མཁས་དབང་གཟན་དཀར་མཆོག་སྤྲུལ་རིན་པོ་ཆེ།
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2018 ལོའི་ཟླ 7 ཚེས 17 རེས་གཟའ་མིག་དམར་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» མི་སྣ།» གྲགས་ཅན་མཁས་པའི་སྡེ། »མཁས་དབང་གཟན་དཀར་མཆོག་སྤྲུལ་རིན་པོ་ཆེ།
མཁས་དབང་གཟན་དཀར་མཆོག་སྤྲུལ་རིན་པོ་ཆེ།
རྩོམ་སྒྲིག་པ།  ཁྰ་ཤེས་རབ་རྒྱ་མཚོ། སྤེལ་དུས། 2014/8/14ལྟ་ཀློག (8824)རྩོམ་ཁུངས: ངེད་དྲ་བ།པར་འདེབ།

མཁས་དབང་གཟན་དཀར་མཆོག་སྤྲུལ་རིན་པོ་ཆེ།

      གངས་ཅན་བོད་ཀྱི་མཁས་པའི་དབང་པོ་མཆོག་སྤྲུལ་གཟན་དཀར་རིན་པོ་ཆེ་ནི།  ཡུལ་མདོ་ཁམས་སྒང་དྲུག་གི་ནང་ཚན་མི་ཉག་རབ་སྒང་དཔལ་ལྷ་སྒང་དུ་འབྲོག་ཁྱིམ་ཞིག་ཏུ་སྤྱི་ལོ༡༩༤༣ལ་འཁྲུངས།   སྐུ་ན་ཕྲ་བའི་དུས་ནས་ཚད་ཐུབ་སྐྱེས་ཆེན་དུ་མས་མདོ་མཁྱེན་བརྩེ་ཡེ་ཤེས་རྡོ་རྗེའི་ཡང་སྤྲུལ་དུ་ངོས་འཛིན་འཁྲུལ་མེད་མཛད། ཡ་རབས་དམ་པའི་གཤིས་སྤྱོད་ལྷན་སྐྱེས་སུ་རྫོགས་ཤིང་ཐུགས་རིག་གསལ་བའི་ཚད་དུ་གྲགས། དགུང་གྲངས་བཅུ་ཡས་མས་ནས་བཟུང་ཁམས་རྫོགས་ཆེན་ཤྲྰི་སེང་ཆོས་གྲྭ་ཆེན་མོ་དང་། རྫོང་སར་དགོན་སོགས་སུ་ཕེབས་ནས་མཚན་ལྡན་གྱི་དགེ་བའི་བཤེས་གཉེན་དུ་མ་ཚུལ་བཞིན་དུ་བསྟེན་ཏེ་དབང་ལུང་ཁྲིད་གསུམ་གྱིས་ཐུགས་རྒྱུད་རིན་ཆེན་བུམ་བཟང་ཡོངས་སུ་གང་བར་བྱས། དགུང་གྲངས་བཅུ་དྲུག་སྟེང་དཔལ་ལྷ་སྒང་དང་མ་ཧཱ་སྐྱིད་ལུང་དགོན་ཟུང་གི་དགོན་བདག་གི་ཐུགས་འགན་བཞེས་ཏེ། འཁོར་ལོ་གསུམ་གྱི་བྱ་གཞག་ལ་ཕྱག་རྗེས་བླ་མེད་གནང་།

