གོས་རྙིང་བ་ལས་ནད་འགོས་པ་ཤེས།
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2018 ལོའི་ཟླ 11 ཚེས 15 རེས་གཟའ་ཕུར་བུ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» གཙོ་ངོས།» འཕྲོད་བསྟེན། འཛེམ་བྱ། »གོས་རྙིང་བ་ལས་ནད་འགོས་པ་ཤེས།
གོས་རྙིང་བ་ལས་ནད་འགོས་པ་ཤེས།
རྩོམ་སྒྲིག་པ།  གསང་བདག སྤེལ་དུས། 2014/2/24ལྟ་ཀློག (8259)རྩོམ་ཁུངས: ངེད་དྲ་བ།པར་འདེབ།

རྨེ་གྲྭ་ཚེ་རིང་བསམ་འགྲུབ།

     གྱོན་ཆས་རྙིང་བ་དེ་དག་ནི། དུས་རབས་གསར་བའི་ནང་ནུབ་ཕྱོགས་སུ་དར་རྒྱས་སོང་བའི་རྒྱལ་ཁབ་དག་གིས་རང་ལ་མ་མཁོ་བའི་གྱོན་ཆས་ཀྱི་རིགས་རྙིང་བ་སྣ་ཚོགས་ཤར་ཕྱོགས་ཀྱི་རྒྱལ་ཁབ་དག་ལ་སྐྱེལ་འདྲེན་བྱས་ནས་འོང་བའི་གོས་རྙིང་དང་། རྒྱལ་ནང་ནི་གྲོང་ཁྱེར་དག་ལས་དབུལ་སྐྱོར་གྱི་གྱོན་གོས་རྙིང་བ། མ་མཁོ་བར་དོར་བ། ལྷག་ཏུ་དེང་སང་ཉེན་ཁ་ཆེ་བ་ནི་སྨན་ཁང་ནས་མི་ཤི་བའི་གོས་དང་། ནད་ཅན་གྱི་མིས་གོས་རྙིང་སྨན་ཁང་གི་ཆེད་དུ་དོར་ཡོད་ས་ནས་མང་པོ་བླངས་ཏེ། བཀྲུ་བ་དང་གཉེར་ལེན་པ་སོགས་བཟོ་བཅོས་ཡག་ཙམ་བརྒྱབ་ནས་ཚོང་ཁྲོམ་ར་བ་དག་ན་བཤམས་ཏེ།མང་ཆེ་བ་གསར་བ་ཡིན་པའི་རྣམ་པ་བསྟན་ནས། རྟགས་རྫུན་མ་རེ་བསྒྱར་ནས་འཚོང་གིན་འདུག་པ་ཤེས་རྟོགས་བྱུང་། གྱོན་པ་དེ་དག་ཉོས་ནས་གྱོན་མཁན་གྱི་མི་ལ་གནད་དོན་བྱུང་ཡོད་པ་ནི། གྱོན་ཆས་དེ་ལས་ནད་ངན་སྣ་ཚོགས་འགོས་ནས་ཡོད་པ། དབང་པོ་ལ་སྐྱོན་ཞུགས་པ། པགས་ནད་སྣ་ཚོགས་འགོས་པ་ཤེས་རྟོགས་བྱུང་། ཞིབ་འཇུག་པས་བརྟགས་དཔྱད་ལས་ཤེས་གསལ་ལྟར་ན། གོས་རྙིང་དེ་དག་གི་ཕྱིའི་རྣམ་པ་ཙམ་ལ་བལྟས་ན་གཙང་མ་ཞིག་བཀྲུས་ནས་གསར་བ་ལྟར་བཟོས་ཡོད་ཀྱང་། ད་དུང་ནང་ན་འབུ་ཕྲ་གསོད་མི་ཐུབ་ལ། མིག་གིས་ཀྱང་མི་རིགས་པའི་ནད་སྐྱེད་བྱེད་མང་དུ་ལུས་འདུག་པར་བཤད། གོས་རྙིང་དེ་དག་གྱོན་མཁན་གྱི་མི་ལ་ནད་སྣ་ཚོགས་བྱུང་གིན་ཡོད་པ་ངོས་ཟིན། ལྷག་ཏུ་མི་ནད་ཅན་ཞིག་གི་གྱོན་ཆས་ལས་ནད་འགོས་ཚད་ནི་བརྒྱ་ཆའི་༦༠ ཡན་ཡིན། དེས་པ་ཧ་ཅང་ཉེན་ཁ་ཆེ་བའི་གོས་རྙིང་དག་ཉོ་བ་ནི་ཁེ་ཕན་ལས་ཉེན་ཁ་ཆེ་བས་རྗེས་ཕྱོགས་རང་གིས་ཉམས་འཇོག་དགོས་ས་ཆེན་པོ་ཞིག་ཡིན། ལྷག་ཏུ་རིན་གོང་བདེ་བོའི་རིགས་ནི་རྣམ་པ་གསར་བ་ལྟར་སྣང་ཡང་དོན་དུ་རྙིང་བ་ཡིན་པ་ཧ་ཅང་མང་། གོས་དེ་ཉོ་སྐབས་ཞིབ་ཏུ་བརྟག་དགོས། དེས་ན་ཚོང་ར་དག་ལས་གྱོན་ཆས་ཉོ་སྐབས་རྙིང་བ་ཡིན་མིན་བརྟག་ཐབས་འགའ་ཡོད་པ་གཤམ་གསལ་ལྟར་ཡིན།

