ཆུང་མས་དཔོན་ཕྲུག་ལ་བླངས་པའི་སྐྱོ་གླུ།
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 8 ཚེས 23 རེས་གཟའ་པ་སངས་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» དམངས་སྲོལ།» གནའ་གཏམ་དང་སྒྲུང་། »ཆུང་མས་དཔོན་ཕྲུག་ལ་བླངས་པའི་སྐྱོ་གླུ།
ཆུང་མས་དཔོན་ཕྲུག་ལ་བླངས་པའི་སྐྱོ་གླུ།
རྩོམ་སྒྲིག་པ།  གསང་བདག སྤེལ་དུས། 2014/3/30ལྟ་ཀློག (4970)རྩོམ་ཁུངས: ངེད་དྲ་བ།པར་འདེབ།


རྒྱལ་ཕྲུག་རྒྱ་ཞྭ་ཅན་པོ།།

སྒའི་ཨ་འཇོག་ཐིག་ལེ་ཅན་པོ།།

ཁྱོད་ཨ་སྐྱིད་སྡེ་བརྒྱའི་དཔོན་རེད།།

མ་འབྲུག་མོ་རང་གི་རོགས་རེད།།

ཕུག་གི་ཁང་རྒན་ཟེར་དུས།།

འདུ་ཁང་ཀ་བརྒྱ་ཞིག་རེད།།

རྩིག་གི་དོ་རྒན་ཟེར་དུས།།

བྲག་དམར་རང་བྱུང་ཞིག་རེད།།

ཕུག་གི་ཁང་རྒན་ནང་ནས།།

རྩིག་གི་དོ་རྒན་རྩིབ་ན།།

ལུས་གདན་ཐོག་གཅིག་ལ་ཉལ་ནས།།

མགོ་སྔས་ཐོག་གཅིག་ལ་བཞགས་ནས།།

རོགས་འུ་གཉིས་མ་བཤད་ནི་མེད།།

གཅིག་བཤད་ལ་མ་དྲན་ནི་མེད།།

སྐྱ་གསལ་ལེ་ནམ་མཁའ་སངས་དུས།།

ངས་ཟུང་དཀར་ཟེའུ་ཏོ་འཁུར་ནས།།

འབྲི་བརྒྱའི་ལྷས་ལ་སོང་ནི།།

འབྲི་གཡང་མོའི་སྤྲིས་དཀར་བཞོས་ནས།།

གནག་ནོར་མོ་རི་ལ་རྒྱབ་ནི།།

ཁྱིམ་སྐྱིད་ཁྱིམ་ནང་ལ་ལོག་ནས།།

འབྲིའི་འོ་མས་ཇ་འཐུང་བསམ་གི།།

ཐབ་ཀ་རིག་གསུམ་ཟེར་དུས།།

མདའ་དམར་ཟུར་གསུམ་ཟིག་རེད།།

ཟུར་གཅིག་གི་མ་རྒྱུའི་ཕྱོགས་ནས།།

མགོ་མཁར་ཟངས་ཕྱོགས་དྲུག་སྐྱོན་ནས།།

ཇ་རྒྱ་གཡུ་དམར་བསྐོལ་ནས།།

གངས་དཀར་དཀར་ཡོལ་ནང་ལ།།

ཇ་རྒྱ་གཡུ་དམར་བླུག་ནི།།

ཁ་འབྲི་མར་སེར་པོས་རྒྱན་ནི།།

ལག་གཡས་པས་མ་བྱིན་གོང་ལ།།

ལག་གཡོན་པས་མ་བརྙབ་གོང་ལ།།

ཕྱིའི་རུ་སྡེས་ཀི་ཞིག་འདེབས་ཀི།

རྟ་འདེད་ཀི་ར་མདའ་རྒྱུག་ཟེར།།

ཇག་ཡིན་གི་རྐུན་མ་སོད་ཟེར།།

མོའི་མི་བོ་རྒྱུག་དགའ་ཆེ་གི།

ཕ་ཨ་ཁུ་སྔོན་མའི་རིང་ནས།།

ཕ་གྱགས་ལོ་ཅན་གི་བུ་རེད།།

ཞང་མི་རྒྱུད་ཅན་གི་ཚོའུ་རེད།

དམག་རུ་དར་ཁྱོས་བཟུང་ཟེར་ཀི།

དཔུང་དམག་དཔོན་ཁྱོས་བྱེད་ཟེར་ཀི།

དམག་ཕར་འགྲོ་སྔ་བ་བྱོས་ཟེར།།

དམག་ཚུར་ཡོང་གཞུག་མ་བྱོས་ཟེར།།

ཁྱོད་སྲུང་རྟ་འགྲོ་མེད་ཞོན་ཟེར།།

ཁྱོད་ཁྲ་རིང་འབབ་མེད་འཁུར་ཟེར།།

མོའི་སེམས་རྩ་སྡུག་གིས་བཀང་ཐལ།།

མོའི་མིག་མཐའ་མཆི་མས་བཅད་ད།།

ཚིག་འདར་འདར་སྐད་ཆ་བཤད་ནི།།

དམག་ཕར་འགྲོ་སྔུན་མ་མ་བྱེད།

སྐྱ་ལྔ་བཅུ་སྔོན་ལ་མངགས་དགོས།།

དམག་ཚུར་ཡོང་གཞུག་མ་མ་བྱེད།།

སྐྱ་དྲུག་ཅུ་ཕྱི་ནས་ལྷག་དགོས།།

མོས་ཕུག་གི་རྟ་རྡང་ནང་ནས།།

རྟ་དཀར་ལི་སྒོ་ཁར་བླངས་ནས།།

