༄༅། །བྱང་སྡེ་ཉི་མ་རྫ་ཆུ་ཁའི་ན་གཞོན་གླུ་མ་ཕུན་ཚོགས་སྒྲོལ་མ་ལགས་ནི།
སི་ཁྲོན་དཀར་མཛེས་བོད་རིགས་རང་སྐྱོང་ཁུལ་སེར་ཤུལ་རྫོང་དུ་སྐྱེས་ཤིང་།
ལོ་ན་ཆུང་དུས་ནས་རང་གི་དགའ་ཕྱོགས་ལྟར་གླུ་ལེན་གར་རྩེད་ཀྱི་ལས་རིགས་བདམས་ཏེ་དབུས་ལྷ་ལྡན་དུ་ཕྱིན་ནས་བོད་ཀྱི་གླུ་བ་གཡུང་དྲུང་དབང་རྒྱལ་གྱི་སྒེར་གཉེར་གླུ་གར་ཁང་། <<བོད་ཀྱི་རླུང་>>ཞེས་པ་སོགས་ནས་འཁྲབ་སྟོན་པ་དང་གླུ་མ་མཛད། ད་ཐེངས་འདིར་མོས་ཕྱི་ནང་གི་ངལ་བ་མང་པོ་ཁྱད་དུ་བསད་དེ་འབད་པ་བརྒྱ་སྟོང་གིས་ངག་སྙན་མོའི་དྲུག་འགྱུར་དང་།
ལུས་དྲང་མོའི་གར་སྟབས་ལས་བྱུང་བའི་ཆེད་སྒྲིག་བརྙན་འཁོར་གསར་བ<<ཁ་བའི་སྲས་མོ་>>ཞེས་པ་ཤ་རུས་གདུང་རྒྱུད་གཅིག་ལས་ཆད་པའི་བོད་ཕྱི་ནང་གི་གྲོགས་པོ་རྣམ་པར་གནམ་ལོ་གསར་བའི་ལེགས་སྐྱེས་སུ་དཀའ་སྡུག་རྔུལ་ཆུའི་ཐིག་པ་རེ་རེས་བསྐྲུན་ཏེ་འགྲེམ་སྤེལ་བྱ་རྩིས་ཡིན་པས་རྣམ་པ་ལྷན་རྒྱས་ཀྱིས་མོའི་སེམས་ཀྱི་ལེགས་སྐྱེས་ལ་གཟིགས་རོལ་དང་།
མོའི་དགའ་ཕྱོགས་ལ་དངོས་ཤུགས་གང་རུང་ནས་རྒྱབ་སྐྱོར་གནང་རྒྱུ།
ལྷག་པར་དུ་མོས་ཉམས་མྱོང་དང་བྱང་ཚད་ཀྱིས་ཐོན་མེད་ས་དག་ལ་དགོངས་འཆར་མཛུབ་སྟོན་གནང་བའི་རེ་འབོད་ཀྱང་ཞུ་བཞིན་འདུག
མཐར་ཐམས་ཅད་ཀྱི་བྱ་བ་ལམ་འགྲོ་དང་བསམ་དོན་ལྷུན་འགྲུབ་ཡོང་བའི་སྨོན་འདུན་ཞུ།
|