བོ་དོང་ཕྱོགས་ལས་རྣམ་རྒྱལ་མཆོག་ངོ་སྤྲོད་མདོར་བསྡུས།
  草原梦想欢迎你! དེ་རིང་ནི་སྤྱི་ལོ 2025 ལོའི་ཟླ 7 ཚེས 4 རེས་གཟའ་པ་སངས་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» མི་སྣ།» སྔོན་བྱོན་སྐྱེས་ཆེན། »བོ་དོང་ཕྱོགས་ལས་རྣམ་རྒྱལ་མཆོག་ངོ་སྤྲོད་མདོར་བསྡུས།
བོ་དོང་ཕྱོགས་ལས་རྣམ་རྒྱལ་མཆོག་ངོ་སྤྲོད་མདོར་བསྡུས།
རྩོམ་སྒྲིག་པ།  ཁཱ་ཤེས་རབ་རྒྱ་མཚོ། སྤེལ་དུས། 2014/5/23ལྟ་ཀློག (10851)རྩོམ་ཁུངས: ངེད་དྲ་བ།པར་འདེབ།

སྔོན་བྱོན་མཁས་པའི་སྡེ་ལས་བོ་དོང་ཕྱོགས་ལས་རྣམ་རྒྱལ་མཆོག་ངོ་སྤྲོད་མདོར་བསྡུས

       མཚན་ཡོངས་གྲགས་སུ་བོ་དོང་ཕྱོགས་ལས་རྣམ་རྒྱལ༼༡༣༧༦---༡༤༥༢༽མཚན་གྱི་རྣམ་གྲངས་གཡུང་དྲུང་སངས་རྒྱས་སྐྱིད་དང་སངས་རྒྱས་རྒྱལ་མཚན།  བོ་དོང་ཆོས་རྒྱལ། འཇིགས་མེད་གྲགས་པ།  དབྱངས་ཅན་དགའ་བའི་དཔལ། འཆི་མེད་སྡེ།  ཆོས་ཀྱི་རྒྱལ་མཚན།  བློ་གྲོས་མི་ཟད་པ།  གསང་བས་བྱིན། སངས་རྒྱས་བསྐྱངས། ངང་ཚུལ་ཞི་བ། འབུམ་ཕྲག་བརྒྱ་པ་བཅས་སོ། ཁོང་ནི་རབ་བྱུང་དྲུག་པའི་མེ་འབྲུག་སྤྱི་ལོ༡༣༧༦ལ་གནས་ཆེན་རྩིབས་རིའི་བྱང་ངོས་ལག་པ་གོང་གི་ཉེ་འགྲམ་དུ། ཞྭ་མི་རུས་བརྒྱུད་ཡབ་ཆོས་དབྱིངས་རྒྱལ་མཚན་དང་ཡུམ་བྱང་ཆུབ་སྒྲོན་མ་གཉིས་ཀྱི་སྲས་སུ་ངོ་མཚར་བའི་ལྟས་དང་བཅས་སྐུ་འཁྲུངས། མཚན་ལ་གཡུང་དྲུང་སངས་རྒྱས་སྐྱིད་ཅེས་གསོལ།  དེ་ནས་དགུང་ལོ་ལྔ་ལ་སོན་སྐབས་ཡི་གེ་འབྲི་ཀློག་སོགས་བརྡ་བསྟན་པ་ཙམ་གྱིས་མཁྱེན། དགུང་ལོ་བདུན་ལ་གྱམ་བསམ་གཏན་གླིང་དུ་སྐུ་ཞང་པན་ཆེན་གྲགས་པ་རྒྱལ་མཚན་གྱི་དྲུང་ནས་རབ་ཏུ་བྱུང་སྟེ་མཚན་ལ་སངས་རྒྱས་རྒྱལ་མཚན་ཞེས་གསོལ། དེ་ནས་ཨེའི་ཆོས་སྡེའི་མཁས་པའི་དབང་པོ་ཆོས་ཀྱི་རྡོ་རྗེའི་ཞབས་ལ་གཏུགས་ནས་ཐོག་ མར་ཚད་མ་རིག་པ་ལ་གསན་སྦྱོང་གནང་སྟེ་ཚད་མ་རྣམ་འགྲེལ་དཔང་ལོ་དང་ལོ་ཆེན་གྲགས་པའི་ཊྰིཀ་ཆེན་སོགས་ལ་ལེགས་པར་སྦྱངས། དགུང་ལོ་བཅུ་དྲུག་ལ་དཔལ་ས་སྐྱར་རྣམ་འགྲེལ་གྱི་གྲྭ་སྐོར་ཕེབས་ཏེ་མཁས་པ་རྒྱ་མཚོ་ལྟ་བུའི་དབུས་སུ་ལེགས་བཤད་ཀྱིས་མཆོད་སྤྲིན་ཕུལ། མངོན་པ་མཛོད་རྩ་བ་ཉིན་གཅིག་བློ་ལ་བཟུང་།  དགུང་ལོ་ཉེར་གཅིག་ལ་དབྱངས་ཅན་མའི་ཞབས་གཟིགས་སྐབས་དབྱངས་ཅན་མའི་བསྟོད་པ་བུང་བའི་གླུང་དབྱངས་ལ་སོགས་མཛད། དགུང་ལོ་ཉེར་གསུམ་ལ་དབུས་ཕྱོགས་སུ་གྲྭ་སྐོར་ལ་ཕེབས་ཏེ་རྩེད་ཐང་གི་ཆོས་གྲྭའི་གདན་ས་པ། ཆེན་པོ་བྱང་རྡོ་རྗེས་ཐོག་དྲངས་བཤེས་གཉེན་སྟོང་ཕྲག་ཙམ་གྱི་དབུས་སུ་པོ་ཏི་བཅོ་ལྔའི་བཤད་པ་མཛད་པས་མཁས་པའི་གྲགས་པ་ཕྱོགས་ཀུན་ཏུ་ཁྱབ།  