མགོ་ལོག་རྩྭ་ཐང་ཆེན་མོ་ནས་ཡིན་པའི་ན་གཞོན་གླུ་བ་རིག་འཛིན་ཉི་མའི་ཆེད་སྒྲིག་གཉིས་པ་ཚོང་རྭར་བཀྲམས་པ།
       མིང་དུ་གྲགས་པའི་གླུ་བ་དགེ་རྒན་ཤེར་བསྟན་གཙོ་བྱས་པའི་གླུ་བ་རྒན་རབས་པ་དག་གི་སྐད་ངག་ཁྲོད་དང་། ཆུང་དུས་ནས་ནོར་ནག་གི་རྗེས་དང་གཡང་དཀར་ལུག་གི་འབའ་སྒྲའི་ཁྲོད་ནས་ནར་སོན་པའི་གཞོན་སྐྱེས་གླུ་བ་རིག་འཛིན་ཉི་མ་ནི་དུས་རྒྱུན་དུ་གླུ་ངག་སྒྱུ་རྩལ་ལ་འབད་འབུངས་བྱེད་རྒྱུར་དགའ་ལ། ༢༠༡༠ལོར་སློབ་ཆེན་འགྲིམ་ཞོར་དུ་དགེ་རྒན་ཤེར་བསྟན་གྱིས་སློབ་སྟོན་དང་བྱམས་སྐྱོང་ཁྲོད་དགེ་སློབ་ཆེད་སྒྲིག་དང་པོ༼ང་ཡི་ཡུལ་ལྷ། གཡུང་དྲུང་ལྕགས་རྩེ ༽ཞེས་པ་འགྲེམ་སྤེལ་བྱས། ད་ལོར་ཡང་ལོ་ངོ་གཉིས་ལྷག་ལ་འབད་པ་ཧུར་ལེན་བྱས་ཏེ་ཆེད་སྒྲིག་གཉིས་པ༼ཕ་ས་གོར་མོ  ༽ཞེས་པ་འགྲེམ་སྤེལ་བྱས། ཡིན་ནའང་རྒྱལ་ཁབ་ཕྱི་ནང་དུ་བཞུགས་པའི་ཕུ་ནུ་མིང་སྲིང་དག་གི་རྒྱབ་སྐྱོར་དང་ཐུགས་ཁུར་ནི་ནམ་ཡང་མེད་དུ་མི་རུང་བ་ཉག་ཅིག་ཡིན་པས། ལྷད་མ་ཞུགས་པའི་རྒྱབ་སྐྱོར་གཙང་མ་རེ་བྱེད་རྒྱུ་མཁྱེན་མཁྱེན།