རོལ་དབྱངས་ཀྱི་པང་དུ་ངུ་བའི་བྱིས་པ།
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 11 ཚེས 21 རེས་གཟའ་ཕུར་བུ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» རྩོམ་རིག» འགྲན་བསྡུར་རྩོམ་ཡིག »རོལ་དབྱངས་ཀྱི་པང་དུ་ངུ་བའི་བྱིས་པ།
རོལ་དབྱངས་ཀྱི་པང་དུ་ངུ་བའི་བྱིས་པ།
རྩོམ་སྒྲིག་པ།  ངེད་དྲ་བ། སྤེལ་དུས། 2013/10/28ལྟ་ཀློག (5717)རྩོམ་ཁུངས: ངེད་དྲ་བ།པར་འདེབ།

གངས་ཅན་དབྱངས་འཚོ།


༡ སྨྱུག་སྤྱིལ་ནང་གི་རྨི་ལམ།

རྩྭ་སླེལ་སྐེད་པས་བཏེགས་ཏེ་འཇབ་བུའི་སྒྲ། །

སིལ་སྡོང་ར་བའི་ཕག་ཏུ་ཡིབས་པའི་ཚེ། །

སྨྱུག་ཞྭས་ངོ་ཕྱེད་བཀབ་པའི་ཕངས་པ་ཡིས། །

རྫི་མའི་འོག་ཏུ་སེམས་འགྱུ་ལན་གྲངས་འཁོར། །


༢ མཚོ་འགྲམ་དུ་རྒྱུ་བ།

ཟླ་བས་ཞབས་རྗེས་བསྐྱོན་པའི་མཚོ་ངོགས་སུ། །

འདས་སོང་དྲན་པའི་མུ་ཏིག་འོད་དུ་འཚེར། །

ཁྱོད་ནི་ཅུང་ཟད་འདར་བའི་སྐར་མ་བཞིན། །

ཆུ་ཡི་འདབ་བ་རྩེན་པའི་ཕག་ཏུ་འགུལ། །


༣ ཟླ་ཟེར་ཕོག་པའི་འཇིག་རྟེན།

མཚན་ལྗོངས་སྣང་བ་ཟླ་བའི་ཟེར་གྱིས་བཀྲུས། །

ཟླ་བའི་ཟེར་ལ་བདག་གི་རྨི་ལམ་བཏགས། །

དྲན་འདུན་ཟབ་མོས་དབྱངས་ལ་བྲོ་བ་ཕབ། །

དབྱངས་ཀྱི་བྲོ་བས་བདག་གི་འཇིག་རྟེན་བསྩལ། །


༤ ཐུན་ཆར་གྱི་ཚོམ་བུ།

ལྷ་མོའི་ཞབས་སེན་བསྣོལ་བའི་རྐང་ལམ་དུ། །

དཀར་འཇམ་དུང་གི་སོར་གདུབ་སིལ་བུར་ལྷུང་། །

སྙིང་གི་ཀུ་མུད་གྲོལ་བའི་འདབ་སྒྲ་ལས། །

སུ་ལ་འཁྲེང་བའི་ཞེན་ཆགས་འོད་ཀྱིས་འཐིགས། །


༥ ཚིག་གི་ལང་ཚོ།

སྤྲིན་པའི་ཞལ་ལྕེ་དཔྱངས་བའི་རི་ཚོགས་ཀྱིས། །

ལྗོན་པའི་ཟེགས་མ་དག་ལ་འོད་མདངས་བསྣན། །

ལུག་ཁྱུས་མེ་ཏོག་འཚོ་བའི་ན་གཞུང་དུ། །

ཕྱིང་ལྭ་ཐོགས་པའི་རྫི་མོས་སྨུག་ཆར་རྒུམ། །


༦ མེ་ཏོག་བརྒྱུན་པའི་ལན་བུ།

ཟིལ་ཐིགས་སོ་སྒོར་བསྣམས་པའི་འཇག་རྩེ་ནས། །

ཟླ་བ་ལྷ་མོའི་ཆིག་ལབ་སྙིང་དུ་ལྷུང་། །

མེ་ཏོག་ལན་བུར་བརྒྱུན་པའི་ཆོམ་རྐུན་དེས། །

བདག་གི་གསང་བའི་བང་མཛོད་བརྐུ་བར་དོགས། །


༧ རོལ་དབྱངས་འཚོལ་བ།

འཇབ་བུར་རྒྱུ་བའི་རླུང་ཕྲན་སིམ་པོ་ཡིས། །

དཔྲལ་པའི་མཚམས་སུ་བསིལ་བ་ནན་དུ་སྐུལ། །

