ཀློག་ན་མི་གཞོལ་བའི་མིག་ཆུའི་རྡོ་རིང་། །

ངེད་ཅག་གཉེན་ཉེ་ཚོའི་ཐོག་ལ་འཕོས་ན། །

བྱ་བྱེའུ་འབུ་ཚོགས་ཀྱིས་འཕུར་མཚམས་བཞག་འདུག །



མཆན།  ༡བདག་གི་ཨ་ཕྱི་སྔར་ནས་ཤི་ཟིན་ཀྱང་དེ་ནས་སླར་ཡང་ཨ་ཕྱིའི་ནུ་མོ་དང་ཨ་མྱེས་གཉིས་ཀྱིས་གཉེན་བསྒྲིགས་

བྱས་པས་ཨ་ནེ་ཞེས་འབོད་པ་ཡིན།


དྲྭ་ཚིགས་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
a7yd བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
14600430
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999 13909418876 QQ:516617821    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
网站备案号:蜀ICP备13002975号