སྔགས་ཕྱོགས་ཀྱི་གསན་པ་གཙོ་བོ་ལོ་ཆེན་གྲགས་པ་དང་།  སྟག་ལུང་བཀྲ་ཤིས་དཔལ་བརྩེགས། ལོ་ཆེན་ནམ་བཟང་།  ལམ་འབྲས་བློ་དཀར། དཀའ་བཞི་པ་ནམ་མཁའ་འོད་ཟེར།  སྟག་ཕུ་བ་བྱང་ཆུབ་མགོན་པོ་སོགས་ལས་གསན། བོ་དོང་ཨེ་དང་གུང་ཐང་ཆོས་སྡེ། ཤེལ་དཀར་ཆོས་སྡེ་སོགས་སྡེ་དགོན་མང་པོ་དང་ལྷག་པར། ལ་སྟོད་ལྷོ་བྱང་གཉིས་དང་ཡར་འབྲོག་རིན་སྤུངས་གུང་ཐང་གློ་བོ་བཅས་སུ་ཕེབས་ནས་དེ་དག་གི་བདག་པོ་སི་ཏུ་ཆོས་ཀྱི་རིན་ཆེན་དང་བྱང་བདག་རྣམ་རྒྱལ་གྲགས་བཟང་།  ཡར་འབྲོག་ཁྲི་དཔོན། རིན་སྤུངས་ངག་དབང་འཇིགས་གྲགས། གུང་ཐང་རྒྱལ་པོ་ལྷ་དབང་རྒྱལ་མཚན་ཡབ་སྲས་སོགས་ཀྱིས་ཀྱང་བསྙེན་བཀུར་ཞུས་པ་བརྒྱུད།  དེ་དག་གི་སྡེ་དགོན་རྣམས་སུ་ཆོས་ཀྱི་འཁོར་ལོ་བར་མ་ཆད་པ་བསྐོར་ནས་དངོས་སམ་བརྒྱུད་ནས་ཐར་པ་དང་ཐམས་ཅད་མཁྱེན་པའི་ལམ་དུ་ཁྲིད་པར་མཛད།  དེ་ལྟར་དབུས་གཙང་གི་ས་གནས་གང་སར་འཆད་རྩོད་རྩོམ་གསུམ་གྱི་སྒོ་ནས་བསྟན་པ་སྤེལ།  དགུང་ ལོ་སུམ་ཅུ་ཙམ་ནས་ལྷག་པའི་ལྷ་དུ་མས་དངོས་ཉམས་ཀུན་ཏུ་ཞལ་གཟིགས་བསྟན་བཅོས་ཆེན་ པོ་མཛད་པར་བསྐུལ་བས་དེ་ཉིད་འདུས་པ་ཡོངས་སུ་རྫོགས་པ་བརྩམས།  རྗེ་འདི་ཉིད་དགུང་ལོ༣༥པ་སྤྱི་ལོ༡༤༡༠ལ། དཔལ་ཁུད་དུ་པདྨ་ཆོས་སྡིངས་དགོན་པ་བཏབ་ནས་སྐུ་ཚེ་སྨད་ཀྱི་བཞུགས་གནས་གཙོ་བོ་དེར་མཛད།  དུས་ཀྱི་འཁོར་ལོ་ལས་གསུངས་པའི་ཡེ་ཤེས་མཆོད་རྟེན་ཞེས་པ་ཐོག་རྩེག་ལྔ་ཙམ་ཡོད་པ་ནང་ལ་རྒྱུད་སྡེ་བཞིའི་ལྷ་ཚོགས་དེ་ཉིད་འདུས་པའི་ལུགས་བཞིན་སོ་སོའི་ཞལ་ཕྱག་དང་ སྐུ་མདོག་ཕྱག་མཚན་འཁོར་མང་ཉུང་སོགས་བཀོད་པ་ཁྱད་དུ་འཕགས་པར་འགྲོ་བ་རྨས་ལ་མིག་གི་བདུད་རྩིར་བྱེད་པ།  བསོད་ནམས་ཀྱི་རྟེན་དུ་བཞེངས།  དགུང་ལོ་བདུན་ཅུ་དོན་དྲུག་པ་རབ་བྱུང་བརྒྱད་པའི་ལྕགས་ལུག་སྤྱི་ལོ༡༤༥༡ལོའི་བོད་ཟླ་གསུམ་པའི་གནམ་གང་ཉིན་ཞི་བར་གཤེགས།  གང་གི་གསུང་ལས་སྐྱེས་པའི་སློབ་མ།  བཀའ་བབས་ཉི་ཤུ་རྩ་གསུམ་དང་འཁོན་གྱི་གདུང་རྒྱུད་གསུམ། རིགས་སྔགས་འཆང་བ་གཅིག ཉི་ཟླ་ལྟར་གྲགས་པའི་མཁས་པ་གཉིས། རྡོ་རྗེ་ཕག་མོ་སྐུ་ཕྲེང་དང་པོ་ཨ་གྲོལ་ཆོས་ཀྱི་སྒྲོན་མ། འཇིག་རྟེན་མིག་གསུམ། ཕྱོགས་ལས་རྣམ་པར་རྒྱལ་བའི་མཁས་པ་དྲུག མདོ་སྔགས་ཡོངས་སུ་རྫོགས་པ་བཅུ་གསུམ། ཤྰཀྱ་ཤྲྰིའི་གདན་ས་པ་གཉིས། གཙུག་རྒྱན་བཅུ་དྲུག  མཚན་ཉིད་རབ་འབྱམས་སྨྲ་བ་བཞི།  སྔགས་རབ་འབྱམས་པ་གཉིས། སྒྲུབ་པའི་རྒྱལ་མཚན་འཛིན་པ་བཞི། སྔགས་འཆང་དྲག་པོ་གཉིས། གྲུབ་ཆེན་ལྔ་བཅུ་སོགས་ཤིན་ཏུ་མང་བར་བྱོན། ཞེས་རྣམ་ཐར་དུ་གསལ།  །

