དགེ་བཤེས་ལྷ་རམས་པ་འཇམ་དཔལ་བློ་ཤེས་ངོ་སྤྲོད་མདོར་བསྡུས།
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 7 ཚེས 18 རེས་གཟའ་ཕུར་བུ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» མི་སྣ།» གྲགས་ཅན་མཁས་པའི་སྡེ། »དགེ་བཤེས་ལྷ་རམས་པ་འཇམ་དཔལ་བློ་ཤེས་ངོ་སྤྲོད་མདོར་བསྡུས།
དགེ་བཤེས་ལྷ་རམས་པ་འཇམ་དཔལ་བློ་ཤེས་ངོ་སྤྲོད་མདོར་བསྡུས།
རྩོམ་སྒྲིག་པ།  ཁཱ་ཤེས་རབ་རྒྱ་མཚོ། སྤེལ་དུས། 2013/12/19ལྟ་ཀློག (9973)རྩོམ་ཁུངས: ངེད་དྲ་བ།པར་འདེབ།

༄༅། །ཁོང་གི་མཛད་རྣམ་མདོར་བསྡུས།

          འཕགས་ཡུལ་སེར་བྱེས་མཁས་སྙན་གྲྭ་ཚང་གི་ལུང་རིགས་སྨྲ་བའི་ཁྱུ་རྒྱན་དགེ་བཤེས་ལྷ་རམས་པ་འཇམ་དཔལ་བློ་ཤེས་མཆོག་ནི།  མདོ་སྟོད་འདན་མའི་ཡུལ་གྱི་ཁམས་ཀློང་ཐང་སྒྲོལ་མ་ལྷ་ཁང་དང་ཁད་ཉེ་བའི་འདན་ཡུལ་ཀ་ཕུ་བསམ་འགྲུབ་གླིང་དུ་ཡབ་མགོན་པོ་རྡོ་རྗེ་དང་ཡུམ་དགེ་རྩེ་གཉིས་སྲས་སུ་སྤྱི་ལོ་1968ལོར་སྐུ་འཁྲུངས།   སྐུ་ཆུང་དུས་ནས་སློབ་ཆུང་འགྲིམ་།དགུང་གྲངས་བཅུ་བདུན་ཐོག་གངས་སྤྲུལ་རིན་པོ་ཆེ་འཇམ་དཔལ་བསོད་ནམས་བསྟན་པའི་དབང་ཕྱུག་མཆོག་སོགས་མཁན་སློབ་དགེ་འདུན་གྲངས་ཚང་བའི་དབུས་སུ་ཚིགས་སྔ་མ་དགེ་ཚུལ་གྱི་སྡོམ་པ་གནོས་ཤིང་མཚན་ལ་འཇམ་དཔལ་བློ་ཤེས་ཞེས་གསོལ།     དགུང་གྲངས་ཉི་ཤུའི་ཐོག་ཁམས་ཀློང་ཐང་སྒྲོལ་མ་ལྷ་ཁང་དུ་གངས་སྤྲུལ་རིན་པོ་ཆེའི་མདུན་ནས་ཚིགས་ཕྱི་མ་བརྙེན་རྫོགས་ཀྱི་སྡོམ་པ་བཞེས།   དེ་དུས་སུ་ཁོང་འདོན་རྟ་དབྱངས་དང་ཆོ་གའི་ཕྱག་ལེན་ལ་ཤིན་ཏུ་མཁས་པ་གྱུར་སྐབས་ཁོང་གི་དགེ་རྒན་མཁན་རིན་པོ་ཆེ་བློ་དགའ་འམ་ཚུལ་ཁྲིམས་བྱམས་པ་མཆོག་ནས་ཁྱོད་ཀྱིས་འདོན་རྟ་དབྱངས་སོགས་ཅི་ལྟར་ཤེས་ཀྱང་ཧ་ལས་རྒྱུ་གང་ཡང་མེད་།  གཙོ་བོ་འདི་དག་གི་དོན་ཤེས་དགོས།   དེ་བས་གདན་ས་ཆེན་པོ་ཞིག་ལ་སོང་ནས་མཚན་ཉིད་ཀྱི་གཞུང་ཆེན་ཁག་ལ་སློབ་གཉེར་གནང་དགོས་ཞེས་ཡང་ཡང་གསུངས་ཤིང་།   གདན་ས་འབྲས་སྤུངས་སུ་འགྲོ་དགོས་པའི་བསླབ་བྱ་གང་མང་གནང་བ་དང་ཁོང་ལའང་ཐོས་བསམ་བྱེད་འདོད་ཀྱི་འདུན་པ་ཤུགས་དྲག་སྐྱེས་ཏེ།   ཁོང་གི་ཆོས་གྲོགས་འཇམ་ཆོས་དང་མཉམ་དུ་དབུས་འགྱུར་ལྷ་ལྡན་ཞིང་གི་གདན་ས་ཆེན་པོ་དཔལ་ལྡན་འབྲས་སྤུངས་སུ་ཕེབས་ཏེ་དེར་བཞུགས་རྩིས་བྱས་བ་ན་དེ་ན་གླིང་ཁམས་ཚན་དུ་བླ་གྲྭ་ཁ་ཤས་ལས་མེད་ལ་དེ་དག་གིས་ཀྱང་ཁྱོད་འདིར་སྡོད་ས་ཡག་པོ་མེད་པའི་གནས་ཚུལ་གསུངས་ནས་བཞུགས་བདེ་བོ་མ་བྱུང་བའི་ཕྱིར་རང་ཡུལ་དུ་ཕེབས།     