མཁན་ཆེན་ཚུལ་ཁྲིམས་བློ་གྲོས་མཆོག་གིས་༼དགོན་པ་རྣམས་ཀྱིས་ངེས་པར་དུ་སློབ་གཉེར་ལ་དོ་དམ་བྱེད་དགོས་པའི་བསམ་ཚུལ་བརྗོད་པ་༽ཞེས་པའི་བརྗོད་གཞིའི་ཐོག་བཀའ་སློབ་གནང་བ། མཁན་པོ་རྫ་ཚེ་རིང་བཀྲ་ཤིས་ལགས་ཀྱིས་ཕབ་སྒྲིག་བྱས་པའི་དཔེ་དེབ་༼དུས་ཐོག་ཆར་པ་༽འདི་ག་གངས་སེམས་དཔེ་སྒྲིག་ཁང་གིས་གློག་རྡུལ་དཔེ་དེབ་དུ་པར་སྐྲུན་འགྲེམས་སྤེལ་བྱ་རྒྱུའི་གོ་སྐབས་བྱུང་བར་སེམས་གཏིང་ནས་སྤྲོ་བ་བརྟས། ངེད་གངས་སེམས་རྩོམ་སྒྲིག་ཁང་ནས་མཐོང་དཀོན་པའི་དཔེ་ཆ་དང་། ང་ཚོའི་དུས་རབས་ལ་ཉེ་བར་མཁོ་བའི་དཔེ་ཆ། ཡང་དཔེ་སྐྲུན་ཐད་དཔལ་འབྱོར་གྱིས་ཁེག་པ་སོགས་ལ་རོགས་སྐྱོར་གྱི་ཚུལ་དུ་འང་གློག་རྡུལ་དཔེ་དེབ་སྒྲིག་བཟོ་བྱེད་ཀྱི་ཡོད་པས་དེ་ལུགས་ཀྱིས་འབྲེལ་གཏུགས་བྱས་ན་ཆོག
ད་ཐེངས་མཁན་ཚུལ་ཁྲིམས་བློ་གྲོས་ལགས་ཀྱི་གསུང་རྩོམ་དུས་ཐོག་ཆར་བ་འདི་ཉིད་གློག་རྡུལ་དཔེ་དེབ་ཏུ་བཟོས་ནས་ངེད་འཕྲིན་ཆུང་གླིང་ཀའི་གྲོགས་པོ་རྣམ་པ་གཙོས་དུས་རབས་ཀྱི་འཕེལ་འགྱུར་ལ་ཁ་ཕྱོགས་པའི་གྲོགས་པོ་ཡོངས་ལ་ལེགས་སྐྱེས་སུ་ཕུལ་བ་ལགས་སོ།།
ཚེ་སྲོག་གིས་ཕྱི་ལོ་༢༠༡༢ ཟླ་༩ ཚེས་བཅོ་ལྔའི་དམངས་གཙོའི་ཉིན་མོར་རེབ་གོང་ནས་བྲིས།
| 
