ཁང་སར་ཉིན་པའི་སྤྱི་བ་གཉིས་ལ་བསྟོད་པ།
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 11 ཚེས 15 རེས་གཟའ་པ་སངས་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» དམངས་སྲོལ།» གནའ་གཏམ་དང་སྒྲུང་། »ཁང་སར་ཉིན་པའི་སྤྱི་བ་གཉིས་ལ་བསྟོད་པ།
ཁང་སར་ཉིན་པའི་སྤྱི་བ་གཉིས་ལ་བསྟོད་པ།
རྩོམ་སྒྲིག་པ།  གསང་བདག སྤེལ་དུས། 2014/4/2ལྟ་ཀློག (5261)རྩོམ་ཁུངས: ངེད་དྲ་བ།པར་འདེབ།

ཤར་སྤྲིན་དཀར་ཡོལ་བའི་མདུན་ན།།

སྒར་ཁྲ་ཁྲ་ཁང་གསར་ཉིན་པ།།

ཁྱོད་རྒྱབ་རི་རྒྱལ་བོ་བཞུགས་འདྲ།།

བྲག་དམར་ཛམ་བྷ་ལ་རེད།།

བྲག་དམར་པོ་འདོད་པ་ཆེ་གི།།

རྒྱུ་འབྱོར་བ་བསྩོལ་བའི་ལྷ་ཡིན།།

མདོ་ཀླུ་མོ་སྟོང་གི་མཚོ་མོ།།

མདོའི་ཀླུ་མོ་འདོད་པ་ཆེ་གི།

ནམ་རིན་ཆེན་འབར་བའི་ལྷ་ཡིན།།

དངུལ་དཀར་པོ་གདན་གྱི་སྟེང་ན།།

དགོན་ཁྲ་ཁྲ་འདོད་པ་ཆེ་གི།།

བླ་གྲྭ་ཚང་དར་གི་ལྷ་ཡིན།།

གསེར་འདུ་ཁང་ཀ་བརྒྱའི་ཁུག་གི།

གདན་པ་ཏྲའི་འབོག་གདན་སྟེང་གི།

བྱ་ཡ་རབས་སྐྱོང་གི་བླ་མ།།

ཆོས་དགེ་འདུན་གྲལ་གྱི་དཔོན་པོ།།

ཁྱེད་ཚུར་ལོངས་ཨ་ཁུ་གཉིས་ཀ།

དགོན་ཆེན་པོའི་སྤྱི་བ་འཇོག་གི།

ལག་ཁམ་འཕྲོའི་འབུད་ཐང་ཟེར་ན།།

ཁྱོད་མཁས་ང་མཁས་མེད་ཀི།།

གཏམ་ཁ་ཚིག་ཕྱོགས་ལ་བསྐོར་ན།།

གླིང་གི་དཔའ་ཐུལ་གཉིས་རེད།།

རྒྱུ་ནོམ་པའི་ཡོང་སྒོ་བཤད་ན།།

འདོ་རྒོད་མས་ཆོ་རྩྭ་ཟ་ཟ།།

འབྲི་མཛོ་མོས་དབྱར་རྩྭ་ཟ་ཟ།།

འབའ་ལག་ག་རྩྭ་མགོར་ཡན་ཡན།།

ལས་དབང་ཐང་བསོད་ནམས་ཅན་གཉིས།།

རྒྱུ་ནོམ་པའི་ཡོང་སྒོ་དེ་རེད།།

རྒྱུ་ནོམ་པའི་འགྲོ་སྒོ་བཤད་ན།།

འདིའི་ཀ་འབུར་རྒྱལ་མཚན་བརྒྱ་བོ།།

དངུལ་བཅུ་མ་བརྒྱད་ཅུའི་རིན་ཡིན།།

གོས་དར་ཚོན་སྣ་ལྔ་བརྒྱ་བོ།།

རྒོད་བཞི་མོ་བཞི་བཅུའི་རིན་ཡིན།།

རྟེན་ལྷ་ཆོས་རིན་གྱིས་མི་ཟིན།།

ཆོས་པོ་ཏི་གནམ་ལ་ཐུག་ཡོད།།

རྒྱུ་ནོམ་པའི་འགྲོ་སྒོ་དེ་ཡིན།།

དགེ་ཁ་ལས་རླུང་རྟ་དར་བའི།།

མི་ཁྱེད་གཉིས་ཚེ་འདིའ་ནང་ནས།།

དབང་མངའ་ཐང་དར་གི་སྨོན་ལམ།།

                          <<བོད་ཀྱི་ངག་རྒྱུན་གཏམ་རྒྱུན་ཕྱོགས་བསྒྲིགས>>ལས་བཤུས།

དྲྭ་ཚིགས་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
if7l བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
15585807
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999 13909418876 QQ:516617821    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
网站备案号:蜀ICP备13002975号