བོའུ་ཁྲ་རིང་ཁིས་ནས་བླངས་ནི།།

ཁ་དགད་ནི་གློ་ཐག་དགག་གི།

མོ་རོགས་ལོ་བསམ་ནི་ལོས་ཡིན།།

ངོ་ནག་ནི་གོང་ལ་འབུད་ཀི།

དགྲ་ནག་པོ་བསམ་ནི་ལོས་ཡིན།།

སྨད་ཕ་རིའི་ལུང་ཡངས་མདོ་ན།།

གན་བོའུ་དོ་ས་རྡུལ་འཐིབ་འཐིབ།།

བོའུ་རྡེའུ་སེར་བ་འབབ་འབབ།།

དམག་ཁྲ་ཁྲ་གར་བདའ་བསྐོར་བདའ།།

ཁོའི་སེམས་ལ་དགའ་བ་སྒོམ་ནི།།

ཁ་ཕྱིར་འཁོར་ཕྱིར་ལ་འཁོར་ཐལ།།

མོའི་སེམས་ལ་དགའ་བ་ལོས་ཡོད།།

མོས་ལྟ་དབང་མ་བྱིན་གོང་ལ།།

མིག་ཕྲ་མོས་མ་རིག་གོང་ལ།།

མནར་གུག་གེ་སྟོད་ལ་བབས་ཐལ།།

སྨད་ཕ་རིའི་ལུང་ཡངས་མདོ་ན།།

སྐད་གྲགས་གྲགས་བུ་མོས་འབོད་ཀི།

མོ་ང་ཡང་སྒོ་ལ་བུད་ནི།།

རྣ་གོར་མོས་ཚིག་ལ་ཉན་ནི།།

རོགས་མ་བདེ་ལོ་རབས་བཤད་ཀི།།

ཨ་རོགས་ལོ་སྙིང་རྗེ་ཅན་པོ།།

ང་བསྐྱུར་ནས་གང་ལ་བུད་སོང་།།

ཁྱོད་རྣམ་ཤེས་སྦྲང་མ་རྩི་རྒུམ།།

ངའི་ཕྱོགས་འཁོར་གི་མ་འདུག།

སྟོད་ཡ་གའི་སྤང་དཀར་ཀླད་ན།།

དགོན་སྒར་ཆེན་སྒར་ཆུང་བླ་མ།།

དཔོན་ཁྲིམས་ཆེན་ཁྲིམས་ཆུང་དཔོན་པོ།།

ཆོས་བསྐུར་བའི་བསྐུར་བཞུགས་ཐོན་ཐལ།།

དཔོན་ཆེན་པོའི་བཀའ་ཡིག་ཐོན་ཐལ།།

ངའི་ཕྱོགས་ཀི་འབུལ་བ་བཤད་ན།།

ཁྱོད་ཡ་རྒྱུའི་ཕ་ལོ་ཟེར་ལ།།

རྟ་སྒ་སྲབ་ཐུར་གསུམ་ཚུར་ལོངས།།

རྟ་ཞོན་ནི་འགྲོ་ས་མེད་རུང་།།

རྗེ་བླ་མའི་ཕྱག་ལ་འཇོག་རྒྱུ།།

ངའི་ཤི་བོའི་རྣམ་ཤེས་འདྲེན་དགོས།།

རྐང་མི་འཁྱག་ཐབས་ལ་གན་མཁྱེན།།

ངའི་གཅེས་པའི་ཕུ་བོ་ཟེར་ལ།།

བོའུ་ཁྲ་རིང་རྭ་གཉིས་ཚུར་ལོངས།།

བོའུ་འཁུར་ནི་འགྲོ་ས་མེད་རུང་།།

རྗེ་བླ་མའི་ཕྱག་ལ་འཇོག་རྒྱུ།།

ཕྱི་དམྱལ་ཁམས་གཤིན་རྗེའི་ཡུལ་རེད།།

དགྲ་མི་སྐྲག་ཐབས་ལ་གན་མཁྱེན།།

དྲིན་མ་རྒྱུའི་མ་ལོ་ཟེར་ལ།།

རྫ་བ་ཆ་འཁོར་གསུམ་ཚུར་ལོངས།།

ཇ་བསྐོལ་ནི་འདུག་ཁོམ་མེད་རུང་།།

རྗེ་བླ་མའི་ཕྱག་ལ་འཇོག་རྒྱུ།།

ཕྱི་བར་དོ་ཚ་གྲང་ཡུལ་རེད།།

ཕོ་མི་ལྟོགས་ཐབས་ལ་གན་མཁྱེན།།

མོ་བཞག་གི་འབུལ་བ་དུ་རེད།།

ཁྱོད་ཤི་བོ་དགོས་རྒྱུ་དུ་རེད།།

ང་གསོན་པོས་ཐུབ་ནོ་དུ་རེད།།

                         <<བོད་ཀྱི་ངག་རྒྱུན་གཏམ་རྒྱུད་ཕྱོགས་བསྒྲིགས།>>ལས་བཤུས།

དྲྭ་ཚིགས་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
rogu བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
14877408
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999 13909418876 QQ:516617821    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
网站备案号:蜀ICP备13002975号