༄༅། །བོད་ཆུ་སྦྲུལ་ལོའི་ཟླ་བ་དགུ་བའི་ཚེས༡༨ཉིན་ནས་ཉིན་བདུན་གྱི་རིང་ལ་བླ་རུང་ཞིང་སྒྲུབ་ཆེན་མོ་འཚོགས་རྒྱུ་ཡིན་པས་རྒྱ་ཆེའི་ཆོས་དད་མང་ཚོགས་ལ་ཆོས་བརྡ་འདི་བཏང་བ་ཡིན་ལགས།
ཉིན་དང་པོའི་ཚེས་༡༨ཉིན་གྱི་སྔ་དྲོར་བླ་མ་མུ་མཚོས་དབང་གསུང་རྒྱུ་དང་།
ཕྱི་དྲོ་མཁན་ཆོས་ཐོས་ནང་ཆོས་དང་ཁོར་ཡུག་སྲུང་སྐྱོབ་སྐོར་གྱི་གསུང་བཤད།
ཚེས་༡༩ཉིན་གྱི་སྔ་དྲོར་མཁན་ཁྱབ་བརྡལ་གྱིས་མཐུན་སྒྲིལ་གྱི་སྐོར་གསུང་རྒྱུ་ཡིན་པ་དང་།
ཕྱི་དྲོར་མཁན་རིག་ལྔས་སྐད་ཡིག་གི་སྐོར་གྱི་གསུང་བཤད།
ཚེས༢༠ཉིན་གྱི་སྔ་དྲོར་དབང་དང་།
ཕྱི་དྲོར་མཁན་གཙང་རིག་ནས་དམ་པ་གསུམ་གསུང་རྒྱུ་དང་།
ཚེས་༢༡ཉིན་གྱི་སྔ་དྲོར་མཁན་བརྩོན་འགྲུས་མཐར་ཕྱིན་གྱིས་དཀར་ཟས་སྐོར་གསུང་རྒྱུ་དང་།
ཕྱི་དྲོར་མཁན་སྟོབས་ལོས་གཉེན་པོ་སྟོབས་བཞི་གསུང་རྒྱུ།
ཚེས༢༢ཉིན་གྱི་སྔ་དྲོར་དབང་དང་།
ཕྱི་དྲོར་མཁན་ཚུལ་ཁྲིམས་ཀྱིས་ནང་ཆོས་ཀྱི་ཆེ་བ་གསུང་རྒྱུ་དང་།
ཚེས་༢༣ཉིན་གྱི་སྔ་དྲོར་མཁན་རིག་དར་གྱིས་དགེ་བཅུའི་ངོ་སྤྲོད་གསུང་རྒྱུ།
ཕྱི་དྲོར་མཁན་མཁྱེན་བརྩེས་བདེ་བ་ཅན་དུ་སྐྱེ་བའི་རྒྱུ་བཞི་གསུང་རྒྱུ་དང་།
ཚེས་༢༤སྔ་མའི་ཉིན་གྱི་སྔ་དྲོར་དབང་དང་།
ཕྱི་དྲོར་མཁན་ཆོས་འཕེལ་གྱིས་བློ་ལྡོག་རྣམ་པ་བཞི་གསུང་རྒྱུ་དང་།
ཚེས་༢༤ཕྱི་མའི་ཉིན་གྱི་སྔ་དྲོར་མཁན་ཆོས་དབྱིངས་ཉི་མས་དགེ་བ་བཅུ་གསུང་རྒྱུ།
ཕྱི་དྲོར་མཁན་ཀུན་བཟང་གིས་སྐྱབས་སྡོམ་དང་སྲུང་བྱའི་སྐོར་གསུང་རྒྱུ་ཡིན་པས་དེ་ལྟར་ཐུགས་ལ་འཛིན་རྒྱུ་དང་ལྷག་པར་དུ་ཐམས་ཅད་ཀྱི་ཐུགས་ལ་ངེས་དགོས་པ་ཞིག་ལ་ཞིང་སྒྲུབ་ཉིན་བདུན་གྱི་རིང་ལ་ཤ་སྤང་དགོས་པ་དང་དད་ལྡན་མང་ཚོགས་རྣམས་ཁྱིམ་ལ་ཆས་པའི་སྐབས་གསེར་རྟ་རྫོང་ནས་ཤ་མི་ཉོ་རྒྱུ་ཐུགས་ལ་འཛིན་པར་ཞུ་ཞུ།
བླ་རུང་ཆོས་སྡེ་ཆེན་མོ་ནས།
བརྒྱུད་བསྐུར་གནང་རོགས་ཞུ་ཞུ།
| 