རྗེ་འདིའི་གསུང་འབུམ་གྱི་སྐོར།

           དེ་ཉིད་འདུས་པའི་རྒྱ་མཚོ་ཆེན་པོ་ལ་འཇུག་པའི་སྒོ་བཞི་སྟེ།  བྱིས་པ་འཇུག་པའི་སྒོ་དང་མཁས་པ་འཇུག་པའི་སྒོ།  མདོ་ལ་འཇུག་པའི་སྒོ། སྔགས་ལ་འཇུག་པའི་སྒོའོ། །བྱིས་པ་འཇུག་པའི་སྒོ་ལ། ལུས་ཀྱི་བསླབ་པ། ངག་གི་བསླབ་པ།  ཡིད་ཀྱི་བསླབ་པ་གསུམ་མོ། ལུས་ཀྱི་བསླབ་པ་ལ།མ་ལ་གནས་པའི་བསླབ་པ་དང་། བུ་བཙའ་པའི་བསླབ་པའོ།  །ངག་གི་བསླབ་པ་ལ།  ཡི་གེ་ཀློག་པའི་བསླབ་པ་དང་།  ཡི་གེ་བྲི་བའི་བསླབ་པའོ། ཡིད་ཀྱི་བསླབ་པ་ལ། འཇིག་རྟེན་ལུགས་ཀྱི་བསྟན་བཅོས་དང་། བརྟག་པའི་བསྟན་བཅོས་སོ། །ལུགས་ཀྱི་བསྟན་བཅོས་ལ། རྒྱལ་པོ་དང་། བློན་པོ་དང་། ཕལ་བའི་ལུགས་ཀྱི་བསྟན་བཅོས་སོ། །བརྟག་པའི་བསྟན་བཅོས་ལ། ནང་སེམས་ཅན་གྱི་བརྟག་པ་དང་། ཕྱི་ཡོ་བྱད་ཀྱི་བརྟག་པའོ། །མཁས་པ་འཇུག་པའི་སྒོ་ལ། བཟོ་རིག་པ་དང་།  གསོ་བ་རིག་པ། སྒྲ་རིག་པ། གཏན་ཚིགས་རིགས་པ།  ནང་རིག་པའོ། །འདི་ལ་བསླབ་པ་གསུམ་གྱི་སྒོ་ནས་འཆད་དོ། །

