༼  ཉ། ༽

ཉ་ཆུ་དང་བྲལ་ན་འཆི་རྒྱུ་རེད།

ཉྭ་ཕྲ་ཡང་རྡོག་ཁྲེས་ལྗིད་པོ་འཁུར།

ཉ་མོ་མ་ཟིན་པ་མ་གཏོགས།

མཚོ་མཐའ་མ་བསྐོར་བ་མེད།

ཉ་གསེར་མིག་རྒྱ་མཚོར་གསལ་གསལ་འདི།

ས་སྐམ་སར་ཐོན་ན་ཞ་ར་འདྲ།

ཉྭ་ཕྲའང་སྟོང་སྐུད་སུམ་བསྒྲིགས་རེད།

ཉལ་ས་བྱུང་ན་རྐྱོང་ས་དྲན།

ཉི་མ་ཁེར་འགྲོ་གཟའ་དང་ཐུག

སྐར་ཚོགས་དཔུང་འགྲོ་འགྱུར་བ་མེད།

ལུ་ག་ཁེར་འགྲོ་སྤྱང་དང་འཕྲད།

གཡང་དཀར་དཔུང་འགྲོ་ཁྱུ་རེ་འཐུག

ཉི་མ་ཤར་བར་སྦར་རས་མི་ཁེབས།

ཉིན་མོའི་མི་དང་།

མཚན་མོའི་ཁྱི།

ཉིན་མོ་རི་མགོ་ཐམས་ཅད་མིག་དང་།

མཚན་མོ་རྩིག་སྦྲག་ཐམས་ཅད་རྣ་ཅོ།

ཉེ་པོ་མིག་གིས་མ་མཐོང་ཡང་།

རིང་པོ་རྣ་བས་ཐོས་ལེ་རེད།

ཉེས་ཅན་རྒྱ་ཡན་དུ་མ་སོང་བ་དང་།

ཉེས་མེད་ཉེས་ཅན་ཁོངས་སུ་མ་ཚུད་པ།

ཉེས་པ་མེད་པར་ཆད་པ།

བུག་བུ་མེད་པར་ལྷན་པ།

ཉམ་ཆུང་འདུག་ཤེས་ན།

བཙན་པོས་འགུལ་མི་ཚུགས།

གཉེན་ཉེ་བའི་ཕྱོགས་ལ་དར་ལས་འཇམ།

སྡང་དགྲ་བོའི་འགྲམ་དུ་ཚེར་ལས་རྩུབ།

གཉེན་ཉེ་བའི་ཟས་དེ་མང་མི་དགོས།

ཐག་ཆོད་པའི་གཏམ་དེ་མང་མི་དགོས།

མཉེན་ལ་འབྱར་བདེ།

སྲ་ས་འདྲེད་བདེ།

མཉེན་མོ་མཉེན་མོ་སོ་ཡིས་མི་ཆོད།

ཡང་མོ་ཡང་མོ་ཕྲག་གིས་མི་འཕང་།

སྙིང་ལ་རུས་པ་ཡོད་ན།

རྡོ་ལ་ཨི་ཁུང་འབིགས།