རྣམ་རྟོག་སྤྲོས་པའི་རྒྱུན་ཐག་སྒུལ་བ་ན། །

སུ་ཡི་དབྱངས་རྟ་ད་དུང་སོར་མོར་གོམས། །


༨ ལྡུམ་ར།

དཔྱིད་མདངས་ངད་ཀྱིས་གསོས་པའི་མེ་ཏོག་ཚོམ། །

ལྷིང་འཇགས་མཚན་མོའི་སྒེའུ་འགྲམ་མཛེས་པར་བརྒྱན། །

སྐྱོ་ངལ་གོས་སུ་བཀླུབས་པའི་རྒྱུ་སྐར་ཕྲེང་། །

སྒྲ་དབྱངས་རྒྱ་མཚོའི་ངོས་སུ་དལ་གྱིས་བབས། །


༩ འཕྱར་གཡེངས།

རྩྭ་ལོ་ཐེད་པོས་ལུས་ཀྱི་བཀྲག་མདངས་སྐུང་། །

ཟིལ་བའི་མིག་གིས་གདོང་ལ་འཆི་མ་དཀུ། །

ཁྱོད་ནི་སྨུག་ཆར་འདྲེས་པའི་རྒྱང་རིང་ན། །

བདག་ཉིད་ལྗང་མྱུག་གསར་བའི་གཟེབ་ཏུ་ཚུད། །


༡༠ རྐང་ཐང་གི་ལམ་འགྲོ་བ།

རྒྱས་སྤྲོས་བྲལ་བའི་བདག་གི་ལང་ཚོ་ནི། །

ཀུན་གྱིས་དོར་བའི་འཚོ་བའི་རོ་མ་ཞིག །

མཛེས་པ་སྟོང་གིས་རྨི་ལམ་འཁྱུད་པ་ན། །

རོལ་དབྱངས་པང་བའི་མི་དེ་སུ་གང་ཞིག །


༡༡ སྙན་ངག་གི་གཅེས་མ།

རྒྱངས་དཀྲོལ་རོལ་མོས་མཚན་ཡང་ཡང་རྡུང་། །

རྟོག་པའི་འགྱུ་བག་སྐར་མདའི་འཕངས་སུ་བསྙེན། །

གནས་མལ་འཚོལ་བའི་རྒྱང་གི་མགྲོན་པོ་འདིས། །

སྒྲོན་མེ་ཟད་ཀྱང་སེམས་གཏམ་ཤུ་བུར་མཆིད། །


༡༢ རོལ་དབྱངས་ཀྱི་སྲོག

གཟབ་སྤྲོས་མེད་ཀྱང་སིམ་པ་སྟེར་བའི་གཞིས། །

བདག་གི་སྤྱིལ་བུ་ཁྱོད་ཀྱི་དྲྭ་མཚམས་སུ། །

ལྷུག་པོར་གྲོལ་བའི་འོད་ཀྱི་གོང་བུ་དེས། །

སྙན་ངག་ལྷ་མོས་བདག་ལ་འཁང་ར་བགྱི། །


དྲྭ་ཚིགས་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
འདྲེན་བཀོལ:
61.4K

  དཔྱད་གཏམ ( 3 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
85wb བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
 སྤེལ་མཁན: ཞོགས་སྨྱུག སྤེལ་དུས:2015/1/21
དངོས་གནས་ཡག་པོ་འདུག
 སྤེལ་མཁན:  སྤེལ་དུས:2014/7/4
རྩོམ་པ་པོ་གངས་ཅན་གཡང་མཚོའི་སྙན་ངག་ངོ་མ་ཅིག་སྙན་གི
 སྤེལ་མཁན:  སྤེལ་དུས:2014/6/7
ok ok ok ok iliek you.
  པར་ངོས 1/1 པར་ཡོད།
ལྟ་ཀློག་གྲངས་ཀ
15630517
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999 13909418876 QQ:516617821    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
网站备案号:蜀ICP备13002975号