གློག་བརྙན་འཁྲབ་སྟོན་པ་ཌེ་ཁཱ་ཕུ་རུའུ་LeonardoDiCaprioམཉམ་འབྲེལ་རྒྱལ་ཚོགས་ཀྱི་ཞི་བདེའི་ཕོ་ཉ་རུ་མངའ་གསོལ་བ་སོགས།
གསར་འགོད་པ། ཆར་བ།
༢༠༡༤ལོའི་ཟླ་༩པའི་ཚེས་༢༥ཉིན།ཨ་རིའི་ཉིག་ཡོ་མཉམ་འབྲེལ་རྒྱལ་ཚོགས་སྤྱི་ཁྱབ་པུའུ་ཡིས་འཛམ་གླིང་ཡོངས་ལ་སྐད་གྲགས་ཆོད་པའི་གློག་བརྙན་འཁྲབ་སྟོན་པ་ཌེ་ཁཱ་ཕུ་རུའུ་LeonardoDiCaprioམཉམ་འབྲེལ་རྒྱལ་ཚོགས་ཀྱི་ཞི་བདེའི་ཕོ་ཉ་རུ་མངའ་གསོལ་བའི་མཛད་སྒོ་སྤེལ། མཉམ་འབྲེལ་རྒྱལ་ཚོགས་ཀྱི་དྲུང་ཡིག་པ་ཕན་ཇི་ཝིན་གྱིས་ཌེ་ཁཱ་ཕུ་རུའུ་གྱིས་ནམ་གཤིས་ཀྱི་འགྱུར་ལྡོག་སྐོར་གྱི་འགན་གཙང་ལེན་བྱེད་རྒྱུ་ཡིན་པ་གསལ་བསྒྲགས་བྱས།
༢༠༡༤ལོའི་ཟླ་༩པའི་ཚེས་༢༡ཉིན།ཨ་རིའི་མཉམ་འབྲེལ་རྒྱལ་ཚོགས་སྤྱི་ཁྱབ་པུའུ་རུ་མཉམ་འབྲེལ་རྒྱལ་ཚོགས་ཀྱི་ཞི་བདེའི་ཕོ་ཉ་ཌེ་ཁཱ་ཕུ་རུའུ་LeonardoDiCaprioཡིས་༢༠༡༤ནམ་གཤིས་ཚ་འགྱུར་གྱི་ཚོགས་ཐོག་ཏུ་གཏམ་བཤད་སྤེལ།ཁོང་གིས་གྲེ་བ་གཟེངས་སུ་ཐོན་ཏེ་འཛམ་གླིང་སྒང་གི་རྒྱལ་ཁབ་སོ་སོའི་དབུ་ཁྲིད་བློན་ཆེན་དག་གིས་མགོ་ཁྲིད་དེ་ས་སྒང་ཕྱི་ངོས་ཀྱི་དྲོད་ཚད་ཇེ་མཐོར་གྱུར་བའི་ཉེན་ཁ་ལ་མྱུར་དུ་གཡོལ་ཐབས་བྱེད་དགོས་པར་ནན་གྱིས་རེ་སྐུལ་བྱས། ཁོང་ད་དུང་ཟླ་འདིའི་ཚེས་༢༡ཉིན་ཉིག་ཡོ་ནས་མི་ཁྲི་༤༠ལྷག་འདུས་པའི་༼ནས་གཤིས་ཀྱི་འགུལ་བསྐྱོད་ཆེན་མོ་༽ཞེས་པའི་ཚོགས་ཐོག་ཏུ་བཞུགས་ཡོད་སྐད།
༢༠༡༤ལོའི་ཟླ་༩པའི་ཚེས་༢༥ཉིན། ཧྲ་ཐི་ཨ་རབ་ཀྱི་གྲོང་ཁྱེར་མེའེ་ཅཱ་ཡི་དབྱི་སི་ལན་དགོན་ཆེན་kaabaརུ་ཕྱོགས་བཞི་མཚམས་བརྒྱད་ནས་ཡོང་བའི་ཆོས་དད་པ་ཁྲི་ལྷག་འཚང་ཁ་ཤིག་ཤིག་གིས་འདུས། kaabaནི་དབྱི་སི་ལན་ཆོས་ལུགས་ཀྱི་གདན་ས་ངོ་མཚར་ཅན་ཉག་གཅིག་པུ་ཡིན་པས། འཛམ་གླིང་ཡུལ་ཕྱོགས་སོ་སོའི་དབྱི་སི་ལན་ཆོས་ལུགས་ཀྱི་རྗེས་འཇུག་པ་སུ་ཡིན་ནའང་ཚེ་ཐོག་ལུས་ཐོག་འདི་ནས་གོམས་པའི་འདེགས་འཇོག་དེ་ཡི་ཕྱོགས་སུ་བསྒྱུར་ནས་གསོལ་བ་སྨོན་ལམ་འདེབས་ཀྱིན་ཡོད། བོད་པ་ཞིག་ལ་མཚོན་ན་དབུས་ཀྱི་ཉི་མ་ལྷ་སར་མཇལ་བའི་ཕུགས་འདུན་མངོན་དུ་འགྱུར་བར་བྱེད་པ་དང་ཀུན་ནས་མཚུངས་སོ།།
|