མདོ་འཛིན་པ་འཆི་མེད་དབང་མོར་མདོ་འཛིན་པའི་བྱ་དགའ་ཐོབ།
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 11 ཚེས 17 རེས་གཟའ་ཉི་མ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» མི་སྣ།» གྲགས་ཅན་སྐྱེས་མའི་སྡེ། »མདོ་འཛིན་པ་འཆི་མེད་དབང་མོར་མདོ་འཛིན་པའི་བྱ་དགའ་ཐོབ།
མདོ་འཛིན་པ་འཆི་མེད་དབང་མོར་མདོ་འཛིན་པའི་བྱ་དགའ་ཐོབ།
རྩོམ་སྒྲིག་པ།  ཁྰ་ཤེས་རབ་རྒྱ་མཚོ། སྤེལ་དུས། 2014/10/13ལྟ་ཀློག (8135)རྩོམ་ཁུངས: ངེད་དྲ་བ།པར་འདེབ།

    ཟླ10པའི་ཚེས12ཉིན། ཀྲུང་གོའི་གསེར་གྱི་བྱ་གླག་བརྙན་འཕྲིན་སྒྱུ་རྩལ་དུས་ཆེན་སྐབས་བཅུ་བ་དང་ཀྲུང་གོའི་བརྙན་འཕྲིན་གསེར་གྱི་བྱ་གླག་རྟགས་མ་སྐབས་ཉེར་བདུན་པའི་བྱ་དགའ་གནང་བའི་མཛད་སྒོ་ཧུའུ་ནན་ཁྲང་ཧྲ་རུ་བསྡུས་ཤིང་། ཁམས་པ་བརྙན་འཕྲིན་གྱི་མདོ་འཛིན་པ་འཆི་མེད་དབང་མོར་མཆོག་གྱུར་བརྙན་འཕྲིན་ལེ་ཚན་གྱི་མདོ་འཛིན་པའི་བྱ་དགའ་ཐོབ་པ་རེད།
  འཆི་མེད་དབང་མོ་ལགས་ནི་སྤྱི་ལོར2000ལོར་དར་མདོ་མི་རིགས་དགེ་འོས་སློབ་ཆེན་ནས་མཐར་ཕྱིན་ལ། ལོ་དེར་དར་མདོ་རྫོང་བརྙན་འཕྲིན་ཁང་དུ་ཕྱག་ལས་གནང་།  གཙོ་བོ་མདོ་འཛིན་དང་།  གསར་འགོད་པ། བོད་རྒྱ་སྐད་གཉིས་ལོ་ཙཱ་སོགས་ཀྱི་ལས་ཀ་གཉེར་ནས་སྨྱན་སྦྱོར་བྱ་བའི་ཉམས་མྱོང་ཕུན་སུམ་ཚོགས་པ་བསགས། 2009ལོའི་ཟླ9པ་ནས་ཁམས་པ་བོད་སྐད་བརྙན་འཕྲིན་དུ་ལས་གནས་སྤོར་ནས་གསར་འགྱུར་རྒྱང་སྒྲོག་པའི་འགན་བཞེས་ཀྱིན་ཡོད་པ་རེད།

ཐོག་མར་འདི་ནས་ངས་སྙིང་ཐག་པ་ནས་ལྷན་རྒྱས་ལ་བཀའ་དྲིན་ཆེ་ཞུ།

      ང་རང་ནི་ཁམས་མི་ཉག་སྐྱ་གད་ལུང་པ་ནས་ཡར་སྐྱེས་པའི་ཞིང་པའི་བུ་མོ་ཞིག་ཡིན། ཕ་མ་དང་། དགེ་རྒན། ཁྱིམ་མི།  སློབ་གྲོགས། ལས་རོགས།  གཉེན་ཉེ།  གྲོགས་པོ། ད་དུང་ངས་ངོ་ཤེས་པ་དང་ངོ་མི་ཤེས་པའི་རྒྱ་ཆེ་བའི་གཟིགས་མོ་བ་རྣམས་ཀྱིས་ཐོག་ མཐའ་བར་གསུམ་དུ་འདི་འདྲའི་རྒྱབ་སྐྱོར་དང་ཐུགས་ཁུར་གནང་མེད་ན། བརྙན་འཕྲིན་གྱི་བགྲོད་ལམ་འདིའི་ཐོག་འགྲོ་བའི་སྙིང་སྟོབས་དང་སྤོབས་པ་ང་ལ་ཡོད་མི་སྲིད།

       ཐེངས་འདིའི་རྒྱལ་ཡོངས་བརྙན་འཕྲིན་ལས་རིགས་ཀྱི་ཆེས་གཟབ་རྒྱས་ཆེ་བའི་སྤྲོ་ཚོགས་ཐོག ཕྲན་ལ་ཕུལ་བྱུང་མདོ་འཛིན་པའི་གཟེངས་རྟགས་ཤིག་ཐོབ་པ་མ་ཟད།  ད་རུང་རང་མི་རིགས་ཀྱི་རྒྱན་གོས་གྱོན་ནས། བོད་སྐད་ཚིག་གཅིག་གཉིས་བཤད་པའི་གོ་སྐབས་ཤིག་ཡོད་པར་སྤྲོ་སེམས་རབ་ཏུ་ཆེ།

       གཟེངས་བསྟོད་དགོང་ཚོགས་འདི་བརྙན་འཕྲིན་ནས་ཐད་གཏོང་བྱས་པ་དང་བསྟུན།    མི་མང་པོ་ཞིག་གིས་འཕྲིན་ཐུང་དང་། ཁ་པར།  པོད་འཕྲིན། འཕྲིན་ཕྲན་ལ་སོགས་པ་བརྒྱུད་ནས་ང་ལ་རྟེན་འབྲེལ་དང་དགའ་སྤྲོ་གནང་བྱུང་བར་མ་ ཚད་དུས་ནམ་ཡང་ཁྱེད་ཚོས་ང་ལ་རྒྱབ་སྐྱོར་ཡོད་པར་སེམས་འགུལ་ཆེན་པོ་ཐེབས་བྱུང་།

འདས་ཟིན་པའི་ལོ་ཟླ་ནང་ང་ལ་མི་འདང་ས་མང་པོ་ཡོད་ཀྱང་ཚང་མས་སྐུལ་སློང་གང་མང་གནང་བྱུང་།   མ་འོངས་པའི་མི་ཚེའི་བགྲོད་ལམ་ཐོག་ཏུ་རུང་འབད་བརྩོན་བྱ་དགོས་ས་མང་པོ་ཡོད་དེ།    ངས་ཀྱང་འབད་འབུངས་བྱས་དང་བྱེད་ངེས་ཡིན།

མཇུག་མཐར་ལྷན་རྒྱས་ལ་ལུས་ལ་ན་ཚ་མེད་པ་དང་སེམས་ལ་སྡུག་བསྔལ་མེད་པ།   བྱ་བ་ལམ་འགྲོ་ཡོང་བར་སྨོན།



དྲྭ་ཚིགས་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
41s7 བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
15600737
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999 13909418876 QQ:516617821    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
网站备案号:蜀ICP备13002975号