ཕ་ཡུལ་དང་ཐག་ཉེ་བའི་དགོན་པ་མཁས་མང་འདུས་པའི་གདན་ས་རྫ་སེར་ཤུལ་དགོན་དུ་ཚོགས་ཞུགས་མཛད་དེ་གནས་བརྟན་འདུལ་བ་འཛིན་པ་ཆེན་པོ་མཁན་ཟུར་ཐུབ་བསྟན་དབང་པོ་སོགས་མཁས་གྲུབ་དུ་མའི་ཞབས་ལ་གཏུགས་ནས་ལྟོ་སྐྱ་གོས་ཧྲུལ་ངང་སློབ་གཉེར་དཔྱིས་ཕྱིན་པ་མཛད་ནས་སྐྱེས་སྟོབས་ཀྱི་ཤེས་རབ་དང་སྦྱངས་སྟོབས་ཀྱི་བརྩོན་པ་ལ་ཀུན་གྱིས་བསྔགས་བརྗོད་ཀྱི་མེ་ཏོག་འཐོར་བ་བྱུང་།   དགུང་ལོ་ཉེར་བཞིའི་ཐོག་འཕགས་ཕུལ་དུ་ཕེབས་ཏེ་རིང་ནས་སྙིང་དུ་བརྣག་པའི་རེ་འདོད་༧གོང་ས་ལྷ་མིའི་རྣམ་འདྲེན་རྒྱལ་བ་ཐམས་ཅད་མཁྱེན་པ་ཞལ་མཇལ་གསུང་ཐོས་དང་།   དེ་ནས་བཟུང་ལོ་ཉི་ཤུའི་རིང་ཟབ་གསང་གསུང་གི་བདུད་རྩི་ངོམས་མེད་དུ་ལོངས་སུ་སྤྱོད་།   མཁས་གྲུབ་བྱེ་བའི་བསྟི་གནས་གདན་ས་ཆེན་པོ་སེ་ར་ཐེག་ཆེན་གླིང་དུ་ཕེབས་ཏེ་ལུང་རིགས་དབྱངས་སྙན་སྒྲོག་པའི་སེར་བྱེས་མཁས་སྙན་གྲྭ་ཚང་དུ་ཚོགས་ཞུགས་མཛད་ནས་།   བསྟན་འཛིན་བྱེ་བའི་གཙུག་རྒྱན་གཙང་བ་མཁན་ཟུར་བློ་བཟང་ཚེ་རིང་སོགས་ངེས་དོན་སྐྱེས་མཆོག་དུ་མའི་ཞབས་རྡུལ་སྤྱི་བོར་བླངས་ཏེ་བསྡུས་གྲྭ་ནས་དབུ་མའི་བར་མཚན་ཉིད་ཀྱི་གཞུང་ཆེན་ཁག་དང་བྲིས་སུམ་རྟགས་སོགས་ཐུན་མོང་རིག་གནས་སོགས་ལ་ཉིན་མཚན་སྦྲེལ་ནས་སློབ་གཉེར་རྡོ་རུས་ཐུག་པ་མཛད་དེ་སེར་བྱེས་མཁས་སྙན་གྲྭ་ཚང་གི་རིགས་ཆུང་ཨང་དང་པོ་རིགས་ཀྱི་སྔ་རྒོལ་བཞེངས་བ་དང་།  ལོ་འཁོར་རྒྱུགས་སྤྲོད་ཕལ་ཆེ་བ་ཨང་དང་པོའི་དང་པོ་བཞེས་བ་སོགས་སྤྱི་བཏང་མ་ཡིན་པའི་སློབ་གཉེར་གྱི་གྲུབ་འབྲས་ཐོབ།   སྤྱི་ལོ་༢༠༠༡ ལོར་སེར་ཤུལ་ཁྲི་ཟུར་རིན་པོ་ཆེའི་ཐུགས་རེ་ལྟར་ཕྱིར་བོད་ཡུལ་དུ་ཕེབས་ཤིང་།  སེར་ཤུལ་དགོན་མཐོ་རིམ་ནང་བསྟན་སློབ་གླིང་གི་དགེ་རྒན་མཛད་དེ་གདན་ས་ཆེན་པོའི་འཆད་ཉན་མཛད་ཚུལ་དང་རྩོད་རིགས་སྤེལ་ཚུལ་སོགས་དཔེ་ཁྲིད་དང་བསླབ་སྟོན་གནང་ནས་མངོན་གསལ་གྱིས་སློབ་གཉེར་ཡར་རྒྱས་སུ་ཕྱིན་པ་སོགས་བཀའ་དྲིན་བླ་ལྷག་ཏུ་བསྐྱངས།    དགུང་ལོ་སོ་ལྔའི་ཐོག་སློབ་གཉེར་མཐར་སོན་ཡོང་ཆེད་སླར་འཕགས་ཡུལ་གདན་ས་སེར་བྱེས་མཁས་སྙན་གྲྭ་ཚང་དུ་ཕྱིར་ཕེབས་ཏེ།  སློབ་གཉེར་མཐར་ཕྱིན་པ་མཛད།  དགུང་ལོ་སོ་བདུན་ཐོག་དགེ་ལྡན་ལུགས་བཟང་གཙུག་ལག་སློབ་གཉེར་ཁང་གི་རྒྱུགས་སྤྲོད་ཆེན་མོར་ཞུགས་ནས་དགེ་བཤེས་ལྷ་རམས་པ་གཏོང་བའི་སྔོན་འགྲོའི་མཛད་པ་མཛད་དེ་།       གདན་ས་གསུམ་གྱི་བློ་གསལ་མཁས་མང་འདུས་པའི་དབུས་ནས་གཞུང་ལུགས་སྨྲ་བའི་བཀའ་རམས་པའི་རྒྱུགས་འབྲས་ཨང་དང་པོའི་དང་བོ་དང་།    