ཆང་གི་ཉེས་པ་མདོ་ཙམ་བརྗོད་པ།
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2018 ལོའི་ཟླ 9 ཚེས 22 རེས་གཟའ་སྤེན་པ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» གཙོ་ངོས།» འཕྲོད་བསྟེན། འཛེམ་བྱ། »ཆང་གི་ཉེས་པ་མདོ་ཙམ་བརྗོད་པ།
ཆང་གི་ཉེས་པ་མདོ་ཙམ་བརྗོད་པ།
རྩོམ་སྒྲིག་པ།  ཁཱ་ཤེས་རབ་རྒྱ་མཚོ། སྤེལ་དུས། 2014/2/21ལྟ་ཀློག (8825)རྩོམ་ཁུངས: ངེད་དྲ་བ།པར་འདེབ།

མྱོས་བྱེད་ཆང་གི་ཉེས་པ་མདོ་ཙམ་བརྗོད་པ་ཀུན་ཕན་ངག་གི་བདུད་རྩི།

          གླིང་བ་བྱང་རིག་ཁོ།

དབང་བོ་འཁྲུལ་ཅིང་ཡིད་རབ་མྱོས་བྱེད་ཆང་། །

དང་བོའི་དུས་ཉིད་ལྷ་དང་ལྷ་མིན་གྱིས། །

རྒྱ་མཚོ་བསྲུབས་པའི་བྱ་བར་འཇུག་པའི་སྐབས། །

འགྲོ་བའི་སྲོག་ལ་རྔམ་པའི་བརྐམ་སྲེད་ཅན། །

དུག་གི་སྐྱེས་བུ་ཆེན་པོའི་བྱིན་མཐུ་ཡིས། །

མྱོས་བྱེད་རྫས་ངན་འདི་ཉིད་བྱུང་བ་ཡིན། །

གང་གི་ཆང་ཉིད་བསྟེན་པའི་རྣམ་འགྱུར་ནི། །

སེམས་འཁྲུལ་ཡིད་གདུངས་སྐྱོ་བའི་སྡུག་བསྔལ་འབྱུང་། །

ཆགས་པ་ངང་གིས་འཕེལ་ལ་འདོད་ཚིམ་བྲལ། །

དོན་མེད་ཞེ་སྡང་སྐྱེ་ཞིང་གཏི་མུག་འཕེལ། །

གཞན་གྱི་རྒྱུད་དཀྲུགས་རང་ཉིད་ཕོངས་པ་དང་། །

ང་རྒྱལ་ཕྲག་དོག་ལ་སོགས་ཤུགས་ལས་འབྱུང་། །

དུག་ལྔའི་ཉེས་པ་མ་ལུས་ཆང་ལ་ཚང་། །

ཚེ་སྲོག་ཉམས་ཤིང་དུས་མིན་ལྔ་ལམ་འགྲོ །

ལུས་ཀྱི་མདངས་འཕྲོག་པགས་མདོག་ཉམས་པར་བྱེད། །

འཇུ་བྱེད་མ་ལག་ཀུན་ལ་ཟུག་ཚོར་བྱིན། །

ཐ་མལ་བདེ་ཐང་མི་ཡི་འདུ་བ་འཁྲུགས། །

སྐྱུགས་ཀྱི་སྣ་འདྲེན་བྱེད་ལ་དབང་བོ་དུབ། །

གང་ཟོས་གང་འཐུང་མ་ཞུའི་ནད་དུ་འགྱུར། །

ཆང་དུག་ཀླད་ཆེན་སྐྱི་རིམ་ལ་ཕོག་སྟེ། །

ཁྲག་རྒྱུན་འཁོར་སྐྱོད་བྱེད་པར་རྐྱེན་ཐེབས་ན། །

རིན་ཆེན་མི་ལུས་སྐད་ཅིག་ཁྱུར་མིད་གཏོང་། །

གསང་སྔགས་སྐབས་སུ་ཆང་ཉིད་བསྟེན་པ་ན། །

ཉམས་རྟོགས་ཡོན་ཏན་འཕེལ་ཞེས་གསུངས་ན་ཡང་། །

སྨིན་གྲོལ་སྒོ་ལ་ཞུགས་ན་ཙམ་མ་གཏོགས། །

ཉེས་པ་ཀུན་གྱི་གཞི་མ་ཆང་ཉིད་ཡིན། །

བག་མེད་ཆང་ལ་རོལ་བའི་གང་ཟག་འགྲོ། །

མི་འདོད་སེམས་ཀྱི་ཟུག་རྔུ་དྲག་པོས་མནར། །

གཞན་གྱིས་མཐོང་ན་ཡ་ང་སྙིང་རྗེ་འཆོར། །

རང་གིས་སྡུག་བསྔལ་མྱངས་པ་བརྗོད་ཐབས་བྲལ། །

གསོན་ཡང་ཤི་བའི་རོ་དང་མཚུངས་པར་འགྱུར། །

བློ་དང་དབང་བོ་ཉམས་ཤིང་ཡི་མུག་འགྱུར། །

ངོ་ཚ་ཁྲེལ་དང་རྣམ་གཡེང་ལོག་ལྟ་སྐྱེ། །

རྨོངས་པའི་བློ་ལ་སད་པའི་རྟོགས་པ་སྐྱེན། །

ཉེས་བརྒྱའི་འབྱུང་རྐྱེན་ཆང་འདི་རྒྱུན་བསྟེན་ན། །

བརྩེ་དུང་དར་དཀར་རིང་མོ་རྩད་ནས་གཅོད། །

མཛའ་མཐུན་བྲག་གི་རི་བོ་ཆང་གིས་བསྙིལ། །

ཆང་ནི་ཕུང་ཁྲོལ་ཀུན་གྱི་རྩ་བ་ཡིན། །

དགེ་ཚོགས་མཐའ་དག་མ་ལུས་སྲེག་བྱེད་ཆང་། །

མདོར་ན་ཆང་འདི་ལེགས་ཚོགས་འཇོམས་བྱེད་རྫས། །

ཚེ་འདིའི་འདུན་མའི་བཀག་རྡོ་ཆང་ཡིན་ལ། །

ཕྱི་མ་ངན་འགྲོར་ཁྲིད་བྱེད་ཆང་ཡིན་ནོ། །


དྲྭ་ཚིགས་གཙོ་སྐྱོང་བ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། མགར་ཨ་སངས། མགར་ཚེ་རིང་བཀྲ་ཤིས།
འདྲེན་བཀོལ:

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
pmft བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
12281881
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999 13909418876 QQ:516617821    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
网站备案号:蜀ICP备13002975号