         མདོ་ལ་འཇུག་པའི་སྒོ་ལ། བསྟན་པ་སྤྱིའི་རྣམ་པར་གཞག་པ་དང་།ཁྱད་པར་གྱི་རྣམ་པར་གཞག་པའོ། ཁྱད་པར་གྱི་རྣམ་པར་གཞག་པ་ལ་བཞི་སྟེ། བྱེ་བྲག་ཏུ་སྨྲ་བའི་དེ་ཉིད་དང་། མདོ་སྡེ་པའི་དེ་ཉིད་དང་།སེམས་ཙམ་པའི་དེ་ཉིད་དང་།  དབུ་མ་པའི་དེ་ཉིད་དང་བཞིའོ། །འདི་རྣམས་ལ་གཞི་དང་ལམ་དང་འབྲས་བུའི་སྒོ་ནས་འཆད་དོ། །

       སྔགས་ལ་འཇུག་པའི་སྒོ་ལ། རྒྱུད་སྡེ་སྤྱིའི་རྣམ་པར་གཞག་པ་དང་། ཁྱད་པར་གྱི་རྣམ་པར་གཞག་པའོ། ཁྱད་པར་གྱི་རྣམ་པར་གཞག་པ་ལ་བཞི་སྟེ། བྱ་བའི་རྒྱུད། སྤྱོད་པའི་རྒྱུད། རྣལ་འབྱོར་གྱི་རྒྱུད། རྣལ་འབྱོར་བླ་ན་མེད་པའི་རྒྱུད་ཀྱི་དེ་ཉིད་རྣམ་པར་གཞག་པའོ། །དེ་རྣམས་ཀྱི་དཀྱིལ་འཁོར་གྱི་དབང་གི་ཆོ་ག་དང་དེའི་རྣམ་པར་ངེས་པ། མངོན་པར་རྟོགས་པ་སོ་སོའི་རྒྱུད་བཤད་པ་དང་།  ཕྱིའི་ལས་ཚོགས་དང་།  ནང་གི་སྒོམ་རིམ་གྱི་མན་ངག་རྣམ་པར་གཞག་པ་རྣམས་སོ། །དེ་ཡང་རྣམ་ཐར་ལས། སྒོ་བཞི་ཆུ་བོ་རྣམ་བཞི་རྟག་ཏུ་འབབ། །ཕྱི་ནང་རིག་གནས་ལྔ་ཡི་གདེངས་ཅན་གྲོང་། བཤད་སྒྲུབ་རིན་ཆེན་གླིང་དང་ཉེ་བའི་གླིང་། །བརྒྱ་ཕྲག་གིས་མཛེས་རིམ་ཕྱེ་བརྒྱ་ཕྲག་གསུམ།།དྲུག་ཅུར་བཅས་པའི་ཆུ་བྱ་འཕུར་ལྡིང་གཡོ། །ཉི་ཁྲི་ཆིག་སྟོང་ལེའུའི་རླབས་ཕྲེང་ཅན། །བདུན་ཁྲི་ཉིས་སྟོང་མན་ངག་ནོར་བུའི་གང་། །བརྒྱད་ཁྲི་བཞི་སྟོང་ཆུ་ཚོགས་ཕ་མཐའ་ཡས། །ལྷག་ཆད་ནོར་བའི་རོ་དང་བྲལ་གྱུར་པའི། །ཟླ་མེད་བསྟན་བཅོས་རིན་ཆེན་འབྱུང་གནས་གྲུབ། །ཅེས་པ་ལྟར་བསྟན་བཅོས་འདི་ལ་ཕྱི་ནང་གི་སྒོ་བཞི། ཕྱི་ནང་གི་གནས་ལྔ། བཤད་སྒྲུབ་རིན་པོ་ཆེའི་གླིང་ལག་དང་ཉེ་བའི་ཡན་ལག་བརྒྱ་ཕྲག་ཅན། ཕྱི་རོལ་གྱི་ལོའམ་ཞག་གི་ཚོགས་རྣམ་པར་དག་པས་རིམ་པར་ཕྱེ་བ་སུམ་བརྒྱ་དྲུག་ཅུ། ཡོན་ཏན་གྱི་སྒོ་ནས་ལྷག་པར་འཕེལ་བའི་བདག་ཉིད་ཅན། ནང་གི་རླུང་ཉི་ཁྲི་ཆིག་སྟོང་དྲུག་བརྒྱ་རྣམ་པར་དག་པའི་བདག་ཉིད་ཀྱི་ལེའུ་ཉི་ཁྲི་ཆིག་སྟོང་དྲུག་བརྒྱ། ནང་གི་གནས་རྩ་སྦུབས་སྟོང་ཕྲག་བདུན་ཅུ་རྩ་གཉིས་རྣམ་པར་དག་པའི་བདག་ཉིད་ཀྱི་མན་ངག་གི་མེས་པ་བདུན་ཁྲི་ཉིས་སྟོང་།  ཆོས་ཀྱི་ཕུང་པོ་ཐམས་ཅད་འདུས་པའི་བདག་ཉིས་ཀྱི་ཆོས་ཚོམས་བརྒྱད་ཁྲི་བཚི་སྟོང་མངའ་བའོ། །