གཞུང་ལུགས་རབ་འབྱམས་སྨྲ་བའི་སློབ་དཔོན་གྱི་རྒྱུགས་འབྲས་ཨང་དང་པོའི་དང་པོ་དང་།གཞུང་ལུགས་སྨྲ་བའི་དབང་ཕྱུག་ལྷ་རམས་པའི་ཨང་དང་པོའི་གཉིས་བའི་མཚན་གནས་བཞེས་ཏེ་གདན་ས་ཁག་དང་བོད་ཀྱི་ཡུལ་གྲུ་ཀུན་ཏུ་སྙན་གྲགས་འབྲུག་ལྟར་ལྡིར་བ་བྱུང་།དེ་ལྟར་མདོ་ཕྱོགས་བཀའ་པོད་ལྔའི་སློབ་གཉེར་ལེགས་པར་འགྲུབ་བ་ན།     དཔལ་ལྡན་སྨད་རྒྱུད་གྲྭ་ཚང་དུ་ཞུགས་ཏེ་ཆོས་ཐོག་འགྲིམ་བཞིན་སྔགས་ལ་སློབ་གཉེར་ཡང་དག་པ་མཛད་ནས་མཐར་སྔགས་རམས་ཨང་དང་པོའི་དང་པོའི་མཚན་གནས་བཞེས།    དེ་ནས་སེར་ཤུལ་དགོན་མཐོ་རིམ་ནང་བསྟན་སློབ་གླིང་དུ་ཡང་ཡང་གདན་འདྲེན་བྱས་བ་ལྟར་རང་ཡུལ་བོད་དུ་ཕེབས་ནས་དེང་གི་ཆར་སློབ་གླིང་གི་དགེ་རྒན་ཆེན་མོའི་ཕྱག་ལས་གནང་བཞིན་ཡོད་ལ།   སེར་ཤུལ་ཁྲི་ཟུར་རིན་པོ་ཆེའི་ཐུགས་ཀྱི་དགོང་བཞེད་ལྟར་སློབ་གཉེར་བ་དགེ་འདུན་སྟོང་ཕྲག་ལྷག་ལ་དུས་རྒྱུན་དཔེ་ཁྲིད་དང་།བསླབ་བྱ་སློབ་སྟོན་།   སློབ་གླིང་སྒྲིག་འཛུགས་སོགས་གང་ཅིའི་ཐད་བཀའ་དྲན་སྐྱོངས་བཞིན་ཡོད་།  ལྷག་པར་དུ་ཁོང་གི་ཐུན་མོངས་མ་ཡིན་པའི་དཔེ་ཁྲིད་གནང་སྟངས་དང་དེའི་ཁྲོད་ཀྱི་ཡང་དག་པའི་བསླབ་བྱ་རེ་རེས་སློབ་མ་ཚོར་ཕན་ཐོགས་ཆེན་པོ་བྱུང་ཞིང་སློབ་མ་ཚོས་སློབ་གཉེར་བྱེད་ཕྱོགས་དང་བསམ་བློའི་འཛིན་སྟངས་སོགས་ལ་སྔར་ལས་ལྷག་པའི་ཡར་རྒྱས་ཆེན་པོ་བྱུང་ཞེས་ཀུན་གྱིས་གླེང་།     ཁོང་གི་གཞུང་ཆེན་དཔེ་ཁྲིད་སྒྲ་འཇུག་ཉར་ཚགས་བྱས་བ་ཆ་ཚང་བ་ཆུ་ཚོད་ལྔ་བརྒྱ་ལྔ་བཅུ་ལྷག་ཡོད་པ་རྣམས་བོད་གངས་ཅན་གྱི་ཆོས་བརྒྱུད་ཡོངས་ཀྱི་བཤད་གྲྭ་དང་རྩོད་གྲྭའི་སློབ་གཉེར་བ་ཞིག་ཡིན་ཕྱིན་གསན་མ་མྱོང་བ་མེད་པ་ལྟ་བུ་རེད་།   དེར་མ་ཟད་མདོ་སྟོད་སྨད་ཀྱི་བོད་ཁམས་ས་ཆ་གང་མང་ཞིག་དུ་རིག་གཞུང་དང་བསམ་བློའི་བགྲོ་གླེང་།   དགོན་པ་དང་ཡུལ་སྡེ་མང་པོས་གདན་འདྲེན་ཞུས་བ་བརྒྱུད་སྤྱི་ཚོགས་བསླབ་བྱ་དང་ནང་ཆོས་ངོ་སྤྲོད་སོགས་གང་མང་གནང་།   གཞན་ཡང་དཔེ་ཁྲིད་ཀྱི་བྲེལ་འཚུབ་བར་ནས་མདོ་ཁམས་འཇང་དགུན་ཆོས་དང་གངས་ལྗོངས་མཁས་པའི་ལྷན་ཚོགས་གཉིས་ཀྱི་ཚོགས་གཙོའི་འགན་བཞེས་བཞིན་བོད་ཀྱི་མཁས་པ་མང་བོ་ཞིག་དང་མཉམ་དུ་དགོན་སྡེའི་སློབ་དེབ་རྩོམ་སྒྲིག་བྱེད་བཞིན་པ་བཅས་བོད་ཀྱི་ཆོས་དང་རིག་གཞུང་ལ་སྨན་པའི་རླབས་ཆེན་བྱ་བས་དུས་འདའ་བཞིན་བཞུགས་པ་ལགས་སོ།  
                               ཞག་སྒྲོན་པར་མཛོད་ཁང་གིས།