      དགུང་ལོ་སོ་ལྔ་ཡས་མས་སྐབས<<བོད་རྒྱ་ཚིག་མཛོད་ཆེན་མོ>>རྩོམ་སྒྲིག་གི་ཕྱག་ལས་དང་།    ལྷག་པར་དུ་ཕྱི་ལོ ༡༩༨༡ ལོར་སི་ཁྲོན་ཞིང་ཆེན་བོད་ཡིག་སློབ་གྲྭ་གསར་དུ་བཙུགས་པའི་རླབས་ཆེན་ཕྱག་རྗེས་ཀྱིས་ཁ་བ་རི་བའི་ས་ཆེན་ལ་བརྗེད་ཐབས་བྲལ་བའི་ཐམ་ཀ་ཞིག་གསར་དུ་བཏབ། དེ་བཞིན་དུ་ཕྱི་ལོ ༡༩༨༤ ནས་བཟུང་སི་ཁྲོན་ཞིང་ཆེན་མི་རིགས་རིག་གནས་ཞིབ་འཇུག་ཁང་གི་གཙོ་འགན་བཞེས་ཏེ། རྫོགས་ཆེན་དཔལ་སྤྲུལ་རིན་པོ་ཆེའི་གསུང་འབུམ་དང་རྣམ་ཐར། རྒྱལ་བའི་བཀའ་འགྱུར་ཆེན་མོ་སོགས་དག་སྒྲིག་དང་པར་སྐྲུན་གྱི་ཐུགས་འགན་བཞེས། གཞན་ཡང་གླིང་གེ་སར་ཞིབ་འཇུག་གི་གཙོ་འགན་བཞེས་ཏེ་ཕྱག་ལས་ཀྱང་ཆེད་དུ་གནང་ནས་ཁམས་ཁུལ་གཙོ་བོར་གྱུར་བའི་དམངས་ཁྲོད་ནས་གླིང་སྒྲུང་ལག་བྲིས་མ་བཅུ་ཕྲག་གཉིས་ལྷག་དག་བསྒྲིགས་དང་པར་སྐྲུན་ཚད་ལྡན་བྱས་པ་དང་། གླིང་གེ་སར་ཚིག་མཛོད་གསར་སྐྲུན་མཛད། དེ་བཞིན་དུ་གླིང་གེ་སར་སྟོང་ཐང་ཆེན་མོའི་བཟོ་བཀོད་དང་བྲིས་ཆའི་ཐུགས་བཀོད་པ་སོགས་མདོར་ན་བོད་ཀྱི་དཔའ་བོའི་རྣམ་སྒྲུང་དང་། བསྟོད་སྒྲུང་སྙན་གཞུང་རིང་མོ་ཁྱབ་སྤེལ་ལ་ཕྱག་རྗེས་རྒྱ་ཆེན་བཞག

     ཕྱི་ལོ ༡༩༨༧ ལོར་བཀའ་བསྟན་དཔེ་བསྡུར་ཁང་གི་གཙོ་འགན་བཞེས་ཤིང་ཕྱག་ལས་རབ་དང་རིམ་པ་གནང་བའི་མཚོན། སྔ་རྗེས་སུ་ཕྱི་གླིང་ཨ་རི་དང་། འཇར་མན། ཁ་ན་ཊ་སོགས་ཀྱི་རྒྱལ་ཁབ་ལ་ཕེབས་བཞུགས་བརྒྱུད་གངས་ལྗོངས་བཅུ་ཕྲག་རིག་ག ནས་དར་སྤེལ་གྱི་མཛད་འཕྲིན་བླ་མེད་བསྐྱངས། མདོར་ན་ཁོང་གིས་སྐུ་ཚེ་གང་བོར་རྩོམ་སྒྲིག་དང་། ཕྱོགས་བསྡུས་དག་བསྒྲིགས་གནང་བའི་རིག་གཞུང་ཤིན་ཏུ་མང་ལ། བསྟན་བཅོས་ཤེས་བྱ་ཀུན་ཁྱབ་ཀྱི་ས་བཅད་སོགས་བོད་ཀྱི་མཁས་དབང་གོང་མའི་གསུང་རྩོམ་རྩ་ཆེན་མང་པོའི་ས་བཅད་གཞུང་དོན་གནད་བསྡུས་དང་།  མཁས་དབང་མང་པོའི་རྣམ་ཐར་དང་ལོ་རྒྱུས་ངོ་སྤྲོད་གནང་བའི་སྐོར་རྐྱང་བ་ཕྱོགས་བཏུས་བྱེད་པའི་དབང་དུ་བཏང་ན་ཡང་གསུང་རྩོམ་པོད་ཆེན་འགའ་ཞིག་བཞུགས་པར་སྣང་། ད་ལྟ་ཡང་སྐུ་མཆོག་མི་ཤིགས་རྡོ་རྗེའི་ངོ་བོར་འཕོ་འགྱུར་མེད་པར་བཞུགས་ཤིང་རླབས་ཆེན་རིག་གནས་ཀྱི་ཕྱག་ལས་གནང་དང་གནང་བཞིན་པའི་སྐབས་འདི་ལེགས་སོ། །


དྲྭ་ཚིགས་གཙོ་སྐྱོང་བ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། མགར་ཨ་སངས། མགར་ཚེ་རིང་བཀྲ་ཤིས།
འདྲེན་བཀོལ:

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
2yr6 བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
11753069
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999 13909418876 QQ:516617821    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
网站备案号:蜀ICP备13002975号