གྲངས་འབོར་ལ་མཚོན་ན།

          དེ་ཉིད་འདུས་པ་རྒྱས་པ་ལ་གླེགས་བམ་བརྒྱ་དང་བཅུ། འབྲིང་པོ་ལ་གླེགས་བམ་ཉི་ཤུ། འདུས་པ་བསྡུས་པ་ལ་གླེགས་བམ་གཉིས། ཤིན་ཏུ་བསྡུས་པའི་སྙིང་པོ་ལ་གླེགས་བམ་གཅིག་སྟེ། དེ་ཉིད་འདུས་པ་རྒྱས་འབྲིང་བསྡུས་གསུམ་ཆ་ཚང་ལ་གླེགས་བམ་བརྒྱ་དང་སུམ་ཅུ་སོ་གསུམ། གླེགས་བམ་རེ་རེ་ལ་ལྡེབས་གྲངས་ལྔ་བརྒྱའི་གྲངས་ངེས་པ་ཡིན་ཞེས་རྣམ་ཐར་དུ་གསུངས། གཞན་ཡང་དེར་མ་གཏོགས་པའི་གསུང་རྩོམ་ཡང་། དགུང་ལོ་བཅུ་དྲུག་གི་སྐབས་སུ་མཛད་པའི་བཅོམ་ལྡན་འདས་ཐུབ་པའི་དབང་པོ་ལ་མཛད་པ་བཅུ་གཉིས་ཀྱི་སྒོ་ནས་བསྟོད་པ་དང་། འཇམ་དབྱངས་དང་།  གཞོན་ནུ་ནོར་བཟང་ལ་བསྟོད་པ།  དགུང་ལོ་ཉེར་གཅིག་ལ་དབྱངས་ཅན་མའི་ཞལ་གཟིགས་སྐབས་དབྱངས་ཅན་མའི་བསྟོད་པ་བུང་བའི་གླུ་དབྱངས་ལ་སོགས་པ་དང་།  དགུང་ལོ་ཉེར་གསུམ་ལ་དབུས་སུ་གྲྭ་སྐོར་ལ་ཕེབས་སྐབས་གནས་གང་དུ་སླེབས་པ་དེ་དག་ལ་བསྟོད་པ་སྙན་ངག་གི་བསྟན་བཅོས་ཡིད་ཀྱི་ཤིང་རྟ་ཞེས་དང་།  སྣེ་གདོང་གོང་མ་ཆེན་པོ་འཁོར་དང་བཅས་པ་ལ་བསྟོད་པ་ངང་པ་རྣམ་པར་རྒྱལ་བའི་སྒྲ་དབྱངས་ཀྱི་འཇུག་པ་ཞེས་པའི་སྙན་ངག་ལེའུ་ལྔ།  ཁྲ་འབྲུག་དགོན་པ་དང་དགོན་ཐང་འབུམ་མོ་ཆེ་སོགས་ཀྱི་བསྟོད་པ། སྙན་ངག་གི་བསྟན་བཅོས་པདྨ་དཀར་པོའི་ཆུན་པོ་ཞེས་པ་དང་སྟག་མོ་ལུས་སྦྱིན་གྱི་སྐྱེ་རབས་དང་སྦྱར་བ། བྱང་སེམས་རྟག་ཏུ་ངུའི་རྟོགས་བརྗོད་དོན་རྒྱན་གསལ་བའི་མེ་ལོང་ཞེས་པ། སྤྲིན་གྱི་ཕོ་ཉའི་མཆན། ཟློས་གར་གྱི་བསྟན་བཅོས་དབྱངས་ཅན་མགུལ་རྒྱན་དང་།  རོལ་སྙེད་མའི་ཟློས་གར། དཔལ་ཨེའི་ཆོས་འབྱུང་བའི་རྒྱ་མཚོ་ཆེན་པོ་ལ་བསྟོད་པ་ཕྱོགས་ཀྱི་མཛེས་མའི་རྣ་རྒྱན་སོགས་གནས་བསྟོད་དང་།  རྒྱལ་བ་ཤྰཀྱའི་དབང་པོ་ལ་ཁྱད་པར་འཕགས་བསྟོད་ལ་སོགས་པ་ལྷག་པའི་ལྷ་རྣམས་ལ་བསྟོད་པ།  ཇོ་བོ་རྗེ་ལ་སོགས་པ་བསྟན་པ་འཛིན་པའི་པན་གྲུབ་རྣམས་ལ་བསྟོད་པ།  སྟོང་ཉིད་སུམ་ཅུ་པ།  རྣལ་འབྱོར་ཉི་ཤུ་བ།  ཚུལ་ཁྲིམས་ཀྱི་བསྟོད་པ།  རྒྱལ་པོ་ལ་གཏམ་དུ་བྱ་བ་ལ་སོགས་པའི་གཞུང་དུ་མ་དང་།  རྒྱལ་བུ་དགེ་དོན་གྱི་རྟོགས་བརྗོད་ཐར་ལམ་གསལ་བ་སོགས་སོ།

གཞུང་བཤད་སྐོར་ལ།

        མངོན་པ་ཀུན་བཏུས་ཀྱི་འགྲེལ་པ་དང་ཕར་ཕྱིན། རྣམ་འགྲེལ། དབུ་མ་རྒྱན། དབུ་མ་བདེན་གཉིས། ཚད་མ་རིགས་གཏེར་རྣམས་ལ་ཊྰིཀྐ་རེ། ཕར་ཕྱིན་བསྡུས་དོན་གྱི་དཀའ་འགྲེལ་ཆེན་མོ། ཕར་ཕྱིན་གྱི་དོན་བསྡུས། ཚད་མའི་དཀའ་འགྲེལ་ཆེན་མོ། གཞུང་སྤྱིའི་དཀའ་གནད་ལ་བྱེ་བྲག་ཏུ་དཔྱད་པ་རིག་པའི་སྙིང་པོ། ཚད་མའི་དོན་བསྡུས་བཅས་བརྩམས།  གཞན་ཡང་མདོའི་སྙིང་པོ་ཐེག་ཆེན་བློ་སྦྱོང་དང་།  རྒྱུད་ཀྱི་སྙིང་པོ་ཕྱག་ཆེན་ལྷན་ཅིག་སྐྱེས་སྦྱོར།  ཐམས་ཅད་ཀྱི་སྙིང་པོ་སྦས་དོན་གསལ་བ།  རྒྱུད་སྡེ་སྤྱི་རྣམ་སོགས་བརྩམས།  གཞན་ཡང་ཡར་ཀླུངས་སྒྲུབ་པ་པོ་ལ་གནང་བ་མདོ་རྒྱུད་ཀྱི་སྙིང་པོ་ཞེས་དང་།  རྒྱལ་རྩེ་རབ་བརྟན་ཀུན་བཟང་འཕགས་ཀྱི་རྣམ་ཐར་དང་། དགེ་རྒྱས་པ་བསྟན་འཛིན་རྡོ་རྗེའི་གསུངས་པ་ལྟར་ན་གསན་ཡིག་ཡིད་བཞིན་ནོར་བུ་ཞེས་པའི་གསན་ཡིག་ཞིག་ཀྱང་ཡོད་པར་མངོན།  གང་ལྟར་རྗེ་འདི་ཉིད་ཀྱི་གསུང་འབུམ་དེང་སང་གྲངས་འབོར་མང་ཤོས་ཤིག་ཏུ་ངོས་འཛིན་བྱེད་མཁན་མང་ཡང་།  དངོས་དོན་པོ་ཏི་ག་ཚོད་ཙམ་ཡོད་པ་དང་། ནང་དོན་ལ་ཅི་ཞིག་ཡོད་པ་ཞིབ་འཇུག་བྱེད་མཁན་དེ་སྔོན་མ་བྱུང་བ་ནི་ཡིད་ཕམ་གྱི་གནས་སུ་མཆིས།  འོན་ ཀྱང་ཉེ་ཆར་ངེད་དཔལ་བརྩེགས་ཞིབ་འཇུག་ཁང་གི་རྒན་ཟླ་བ་ལགས་ཀྱིས་ལོ་བཅུ་ཙམ་གྱི་ རིང་གསུང་འབུམ་བཙལ་འཚོལ་བྱས་པ་བརྒྱུད་ཞིབ་འཇུག་གནང་བ་ལྟར་ན་གསུང་འབུམ་པོ་ ཏི་བརྒྱ་དང་དྲུག་ཅུ་ལྷག་ཙམ་ཞིག་ཡོད་པ་ངོས་འཛིན་གནང་གི་ཡོད། དེ་ཡང་དུས་ཟིང་གི་སྔོན་དུ་སྤོང་རོང་པདྨ་ཆོས་སྡིངས་དགོན་གྱི་གཟིམ་ཆུང་དཔལ་འཛོམས་སུ་བཞུགས་པ་དེ་ཉིད་འདུས་པ་དབུ་ཅན་པོད་བརྒྱ་དང་བརྒྱད། དབུ་མེད་པོད་བརྒྱ་དང་བརྒྱད་ཡོད་པ་ཚང་མ་དམ་སྦྱར་བྱས་ཏེ་དཀོན་གཉེར་རྣམས་ཀྱི་རྩིས་སྤྲོད་ལེན་སྐབས།  དམ་ཕྲུག་ལ་སྐྱོན་ཆག་ཡོད་མིན་ཙམ་ལྟ་བ་ཞིག་ལས་འཆད་ཉན་བྱེད་སྲོལ་བྱུང་མི་འདུག་པས། ཡང་སྙིང་པོ་ཏི་བརྒྱ་དང་བཅུ་དྲུག་པོ་དེ་ཆ་ཚང་གཅིག་ཡིན་ནམ་ཆ་གཉིས་ཡིན་རྒྱུ་མཚན་ཞིབ་ཕྲ་ཞུ་མ་ཤེས།  སྤྱི་ལོ༡༩༦༡ལོ་ལ་དབྱར་དུས་བོད་ཟླ་ལྔ་པའི་ནང་ཙམ་དུ་ཆོས་སྡིངས་དགོན་ནས་དབུ་མ་ལུ་གུ་དང་།  བླ་མ་དོན།  བླ་མ་དབང་འདུས། ད་ཡོད་གྲྭ་བགྲེས་སྐལ་བཟང་གྲགས་པ། ཨོ་རྒྱན་བཅས་ཀྱིས་དེ་ཉིད་འདུས་པ་ཆ་ཚང་དང་། སྐུ་རྟེན་སོགས་བལ་ཡུལ་ས་ཁོངས་རྐྱང་ཤིང་དུ་བསྐྱལ་རྩིས་ཀྱི། དཔེ་ཆ་གཡག་རྒྱབ་བརྒྱད་དང་སྐུ་འདྲ་སོགས་རྒྱབ་བཞི་བསྡོམས་པས་གཡག་རྒྱབ་བཅུ་གཉིས་རྡོག་ཆས་བསྒྲིགས་ནས་ཐོན།  དེ་དང་མཉམ་དུ་སྒེར་གྱི་བཅའ་དངོས་བསྐྱལ་མི་མང་པོ་བཅས་གཡག་རྒྱབ༧༠ཙམ་མཉམ་ཐོན་བྱས་ཏེ་ཉིན༧ལ་དགུན་ཕུ་ཞེས་པར་སླེབས།  དེ་ནས་གཡག་ཚང་མ་ཚུར་སློག་རྗེས་དེའི་ཉེ་འཁོར་ཡུལ་ཚན་གང་སར་ཁལ་མ་གླ་བར་ཕྱིན་ཡང་མ་རྙེད།  སྐལ་བཟང་གྲགས་པས་ཀློང་མདའི་གཞིས་གཉེར་ཆོས་དབང་བསྟན་འཛིན་ལ་རོགས་སྐྱོར་ཞུབ་པར། ཁོང་ནས་ང་ལ་མཛོ༨མ་གཏོགས་མེད་པས་ཚང་མ་ལྕོགས་ཐབས་བྲལ།  སྐྱིད་གྲོང་སྦུགས་ལ་ལམ་ཡང་མི་ཐར་བས།  ཁྱོད་རང་ཡིད་ཆེས་ན་ངས་དོས་རྒྱབ༨རྗེས་སུ་བལ་ཡུལ་དུ་ཁྱེར་ཡོང་། གླ་ཆ་ཡང་དེ་དུས་སྐད་ཆ་བྱེད་གསུངས་པར་ཁོང་ནས་ཡིད་ཆེས་གཙང་མ་ཡོད་པས་དེ་ག་རང་གནང་རོགས་ཞུས་ཏེ་དཔེ་ཆ་རྒྱབ་བཞི་དང་། སྐུ་འདྲ་སོགས་རྒྱབ་བཞི་བསྡོམས་རྒྱབ་བརྒྱད་བཏང་བ་དེ་ཚང་འགྲིག་བལ་ཡུལ་དུ་འབྱོར་ཞིང་གླ་ཆ་ཡང་མ་བཞེས་པར་གྲགས། དེ་སྐབས་དབུ་མ་ལུ་གུས་སྐལ་བཟང་གྲགས་པ་ལ་ང་ཚོ་མ་སླེབས་བར་ངང་སྒུག་ཙམ་མ་བྱས་པར་ཆོས་སྡིངས་དགོན་པའི་ཡོད་ན་མེད་ན་དེ་ཁྱོད་ཀྱིས་བརྒྱ་ཁ་གཅིག་ཆོད་བྱས་ནས་བཏང་བ་དེ་འོས་སུ་མ་མཆིས་ཞེས་གཤེ་གཤེ་མང་པོ་བཏང་འདུག དབུ་མ་ལུ་གུ་སོགས་ཁོ་ཚོའི་ལག་ཏུ་ཡོད་པའི་གསུང་འབུམ་དོས་རྒྱབ་བཞི་དང་ཅ་དངོས་གཞན་པ་རྣམས་ ཚང་མ་སྐྱིད་གྲོང་རྒྱུད་ནས་རླག་གཏོར་ཤོར་འདུག་ཅེས་ཐོས།  ད་ལྟ་རྒྱ་གར་ནས་པར་བའི་མ་དཔེ་དེ་སྔར་སྤོང་རོང་པདྨ་ཆོས་སྡིངས་ནས་སྐལ་བཟང་གྲགས་པས་ཕྱི་ཕྱོགས་སུ་དབོར་བའི་དོས་རྒྱབ་བཞི་པོ་དེ་ཡིན་འདུག