དྲྭ་ཚིགས་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
འདྲེན་བཀོལ:
61.4K

  དཔྱད་གཏམ ( 13 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
1xp4 བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
 སྤེལ་མཁན: སྔགས་ནག སྤེལ་དུས:2015/4/18
གོང་གི་དེ་ལ་ཡིག་ནོར་ཤོར་འདུག ཡང་སྤེལ། དགེ་བཤེས་འདི་སྙིང་རྗེ་མེད་པའི་ཤེས་རབ་ཅན་ཞིག་རེད། ཁོང་གིས་མི་ཁོ་ན་མ་གཏོགས་ཉམ་ཆུང་དུད་འགྲོའི་རིགས་ལ་བྱམས་སྙིང་རྗེ་མི་དགོས་པ་འདྲ་བོའི་གཏམ་བཤད་མང་པོ་སྤེལ་འདུག བཤད་ལུགས་ཇི་ལྟར་སྙན་ཡང་དོན་གྱིས་སྲོག་གཅོད་དང་དམར་ཟས་འབོད་སྐུལ་བྱེད་ཀི་འདུག ཡེ་ཤུའི་ཆོས་པ་འདྲ་ཡིན་ན་མ་གཏོགས་ནང་པ་སངས་རྒྱས་པ་མ་རེད། ལྷག་ཏུ་བྱང་སེམས་བདག་ཉིད་ཆེན་པོ་ཙོང་ཁ་པའི་རྗེས་འཇུག་གི་དྲི་ཙམ་ཡང་མི་བྲོ་ཀི སྔགས་ནག་ཁྲོ་ཆུ་ཁོལ་མས་བྲིས།
 སྤེལ་མཁན: སྔགས་ནག སྤེལ་དུས:2015/4/18
དགེ་བཤེས་འདི་སྙིང་རྗེ་མེད་པའི་ཤེས་རབ་ཅན་ཞིག་རེད། ཁོང་གིས་མི་ཁོ་ན་མ་གཏོགས་ཉམ་ཆུང་དུད་འགྲོའི་རིགས་ལ་བྱམས་སྙིང་རྗེ་མི་དགོས་པ་འདྲ་བོའི་གཏམ་བཤད་མང་པོ་སྤེལ་འདུག བཤད་ལུགས་ཇི་ལྟར་སྙན་ཡང་དོན་གྱིས་སྲོག་གཅོད་དང་དམར་ཟས་འབོད་སྐུལ་བྱེད་ཀི་འདུག ཡེ་ཤུའི་ཆོས་པ་འདྲ་ཡིན་ན་མ་གཏོགས་ནང་པ་སངས་རྒྱས་པ་མ་རེད། ལྷག་ཏུ་བྱམས་སེམས་བདག་ཉིད་ཆེན་པོའི་ཙོང་ཁ་པའི་རྗེས་འཇུག་གི་དྲི་ཙམ་ཡང་མི་བྲོ་ཀི སྔགས་ནག་ཁྲོ་ཆུ་ཁོལ་མས་བྲིས།
 སྤེལ་མཁན: བསོད་བཟང་། སྤེལ་དུས:2014/9/15
མི་རེ་རེ་བཞིན་སྨིན་དང་མ་སྨིན་གྱི་མཚམས་ནས་ནར་སོན་པ་རེད་ལ། མི་རེ་རེ་ལ་སྨིན་དང་མ་སྨིན་གྱི་མཚམས་ན་སྐད་ཆ་རེ་དང་གཏམ་རྒྱུད་རེ་ཡོད་སྲིད། སྨིན་དང་མ་སྨིན་ནི་ཕྱོགས་བཅུ་དུས་གསུམ་བསྡུར་ཏེ་བཤད་ན་འོས་རྒྱུ་རེད་ལ། སྨིན་དང་མ་སྨིན་ནི་ཕྱི་ནང་གསང་གསུམ་ལ་ལྟོས་ཏེ་བཤད་ན་འགྲིག་རྒྱུ་རེད། མི་སུ་ཞིག་གིས་རིག་གནས་གང་ཞིག་དང་སྣང་ཚུལ་ཅི་ཞིག་གི་སྔུན་ནས་སྨིན་དང་མ་སྨིན་བར་གྱི་སྐོབ་རྟགས་གདོང་ཚ་བ་རེ་བསྟན་ཡོད་ངེས་མོད། མི་ཡོད་ཚད་ཀྱིས་སྨིན་དང་མ་སྨིན་མཚམས་ཀྱི་ལས་དོན་དག་ལ་ཁས་ལེན་དང་བདེན་ཁ་སྟེར་བའི་ངེས་པ་ཡོད་མི་སྲིད། སྨིན་དང་མ་སྨིན་གྱི་མཚམས་ནི་མཐའ་གཅིག་ཏུ་འདིའོ་ཞེས་སྡེར་ཁ་བཞིན་སྔུན་ལ་བཤམ་འཇོག་རྒྱུ་ཞིག་ཡོད་པ་མ་རེད་མོད། སྨིན་དང་མ་སྨིན་ལ་ལྟོས་བཅོས་ཀྱིས་སྒེར་གྱིས་ངོས་འཛིན་ཞིག་གནང་ན་འགལ་ཆ་ཅི་ལ་ཡོད། སྨིན་དང་མ་སྨིན་པའི་མཚམས་ནི། མེ་ཏོག་ཞིག་ལ་ཆ་མཚོན་ན་འདབ་མ་གྲོལ་དང་མ་གྲོལ་གྱི་མཚམས་ན་ཡོད་པ་དང་འདྲ་སྟེ། མདོར་ན་མ་སྨིན་པའི་གནས་སུ་གྱར་བ་ལ་གོ་བར་བྱའོ།། སྨིན་དང་མ་སྨིན་མཚམས་ན་ཞེས་པ་འདི་ནི། མདོར་ན་རང་ཉིད་འདུ་བའི་༨༠རྗེས་ཀྱི་གཞོན་སྐྱེས་དག་ལ་ཉམས་མྱོང་དཔང་ལ་བཞག་སྟེ་གསོང་བོའི་སྨྲ་སྒོ་ཞིག་འབྱེད་འདོད་པ་ཡིན་ཏེ། ༨༠རྗེས་ཀྱི་གསར་བུ་ཚོས་སྐྱག་པ་ཁ་བའི་གཡོག་པའི་སྣང་ཚུལ་ལ་མིག་གཡེང་བྱ་མ་འདོད་པས་ཡིན་། རིག་གནས་མི་འདྲ་བ་རེ་དང་། ཁོར་ཡུག་མི་འདྲ་བ་རེ། གོམས་སྲོལ་མི་འདྲ་བའི་མངའ་ཁོངས་ནས་འཚར་ལོངས་བྱུང་ཞིང་། འཚོ་བ་རོལ་བའི་༨༠རྗེས་ཀྱི་གསར་བུ་ཚོ་ལ། རང་ཚོད་ཀྱིས་སོ་སོ་དང་འབྲེལ་བའི་ང་རྒྱལ་དང་ཕུགས་བསམ། སྨྲ་བ་སོགས་ཡོད་པ་ནི་ཤིན་ཏུ་དགའ་འོས་པའི་གནས་ཡིན་མོད། སྤྱི་ཚོགས་ཀྱི་རྒྱུན་ཤེས་དང་ཉམས་མྱོང་ལ་རྨོངས་ཞིང་། སློབ་རྭའི་ནང་ནས་དང་སློབ་ཕྲུག་འགའི་གྲལ་ནས། དགེ་རྒན་གྱིས་གཟེངས་བསྟོད་གནང་བ་དང་། གང་ཞིག་གིས་སློབ་མའི་ལང་ཚོ་ལ་གསོན་ཤུགས་བྱིན་ཏེ་བསྟོད་ར་འཐེན་པ་སོགས་ཀྱི་བཟང་ཡིག་མང་པོ་ཞིག་གི་ཐམ་ཀ་འཁྱེར་ནས། སྤྱི་ཚོགས་ཀྱི་སྒང་ནས་ཀྱང་ཁ་ཕོ་ཁོ་ནས་ས་རྒྱ་ཆོད་རྒྱུ་ཟེར་ན། ཁྱེད་ཀྱིས་དཀའ་མོ་བཤད་དང་བ་ཡིན་ཏེ། ཡང་ན་སླ་མོ་ཞིག་བསམ་དང་བ་ཡང་ཡིན་གྱི། ད་དུང་བྱིས་བློ་ལས་མ་འདའ་བ་ཡིན་ནོ།། དེ་བས་ཁ་ཕོ་དང་ང་རྒྱལ་ཁོ་ན་ལ་འཁེན་ནས་རྒྱང་རིང་གི་རྒྱུས་མེད་པའི་བྱ་དངོས་གང་ལ་ཡང་གང་བྱུང་གིས་སྡོམ་ཚིག་རི་འདྲ་བ་འགོད་པ་དེ་ད་དུང་སྨིན་དང་མ་སྨིན་གྱི་སོ་མཚམས་འགྲེང་ཡོད་པའི་རྟགས་རྣལ་མ་རེད་ལ། སྨིན་དང་མ་སྨིན་གྱི་མཚམས་དེ་ནས་དེ་ལྟར་རྒྱུས་ལོན་དང་འབྲེལ་འདྲིས། ཞིབ་འཇུག་ཨེན་ཙམ་ཡང་མེད་པར་ཕ་རོལ་བ་ལ་ཉེས་འགེལ་བྱེད་པ་དང་། ཞྭ་མོ་གྱོན་པ། གནོད་འཚེ་གཏོང་བ་སོགས་ནི། ཁོ་བོས་རྩོམ་ཡིག་གཞན་ཞིག་ཏུ་བཤད་མྱོང་བའི་སློབ་གསོའི་ལམ་ལུགས་ཤིག་གིས་བསྐྱེད་པའི་ནག་ཐིག་རེད་ལ། བསམ་པ་ནོར་བ་དང་སྦྱོར་བ་ནག་པོ་ཡོད་མཁན་གྱི་མི་བུ་དེ་དག་ནི་མཚམས་ལན་རེར་སྒེར་གཅོད་པ་ལས་ཀྱང་སྒེར་གཅོད་པ་རེད་སྙམ། འོ་ན། སུ་ཞིག་གིས་ང་ལ། ཁྱེད་ཀྱིས་གཞོན་པ་ཚོའི་སྨྲ་བ་བསྡམ་དགོས་ཟེར་བ་ཡིན་ནམ་ཞེས་དྲི་བ་མ་སྨིན་པ་དེ་འདྲ་ཐོན་ན་ཐང་མོད། ངས་ནི་ལན་དུ། མ་ཡིན་ཏེ། སློབ་ཆེན་གྱི་དུས་སྐབས་ནི་ང་རྒྱལ་དང་སྣང་བ་བར་སྣང་ན་འཕུར་བའི་དུས་སྐབས་ཡིན། ཁྱེད་ཀྱིས་རྨི་ལམ་མང་པོ་རྨིས་ཆོག་གི་རེད་ལ། དྭངས་གཙང་གི་ཁ་ཤོམས་ཀྱང་མང་པོ་འཐེན་རུང་། སུས་ཀྱང་ཁྱེད་ལ་