    ༡ གྱོན་པ་དེའི་བར་གསེང་གི་ཁ་དོག་དང་གོང་སྣེ་དང་འཕུར་ཁའི་ཁ་དོག་གཉིས་ལ་རྒྱུན་ལྡན་མིན་པའི་འགྱུར་བ་སོང་ཡོད་པ་དང་། གོང་སྣེ་འཕུར་སྣེ་སོགས་ན་ཟད་པ་དང་ཐེད་པའི་ངན་རྟགས་མངོན་ནས་ཡོད་སྲིད་པ།

    ༢ ཚོང་ཁང་དེ་ཚད་ལྡན་གྱི་གྱོན་ཆས་དགྲམ་ས་ཡིན་མིན་དང་། རིན་གོང་གཞན་ལས་སྟབས་བདེ་ཡིན་ནའང་གནད་དོན་ཡོད་པའི་རྟགས་ཡིན་པས་ཉམས་འཇོག་དགོས།

    ༣ གལ་ཏེ་གྱོན་ཆས་དེ་ཚད་ལྡན་བཟོ་གྲྭ་ལས་གསར་བ་ཐོན་པ་ཡིན་ན། ཚོང་ཁང་དེ་ལ་གྱོན་ཆས་དེའི་རིགས་གཅིག་ཡིན་ལ་ཆེ་ཆུང་སྣ་ཚོགས་ཡོད་པ་དང་། གྱོན་ཆས་འདྲ་བ་ཡིན་ལ་ཁ་དོག་སྣ་ཚོགས་འདེམ་རྒྱུ་ཡོད་པ་ཡིན་ན་རྙིང་བ་མ་ཡིན་པའི་རྟགས་མཆོག་ཏུ་གྱུར་བ་ཞིག་ཡིན། གྱོན་པ་དེ་གཅིག་པོ་ལས་མེད་པ། ཁ་དོག་དང་ཆེ་ཆུང་ཡང་འདེམ་རྒྱུ་མེད་པར་ཚོང་བས་ཟད་སོང་བ་རེད་ཅེས་ལབ་ན་གནད་དོན་ཡོད་སྲིད། དེང་སང་ལྷག་ཏུ་མཐོ་སྒང་གི་ས་ཆ་སོ་སོ་ན་གོས་རྙིང་གི་ཚོང་ལས་དར་ཁྱབ་དུ་འགྲོ་བཞིན་ཡོད་པས། འདི་ཕྱོགས་ལ་བསམ་བློ་ལྷག་མ་དང་ཉམས་འཇོག་བྱེད་དགོས་པའི་གནད་དོན་གསར་བ་ཞིག་ཡིན།


དྲྭ་ཚིགས་གཙོ་སྐྱོང་བ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། མགར་ཨ་སངས། མགར་ཚེ་རིང་བཀྲ་ཤིས།
འདྲེན་བཀོལ:

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
sqiw བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
12597256
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999 13909418876 QQ:516617821    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
网站备案号:蜀ICP备13002975号