ད་ཆ་གསུང་འབུམ་རྩད་འཚོལ་ཞུ་བཞིན་པའི་སྐོར། 

སྤྱི་ལོ༡༩༩༤ལོར་ནས་བཟུང་ད་ལྟ་སྤྱི་ལོ༢༠༠༥ལོའི་བར་ང་ཚོའི་ཞིབ་འཇུག་ཁང་གི་རྒན་ཟླ་བ་ལགས་ནས་འབད་བརྩོན་བྱས་པར།  སྔར་ བོ་དོང་པདྨ་ཆོས་སྡིངས་དགོན་དུ་བཞུགས་པའི་གསུང་འབུམ་དབུ་ཅན་དང་དབུ་མེད་བྲིས་ མ་གཉིས་ཁྱོན་བསྡོམས་པོ་ཏི་ཉིས་བརྒྱ་བཅུ་དྲུག་ཙམ་ཡོད་པ་དུས་ཟིང་སྐབས་ཁ་འཐོར་ དུ་གྱུར་པའི་ལྷག་འཕྲོ་པོ་ཏི་ཆུང་ཆུང་བརྒྱ་སོ་བདུན་ཙམ་རྒྱ་གར་ནས་པར་སྐྲུན་ བྱས་པ་དེ་ཡང་འགའ་ཞིག་ཉི་ཟློས་དང་།  འགའ་ཤས་མགོ་མཇུག་མ་ཚང་བ་ཡང་མང་།   བླ་བྲང་བཀྲིས་འཁྱིལ་དུ་པོད༡༠༨ཙམ་དང་།  སེ་ར་དགོན་དུ་པོད༡༡ཙམ། འབྲས་སྤུངས་དགོན་དུ་པོད༢༠། རྩེ་ཕོ་བྲང་དུ་པོད༣༠ལྷག་ཙམ། ས་སྐྱ་དགོན་དུ་པོད༧ཙམ། བོད་ལྗོངས་དཔེ་མཛོད་ཁང་དུ་པོད༦། རྒྱལ་རྩེར་པོད༥། ཞྭ་ལུ་དགོན་དུ་པོད༡༠། བོ་དོང་ཨེ་རུ་པོད༣།  སྙེ་ མོ་བྱེ་མཁར་དགོན་དུ་པོད༣བཅས་ཡོད་པ་ཤེས་རྟོགས་བྱུང་སྟེ་ད་ཆ་དེ་དག་ལས་རྒྱ་གར་ དེབ་ཆེན་མར་དཔེ་བསྡུར་དང་འབྲེལ་བའི་ཞིབ་འཇུག་བྱེད་བཞིན་པ་དང་།   གཞན་རྣམས་འཚོལ་སྡུད་ཀྱི་ཐབས་བཟོ་མུས་ཡིན།

༼ས་མཐོའི་བུ་མོ༽སྤྱིའི་དེབ་གྲངས་དང་པོ་ལས་བཤུས།


གནད་བསྡུས།

བདག་ཉིད་ཆེན་པོ་འདི་ལ་བོ་དོང་པཎ་ཆེན་དང་། འཇིགས་མེད་གྲགས་པ། ཆོས་ཀྱི་རྒྱལ་མཚན་སོགས་མཚན་གྱི་རྣམ་གྲངས་འགའ་ཞིག་མཆིས་ཤིང་བོད་ཀྱི་མཁས་དབང་རིམ་བྱོན་ལས་གསུང་རྩོམ་ཆེས་མང་པོ་མཛད་པ་ཁོང་ཡིན་པར་བཞེད། རབ་བྱུང་དྲུག་པའི་ཤིང་ཡོས(༡༣༧༥)ལོར་ཡབ་སྟོན་པ་ཆོས་ དབྱིངས་རྒྱལ་མཚན་དང་། ཡུམ་བྱང་ཆུབ་སྒྲོན་གཉིས་ཀྱི་སྲས་སུ་སྐུ་འཁྲུངས། མཚན་ལ་གཡུང་དྲུང་སངས་རྒྱས་སྐྱིད་ཅེས་གསོལ། དགུང་ལོ་ལྔ་པ་ནས་ཡི་གེ་འབྲི་ཀློག་ལ་གསན་སྦྱོང་གནང་། དགུང་ལོ་བདུན་པར་གྱམ་བསམ་གཏན་གླིང་དུ་པཎ་ཆེན་གྲགས་པ་རྒྱལ་མཚན་གྱི་དྲུང་ནས་རབ་ཏུ་བྱུང་སྟེ་མཚན་ལ་སངས་རྒྱས་རྒྱལ་མཚན་ཞེས་གསོལ། རྗེས་ནས་དགེ་ཚུལ་གྱི་སྡོམ་པ་བཞེས་པས་མཚན་ལ་ཆོས་ཀྱི་རྒྱལ་མཚན་ཞེས་གསོལ། དགུང་ལོ་བཅུ་དྲུག་པར་ས་སྐྱར་རྣམ་འགྲེལ་གྲྭ་སྐོར་ལ་ཕེབས། དེ་དུས་སྙན་ངག་ཆེད་གཉེར་མ་གནང་ཡང་ཤིན་ཏུ་མཁས་པར་གྱུར་ནས་ཐུབ་པའི་དབང་པོ་ལ་མཛད་པ་བཅུ་གཉིས་ཀྱི་སྒོ་ནས་བསྟོད་པ་དང་། འཇམ་དབྱངས་ཀྱི་བསྟོད་པ་བརྒྱ་བ། གཞོན་ནུ་ནོར་བཟང་གི་རྟོགས་བརྗོད་སོགས་བཀའ་རྩོམ་དུ་མ་མཛད། དགུང་ལོ་ཉེར་གསུམ་པའི་སྟེང་དབུས་ཕྱོགས་སུ་གྲྭ་སྐོར་ལ་ཕེབས་པའི་ལམ་བར་ནས་སྙན་ངག་གི་བསྟན་བཅོས་ཡིད་ཀྱི་ཤིང་རྟ་བཀའ་རྩོམ་གནང་། རྩེད་ཐང་གི་ཆོས་སྡེ་ཆེན་པོ་དང་གསང་ཕུ་ནེའུ་ཐོག་ཏུ་ཕེབས་ནས་གྲྭ་སྐོར་གནང་བས་མཁས་པའི་སྙན་གྲགས་འབྲུག་སྒྲ་ལྟར་ཁྱབ། དེ་ནས་དགེ་བའི་བཤེས་གཉེན་མང་བོའི་དྲུང་ནས་ཐོས་བསམ་རྒྱ་ཆེར་གནང་། དགུང་ལོ་སུམ་ཅུ་ཙམ་ནས་དཔལ་དེ་ཉིད་འདུས་པ་བརྩམ་མགོ་ཚུགས། སྐབས་ཤིག་རང་གི་གྲུབ་མཐའ་བཙུགས་པར་བཞེད་དེ་དཔལ་མོ་ཆོས་སྡིངས་སོགས་དགོན་སྡེ་ཁ་ཤས་བཏབ་ནས་དེར་འཆད་ཉན་རྒྱ་ཆེར་སྤེལ་བས་བོ་དོང་པའི་གྲུབ་མཐའ་བྱུང་། དགུང་ལོ་བདུན་ཅུ་དོན་བདུན་པ་སྤྱི་ལོ(༡༤༥༡)ལོར་སྐུ་གཤེགས། གསུང་རྩོམ་པོད་བརྒྱ་དང་སུམ་ཅུ་སོ་བདུན་ཡོད་པར་བཤད།


གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
རྩོམ་སྒྲིག་པ། མགར་ཚེ་རིང་བཀྲ་ཤིས།

འདྲེན་བཀོལ:
61.4K

  དཔྱད་གཏམ ( 2 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
85xb བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
 སྤེལ་མཁན: Michaela Watkins སྤེལ་དུས:2025/6/8
MOST SUCCESSFUL BITCOIN RECOVERY EXPERT\\FOLKWIN EXPERT RECOVERY. I have been hearing about Forexltc, a cryptocurrency platform based in North Dakota, for some time. My curiosity was piqued when one of their agents reached out to me, presenting the platform as a promising opportunity in the crypto trading space with excellent prospects for growth. Intrigued by their pitch, I engaged in several more calls and persuasive conversations, ultimately deciding to give it a try. I made an initial investment of $213,000 in cryptocurrency, believing it was a sound decision that would help grow my digital assets. However, my initial excitement quickly turned into frustration as I began to experience consistent trading losses. Determined to turn things around, I deposited an additional $9,000 in crypto after a few weeks, hoping this would help recover my losses. Despite my efforts and additional investments, the losses continued, leaving me in a precarious financial position. I felt trapped in a cycle of despair, questioning my decision to invest in Forexltc. I saw a glimmer of hope when I was assigned to a new account manager referred to as the "fourth account manager." This individual seemed to have a better grasp of the cryptocurrency market and guided me to make some profitable trades. I felt a sense of relief, thinking my investment was finally paying off. However, just as I was about to celebrate my gains, an unexpected problem arose: I was locked out of my account. This was not a minor inconvenience; I was completely shut out of my funds and access to my trading portfolio. I tried reaching out to the support team at Fxleader, but my efforts were met with silence. My account was essentially inaccessible, and I was left in the dark about the status of my cryptocurrency. Feeling frustrated and desperate, I sought help from external sources. After conducting some research, I discovered FOLKWIN EXPERT RECOVERY, a service specializing in financial recovery. I reached out to them and explained my predicament. The team at FOLKWIN EXPERT RECOVERY was prompt and working diligently to help me retrieve my funds from Forexltc. They guided me through the recovery process, providing support and expertise every step of the way. One Friday morning, they asked for my Bitcoin address to deposit the cryptocurrency I had recovered. Thanks to their efforts, I was able to recover all of my cryptocurrency investments. INFO: FOLKWINEXPERTRECOVERY(@)TECH-CENTER (.) COM  What's-App: +1 (740)-705-0711. Thanks, Michaela Watkins
 སྤེལ་མཁན: Michaela Watkins སྤེལ་དུས:2025/6/8
མཐར་ཕྱིན་ཆེ་ཤོས། བིཊ་ཀོའིན་སླར་གསོ་མཁས་པ།\\ཕོལ་ཁི་ཝིན་མཁས་པ་སླར་གསོ། ངས་བྱང་ཌ་ཀོ་ཊ་ལ་རྟེན་གཞི་བྱས་པའི་གསང་བའི་དངུལ་གྱི་སྟེགས་བུ་Forexltc སྐོར་ཐོས་ནས་དུས་ཡུན་རིང་པོ་ཕྱིན་ཡོད། ངའི་ཤེས་འདོད་ཆེ་བ་དེ་ཁོང་ཚོའི་ལས་བྱེད་གཅིག་གིས་ང་ལ་འབྲེལ་བ་བྱས་ཏེ་སྟེགས་བུ་དེ་འཕེལ་རྒྱས་ཀྱི་མདུན་ལྗོངས་ཡག་པོ་ཡོད་པའི་གསང་བའི་ཚོང་དོན་གྱི་གོ་སྐབས་བཟང་པོ་ཞིག་ཡིན་པ་བསྟན་ཡོད། ཁོང་ཚོའི་སྐད་གདངས་ལ་ཡིད་འཕྲོག་པས་ངས་ཁ་པར་དང་ཡིད་ཆེས་འབྱུང་བའི་ཁ་བརྡ་མང་པོ་བྱས་པ་དང་། མཐར་ཐུག་ལ་དེ་ཚོད་ལྟ་བྱེད་རྒྱུའི་ཐག་གཅོད་བྱས། ངས་ཐོག་མར་གསང་བའི་དངུལ་ལ་ཨ་སྒོར་ ༢༡༣༠༠༠ མ་རྩ་འཇོག་པ་དང་། དེ་ནི་ངའི་དྲ་རྒྱའི་རྒྱུ་ནོར་འཕེལ་རྒྱས་གཏོང་བར་ཕན་ཐོགས་པའི་ཐག་གཅོད་ཡག་པོ་ཞིག་ཡིན་པར་ཡིད་ཆེས་བྱེད་ཀྱི་ཡོད། ཡིན་ནའང་། ང་ལ་ཚོང་དོན་གྱི་གྱོང་གུན་རྒྱུན་ཆད་མེད་པར་མྱོང་འགོ་ཚུགས་པས་ངའི་འགོ་འཛུགས་ཀྱི་དྲོད་བསགས་དེ་མགྱོགས་པོ་ཕམ་ཁ་ལ་འགྱུར་ཡོད། བདུན་ཕྲག་འགའ་ཤས་རྗེས་སུ་ངས་ཨ་སྒོར་༩༠༠༠ ཁ་སྣོན་བྱས་ནས་གསང་བའི་དངུལ་ལོར་བླུགས་ཡོད། ངས་འབད་བརྩོན་དང་མ་རྩ་ཁ་སྣོན་བཏང་ཡོད་ཀྱང་། གྱོང་གུན་མུ་མཐུད་དུ་བྱུང་ནས་ང་ལ་དངུལ་རྩའི་གནས་སྟངས་ཧ་ཅང་ཞན་པོ་ཞིག་ཏུ་གྱུར་ཡོད། ང་རེ་ཐག་ཆད་པའི་འཁོར་རིམ་ནང་དུ་ཚུད་པའི་ཚོར་བ་བྱུང་བ་དང་། ངའི་ཕོར་ཁེ་ཨེལ་ཊི་སི་ལ་མ་རྩ་འཇོག་རྒྱུའི་ཐག་གཅོད་ལ་དོགས་པ་བྱེད་ཀྱི་ཡོད། ང་ལ་"རྩིས་ཁྲའི་འགན་འཛིན་བཞི་པ་"ཞེས་འབོད་པའི་རྩིས་ཁྲའི་འགན་འཛིན་གསར་པར་བསྐོ་བཞག་བྱེད་སྐབས་རེ་བ་འོད་འཕྲོ་ཞིག་མཐོང་སོང་། མི་སྒེར་འདིས་གསང་བའི་དངུལ་གྱི་ཁྲོམ་ར་ལ་ཤེས་རྟོགས་ཡག་པོ་ཡོད་པ་དང་ང་ལ་ཁེ་བཟང་ཡོད་པའི་ཚོང་ལས་འགའ་ཤས་བྱེད་པར་ལམ་སྟོན་བྱས། ངའི་མ་རྩ་འཇོག་པ་དེ་མཐར་ཕན་འབྲས་ཐོན་བཞིན་ཡོད་ཅེས་བསམ་ནས་ངས་སེམས་པ་སྐྱིད་པོ་བྱུང་། ཡིན་ནའང་། ངས་རང་ཉིད་ཀྱི་ཁེ་ཕན་ལ་རྟེན་འབྲེལ་ཞུ་རྒྱུ་ཡིན་པའི་སྐབས་ལ་རེ་བ་མེད་པའི་དཀའ་ངལ་ཞིག་བྱུང་བ་ནི་ངའི་རྩིས་ཁྲ་ནས་ཕྱིར་འཐེན་བྱས་པ་རེད། འདི་ནི་སྟབས་མི་བདེ་བ་ཆུང་ཆུང་ཞིག་མ་རེད། ང་ལ་ངའི་མ་དངུལ་དང་ཚོང་དོན་གྱི་ཡིག་ཚགས་ལ་འཛུལ་རྒྱུའི་གོ་སྐབས་ཡོངས་སུ་བཀག་ཡོད། ངས་Fxleader ཡི་རྒྱབ་སྐྱོར་ཚོགས་པར་འབྲེལ་བ་བྱེད་པར་འབད་བརྩོན་བྱས་ཀྱང་། ངའི་འབད་བརྩོན་དེ་ཁུ་སིམ་མེར་གྱུར་ཡོད། ངའི་རྩིས་ཁྲ་དེ་གཞི་རྩ་ནས་འཛུལ་ཐུབ་ཀྱི་མེད་པ་དང་། ངའི་གསང་བའི་དངུལ་གྱི་གནས་ཚུལ་སྐོར་ལ་མུན་ནག་ནང་དུ་ལུས་ཡོད། སེམས་ཕམ་དང་རེ་ཐག་ཆད་པའི་ཚོར་སྣང་བྱུང་ནས་ངས་ཕྱི་ཕྱོགས་ནས་རོགས་རམ་བཙལ་ཡོད། ཞིབ་འཇུག་འགའ་ཤས་བྱས་རྗེས་ངས་དངུལ་རྩའི་སླར་གསོའི་ཆེད་ལས་ཞབས་ཞུ་ཕོལ་ཁི་ཝིན་མཁས་པ་སླར་གསོའི་ཞབས་ཞུ་ཞིག་རྙེད་སོང་། ངས་ཁོང་ཚོ་ལ་ལག་འཇུ་བྱས་ཏེ་ངའི་དཀའ་ངལ་དེ་འགྲེལ་བཤད་བརྒྱབ་ཡོད། ཕོལ་ཁི་ཝིན་ཆེད་མཁས་སླར་གསོའི་རུ་ཁག་གིས་མགྱོགས་པོ་དང་ཧུར་ཐག་གིས་ང་ལ་ཕོར་ཨེགསི་ཨེལ་ཊི་སི་(Forexltc)ནས་མ་དངུལ་སླར་གསོ་བྱེད་པར་རོགས་རམ་བྱེད་ཀྱི་ཡོད། ཁོང་ཚོས་ང་ལ་སླར་གསོའི་བྱ་རིམ་ནང་ལམ་སྟོན་བྱས་པ་དང་། གོམ་པ་རེ་རེ་བཞིན་རྒྱབ་སྐྱོར་དང་ཆེད་ལས་ཤེས་བྱ་སྤྲད་ཡོད། གཟའ་པ་སངས་ཀྱི་ཞོགས་པ་ཞིག་ལ་ཁོང་ཚོས་ངའི་བིཊ་ཀོན་གྱི་ཁ་བྱང་དྲིས་ནས་ངས་སླར་གསོ་བྱས་པའི་གསང་བའི་དངུལ་དེ་བླུགས་དགོས། ཁོང་ཚོའི་འབད་བརྩོན་ལ་བརྟེན་ནས་ངས་ངའི་གསང་བའི་དངུལ་གྱི་མ་རྩ་ཚང་མ་སླར་གསོ་བྱེད་ཐུབ་པ་བྱུང་། INFO: FOLKWINEXPERTRECOVERY(@)TECH-CENTER (.) COM  What's-App: +1 (740)-705-0711. བཀའ་དྲིན་ཆེ, མའེ་ཁེལ་ཝ་ཊི་ཁིན་སི།
  པར་ངོས 1/1 པར་ཡོད།
ལྟ་ཀློག་གྲངས་ཀ
49321269
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  草原梦想15283703999    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
蜀ICP备13002975号-1