རྒྱུས་ལོན་བྱེད་ཐུབ་ཀིན་རེད་དེ། ཁྱེད་ད་དུང་སྤྱི་ཚོགས་ཀྱི་མྱི་ཧྲིལ་བོ་ཞིག་མ་ཡིན་པས། ཁྱེད་ཀྱི་ལང་ཚོ་ལ་ད་དུང་སྐྱེ་སྟོབས་ཀྱི་དཔལ་འབར་བཞིན་ཡོད་པས། ཁྱེད་ཀྱིས་ཅི་ཡང་མ་སྒྲུབ་པར། ཅི་ཞིག་བཤད་ན་ཡང་། ཁྱེད་རང་ད་དུང་རྨི་ལམ་གྱི་ས་ཚིགས་ན་ཡོད་པས། ཀུན་གྱིས་དཀྱེལ་ཡངས་ཞེས་པ་ཞིག་ཁྱེད་ཀྱི་མདུན་ལ་འཕྲེད་ཀྱིས་གཡུག་སྟེ། ཁྱེད་ལ་ད་དུང་རྨི་ལམ་རྨི་སའི་བར་སྣང་གི་ཁོར་ཡུག་སྐྲུན་ན་འགྲིག་གི་རེད་ལ། དེ་ནི་ཁྱེད་ད་རུང་དྭངས་གཙང་ཞིག་དང་ཕུགས་བསམ་ཞིག་ཡིན་པས་ཁྱེད་ལ་འོད་ཀྱི་བརྩོན་འགྲུས་དང་རེ་བའི་འབྲས་བུ་འབྱུང་ན་ཐང་བས་སོ། འོན་ཀྱང་སློབ་གྲྭ་ལས་བུད་ནས་ལོ་མང་སོང་ཡང་། ད་དུང་ལག་ནས་ཤིག་མི་འཆོར་བར་ཁ་ནས་སྐམ་བཤའ་བའི་གཞོན་སྐྱེས་དག་ལ་ནི་སྐྱག་སྒོང་ཞིག་གི་དགའ་རྟགས་ལས་ཅི་ཡང་མེད་དེ། ནམ་ནམ་ཞར། རང་ལས་བཟང་བ་དང་རྒྱན་པ། འཇོན་པ་དང་ཐུབ་པ་མང་པོ་ཞིག་ལ་ཕྲག་དོག་ཚིག་གི་གཏོར་མ་འཕེན་ཞིང་། རྣག་སེམས་དུག་གི་ཚེར་མས་གཙེག་ཅི་ཐུབ་བགྱི་བཞིན་ཡོད་པ་རེད། མི་དེ་རིགས་ཀྱིས་མཐར་ཐུག་ན་ཅི་ཡང་ཁས་མི་ལེན་ཞིང་། ཁོ་ཚོའི་མིག་ལམ་ན་སུ་ཡང་སྐྱོན་ལྡན་གྱི་ཉེས་ཅན་ལགས་པས། མཐར་ཐུག་ན་ཁོ་ཚོ་ཡོད་ཚད་ཀྱི་གོང་དང་མཐོ་སར་བཞག་སྟེ་ཁྱེད་བདེན་ཁྱེད་ཆེ་ཁྱེད་མཚར་ཞེས་མཁོ་གལ་ཆེ་བ་ཡོད་ཀྱིན་འདྲ་མོད། དེ་ནི་སྒྱུ་འཕྲུལ་རིང་ལུགས་ཀྱི་སྙན་ངག་ཅིག་དང་འདྲ་སྟེ། ཡང་ན་སྟོང་བསམ་རིང་ལུགས་ཀྱི་གློག་བརྙན་ཞིག་དང་ཡང་མཚུངས་ན། ངལ་བ་དེ་དག་ལྷུར་བླངས་ནས་ཀུན་སློང་རྣམ་དག་དང་སྦྱོར་བ་གཙང་མས་ལས་དོན་ཆུང་ངུ་ནས་མགོ་རྩོམ་ན་མི་བཟང་ངམ། གང་ལྟར་མཐའ་མར་སྨིན་དང་མ་སྨིན་གྱི་མཚམས་ན་ཡོད་པའི་དཔེར་མཚོན་གསོན་པོ་འདི་ནི་ཁོ་བོས་ཆེས་གླེང་ན་འདོད་པ་ཞིག་སྟེ། དེང་གི་གཞོན་སྐྱེས་མང་པོ་ཞིག་གིས་སྒེར་ཚུགས་གླེང་ཞོར་སྒེར་ཚུགས་ཁྱོན་ནས་བོར་ཏེ། སྒེར་གྱི་ཆེད་དུ་མི་རིགས་ལ་དམའ་ཕབ་གྱིན་པ་དེ་ནི་ཁོ་བོས་ཆེས་བཟོད་བསྲན་དཀའ་བའི་ལས་ཤིག་གོ ཆུང་དུས་སྒོ་ཁྱི་ལ་ཟས་བྱིན་ཚེ་རྔ་མ་གཡུག་བཞིན་ངོ་དགའ་བྱེད་པ་ལས་ངར་ངར་གྱིས་འཐེན་ཤུགས་མི་བྱེད་པ་བཞིན། སུ་ཞིག་གིས་ཁ་གཡག་ངོ་དགའ་འཐེན་ཚེ་རང་གི་མི་རིགས་ཀྱི་ངན་དང་འཚང་སོགས་སྦ་གསང་མེད་པར་ཕྱི་མིའི་རྣ་ལམ་དུ་བརྒྱུད་སྤེལ་བྱེད་ཀྱིན་པ་དེ་ནི་ཆེས་མིའུ་ཆུང་གི་ལས་ཀ་ཁོ་ནར་ཟད་དེ། ཁྱེད་རང་དངོས་གནས་མི་རིགས་དང་རིག་གནས་ལ་ཤ་ཚ་ཞིང་སྙིང་ཉེ་ན་ནང་མིའི་གདོང་ལ་གཏད་དེ་བཤད་ན་འགྲིག་པ་ལས། གཞན་མིའི་རྣ་ལ་འཁྱེར་ན་དེ་ཚོའི་ཁོང་དགོང་དང་འཕྱ་སྨོད། མཐོང་ཆུང་ལས་ཅང་ཐོབ་ཀི་མ་རེད་ལ། བོད་ཀྱི་ངན་འཚང་རྒྱུད་སྒྲོག་པ་དེ་ཚོ་ཡང་གཞན་གྱི་མིག་ལམ་ནས་ཀྱང་མིའུ་ཆུང་དུ་འགྱུར་བ་ལས་འཕགས་མི་ཞིག་བརྩི་ག་སྲིད་ཨང་། བདེན་ཏེ། ང་ལ་མཚོན་ན་ཡང་འོ་སྐོལ་གྱི་སྲོལ་རྒྱུན་རིག་གནས་ཀྱི་ངན་དང་འཚང་སོགས་མང་པོ་གླེང་མྱོང་ཞིང་། སྐྱོན་དང་དགག་སོགས་མོད་པོ་རྒྱབ་མྱོང་ན་ཡང་། དེ་ནི་རང་མིའི་ཆེད་དུ་རང་མིའི་རྣ་ལ་རང་དོན་བཤད་པ་ལས། རང་མིའི་རྫོབ་རྟགས་གཞན་གྱི་གར་སྟེགས་སུ་གཞར་ཡང་འཁྱེར་མ་མྱོང་ལ། ད་ནས་ཀྱང་གཞན་གྱི་གར་སྟེགས་སུ་ཁྱོན་ནས་འཁྲབ་མི་སྲིད། དེ་ནི་ང་རང་ཆེན་པོ་འཛམ་གླིང་དང་མིའི་རིགས་ཡོངས་ཁྱབ་རིན་ཐང་གླེང་མཁན་ཚོ་དང་འདྲ་བའི་རླབས་ཆེན་པོ་མིན་པས་ཡིན་ཏེ། དགའ་སྐྱོ་ཆགས་སྡང་གིས་ཀུན་ནས་གྲུབ་པའི་མི་ཞིག་གིས་སྒེར་སེམས་མངོན་གསལ་དུ་ཕྱི་རུ་བྱུངས་པ་ལས་ཅང་མིན། གསོང་བོ་ལབ་ན། དོན་དག་འདིའི་རིགས་ལ་འཕྲད་ཐེངས་རེར་ང་རང་ཁོང་ཁྲོ་མེ་ལྟར་འབར་མྱོང་ན་ཡང་། ཐབས་བཀོད་ཅི་ཡོད་དེ། ཁོང་ཁྲོ་དེ་སྙིང་ནད་ཅིག་གི་ངོ་བོར་འགྱུར་དུ་འཇུག་པ་ལས་ནུས་པ་ཅི་ཡང་བྲལ། ཝེ། སྙིང་ཉེ་བའི་གཞོན་སྐྱེས་ཚོ། གོང་གི་སྐད་ཆ་འདི་ལ་ཁྱེད་ཚོས་ད་དུང་གོ་བ་མི་ལོན་ཁུལ་བྱེད་ན། ངས་ཁྱེད་ཅག་ལ་འདི་ལྟར་བཤད་པར་བྱ་སྟེ། ཁྱིམ་གྱི་བཟའ་མིའི་དོན་དག་བཟང་ཚང་ནང་ནས་འདུམ་འགྲིག་བྱས་ན་དགའ་བ་ལས།རང་ཉིད་གང་ཞིག་ན་འཕགས་ཡོད་ཚུལ་གྱིས་རང་གི་ཨ་ཕར་གླེན་ཤད་ཆེ་ཚུལ་དང་ཨ་མར་གཡོ་སྒྱུ་མོད་ཚུལ། ཕུ་ནུ་མིང་སྲིང་ཚོའི་སྐྱོན་ཆ་དང་ངན་འཚང་འདི་དང་གན་ནོ་ཞེས་གཞན་གྱི་མིག་ལམ་ན་བསྟན། རྣ་ལམ་ལ་འཆད། ལྕེ་ཐོག་ལ་བཞག་ན། ཁྱོད་རང་དྲང་ཤེད་ཅན་གྱི་འཕགས་མི་ཞིག་ཏུ་འགྱུར་བའི་ངེས་པ་མེད་དེ། ཁྱོད་ཡང་དེའི་ཚོད་ཀྱི་སྐྱེས་བུ་ཞིག་གམ་དཔའ་མོ་ཞིག་ལས། འབུར་གཟུགས་ཅན་གྱི་སྐུ་འདྲ་ཞིག་ཏུ་འགྱུར་ཐབས་ཨེ་འགྲོ་ཞིབ་ཏུ་སོམས། བྱས་ན་ཁྱོད་ཀྱི་དམིགས་པ་འབུར་གཟུགས་ཅན་གྱི་སྐུ་འདྲ་ཞིག་མིན་པར། སྐབས་འཚོལ་གྱི་ཁེ་ཕོགས་ཤིག་ཡིན་ཀྱང་སྲིད་མོད། ཁྱིམ་མི་གཡོ་འཚོང་བྱེད་མཁན་གྱི་ཕོ་སྐད་གྲགས་ཀྱིན་པ་དེ་ཚོ་ནི། བདེན་པ་དང་གནས་ལུགས། བརྩེ་དུངས་ཀྱི་སྔུན་ནས་གཞར་ཡང་མིའུ་ཆུང་ལས་ཕོ་ཁྱོ་ཀ་ཞིག་ཏུ་གཏན་ནས་འགྱུར་ཐབས་མེད། དེ་བས། སྨིན་དང་མ་སྨིན་གྱི་མཚམས་ནས་ནོར་འཁྲུལ་སུ་ཡིས་ཀྱང་བཟོ་ངེས་མོད། སྨིན་དང་མ་སྨིན་གྱི་མཚམས་ནས་སུས་ཀྱང་རང་གི་བསམ་སྦྱོར་ལ་དོ་དམ་ལེགས་པོ་བྱེད་ཐུབ་ན་རབ་མ་ཡིན་ནམ། སྨིན་དང་མ་སྨིན་གྱི་སོ་མཚམས་ན་སྒེར་ཚུགས་ཀྱིས་འགྲེང་ཡོད་ཟེར་མཁན་གྱི་གཞོན་སྐྱེས་ཚོ་ཨང་།
 སྤེལ་མཁན: ཡ སྤེལ་དུས:2014/8/10
༄། དྲྭ་བ་འདིར་བསྟོད་པའི་ཚེ་བསྟོད་དྲག་པ་དང་་་སྨོད་པའི་ཚེ་ན་སྨད་ཆེ་དེ་འདྲའི་ཆ་མ་མཉམ་གང་ཡིན་ནམ།། ་ངོ་མ་འཇིག་རྟེན་ན་བདེན་པར་མེད་ཟེར་བ་དེ་འདི་ཡིན་ས་རེད།།
 སྤེལ་མཁན:  སྤེལ་དུས:2014/6/21
དགེ་བཤེས་འདི་ཡོན་ཏན་པ་རེད། ཁྲི་བ་ཆབ་སྲིད་པ་རེད། སེར་ཤུལ་ཁྲི་བའི་བསམ་བློ་མི་ཧྲ་གི རྒྱུ་མཚན་གྲུབ་མཐའ་ཐམས་ཅད་བསྲེས་ནས་ཐམས་ཅད་མངའ་འབངས་སུ་བསྡུ་དགོས་སྙམ་ནས་དགེ་ལུགས་པའི་ལྟ་སྒོམ་སྤྱོད་གསུམ་དང་གཞི་གསུམ་གྱི་ཉམས་ལེན་གཞུང་བཞིན་སློབ་ཏུ་མེད་པ་དང་། ཐ་ན་གངས་ལྗོངས་སྨོན་ལམ་ཆེན་མོའི་སྐབས་སུ་དགེ་ལྡན་བསྟན་འབར་མ་མི་འདོན་པ་དེ་བཞིན་རེད། ཁོ་ཆད་ཀི
 སྤེལ་མཁན:  སྤེལ་དུས:2014/2/27
སེར་ཤུལ་བ་ཞིག་གིས་ཁོང་ལ་སྐྱོན་འཛུགས་བྱེད་མི་སྲིད་ཅིང་ཁོང་གི་མཛད་རྗེས་ལ་མི་གུས་མཁན་སུ་ཡང་མེད། ཁུངས་མེད་རྫུན་བཤད་དེ་དག་མ་སྨྲ་ཞིག སེར་ཤུལ་བ་ངག་དབང་དོན་གྲུབ་ནས།
 སྤེལ་མཁན:  སྤེལ་དུས:2014/2/27
དགེ་བཤེས་ཁོང་གིས་ང་ཚོ་ལ་བཅངས་པའི་བརྩེ་སེམས་དང་མཛད་པ་ནི་རིན་ཆེན་བྱེ་བ་ཁྲག་ཁྲིག་གིས་མཚོན་པར་ག་ལ་ནུས། སེར་ཤུལ་ངག་དབང་ལྷུན་འགྲུབ་ནས།
 སྤེལ་མཁན:  སྤེལ་དུས:2014/2/27
སེར་ཤུལ་དགོན་མཐོ་རིམ་ནང་བསྟན་སློབ་གླིང་གི་དགེ་བའི་བཤེས་གཉེན་ཆེན་པོ་ལྷ་རམས་པ་འཇམ་དཔལ་བློ་ཤེས་མཆོག་ལ་སྐྱོན་འཛུགས་བྱེད་པ་ནི་སེར་ཤུལ་བ་ལ་མ་གྲགས་པའི་ཁུངས་མེད་རྫུན་གཏམ་ངོ་མ་ཞིག་རེད། སེར་ཤུལ་ཐུབ་བསྟན་རྡོ་རྗེས་བྲིས།
 སྤེལ་མཁན:  སྤེལ་དུས:2014/2/27
དགེ་བཤེས་ལྷ་རམས་པ་འཇམ་དཔལ་བློ་ཤེས་མཆོག་གི་མཛད་རྗེས་ལ་མི་ཕྱེད་པའི་དད་པ་སྙིང་དབུས་སུ་སྒོམ་བཞིན་སྐུ་ཚེ་ཞབས་པད་བརྟན་པར་སྨོན། མགར་མུན་སེལ་གྱིས་ཕུལ།
 སྤེལ་མཁན:  སྤེལ་དུས:2014/2/26
དགེ་བའི་བཤེས་གཉེན་ཆེན་པོ་ཁོང་གི་རྣམ་ཐར་ལ་ཡི་རངས་བྱེད་བཞིན་སྐུ་ཚེ་ལ་བར་ཆད་མེད་པ་དང་ཅི་མཛད་ཆོས་སུ་འགྲོ་བར་སྨོན། མགར་ཐར་དཔལ་ལྡན་འཕྲིན་ལས་ཀྱིས་ཕུལ།
  པར་ངོས 1/2 པར་ཡོད།  འོག་མ།  པར་ངོས་ཐ་མ།
ལྟ་ཀློག་གྲངས་ཀ
14600559
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999 13909418876 QQ:516617821    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
网站备案号:蜀ICP备13002975号