བོད་རིགས་ཀྱི་གཏམ་དཔེ། ༼ ད། ༽
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2020 ལོའི་ཟླ 4 ཚེས 8 རེས་གཟའ་ལྷག་པ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» དམངས་སྲོལ།» གཏམ་དཔེ། »བོད་རིགས་ཀྱི་གཏམ་དཔེ། ༼ ད། ༽
བོད་རིགས་ཀྱི་གཏམ་དཔེ། ༼ ད། ༽
རྩོམ་སྒྲིག་པ།  གསང་བདག སྤེལ་དུས། 2014/11/5ལྟ་ཀློག (7079)རྩོམ་ཁུངས: ངེད་དྲ་བ།པར་འདེབ།

ད་ལོ་ལྷ་ཁང་རྙིང་པ་ལ།

རྟེན་ཆས་གསར་པ་རྒྱག་རྒྱུ་མེད།


དུང་དཀར་པོ་བདར་ན་ཇེ་དཀར་རེད།

སོལ་ནག་པོ་བདར་ན་ཇེ་ནག་རེད།


དོན་ཆེན་འགྲུབ་པར་ངང་རིང་བྱེད་དགོས།


དོམ་རྩར་སླེབས་དུས་མེ་མདའ་འབྱར།


དྲག་ན་ནི་གཞུ་ཆག

ཞན་ན་ནི་མདའ་མི་འཕུལ


དྲང་ན་ཀ་བ་མདའ་ཡིས་ཆོག


དྲན་རྒྱུ་གཡོ་ན་སྡུག་རྒྱུ་མང་།


དྲང་པོ་བཤད་ན་མི་མི་དགའ།

རྒྱུག་པ་ཁྱེར་ན་ཁྱི་མི་དགའ


དྲི་ཞིམ་ལྡན་པའི་མཚན་སྙན་ཇི་སྲིད་བར།

དྲིན་ངན་ལྟ་་བུའི་བཙོག་གཏམ་ལོ་ཁྲི་ཕྲག


དྲིལ་བུ་གཅིག་གིས་སྐད་གཉིས།

ཁ་གཅིག་གི་ལྕེ་ལེབ་གཉིས།


བདེན་པ་མར་ཡིན་ཡང་མི་ཞུར།

རྫུན་མ་ལྕགས་ཡིན་ཡང་མཐིལ་རྟོལ།


བདེན་པར་སྨྲ་ན་རྣ་བར་མི་སྙན་དོན་ལ་ཕན།

སྨན་ལེགས་བཟོས་ན་ཁ་ཏིག་ཡོད་ཀྱང་ནད་ལ་ཕན།


བདེན་པས་ལམ་ཕིགས་པ།

ངན་པ་བྱུང་རྒྱལ་དུ་མི་ཤོར་བ།


བདེན་རྫུན་གྱི་བརྟག་དཔྱད་མ་བྱས་ན།

ཕོ་གསར་གྱི་ངར་དེ་ཁྱི་ངར་ཡིན།


བདེན་ལུང་བ་གཉིས་དེ་ཕུ་ཐག་རིང་།

རྫུན་ཨ་བྲ་གཉིས་དེ་མཇུག་མ་ཐུང་།


མདའ་རྒྱག་ན་བྱང་ཐང་འབྲོང་ལ་རྒྱག

ཤ་པགས་པ་གཉིས་ལ་བལྟ་རྒྱུ་ཡོད།


མདའ་གཅིག་གིས་ཤྭ་བ་གཉིས་བསད།


མདའ་དྲང་ན་བྱང་ཐང་གི་འབྲོང་ཡང་བསད།

གཏམ་དྲང་ན་དགྲ་བོའི་མཚང་ཡང་ལེན།


མདའ་འབེན་སར་འཁྱོལ་བ།


མདུན་ན་སྟག་འཇིགས་དགོས།

རྒྱབ་ན་འབྲུག་འཇིགས་དགོས།


མདུན་ནས་བརྟེན་པའི་འཁར་བ་མཛོད།

རྒྱབ་ནས་དྲོ་བའི་སློག་པ་མཛོད།


འདབ་ཆགས་མཁའ་ལ་འཕུར་ཀྱང་།

གྲིབ་མ་ས་ལ་ཕོག


དུག་སྦྲུལ་འདྲ་བའི་ལྕེ་གཉིས་མ།

ཌ་རུ་འདྲ་བའི་ངོ་གཉིས་མ།


རྡོ་ཆུང་ཆུང་ལྷགས་པས་འཁྱེར་དོགས་མེད།

རི་ཆུང་ཆུང་པང་ཁས་ཐེག་དོགས་མེད།


རྡོ་བརྡུང་བར་ལ་ལག་མགོ་བརྡབས།

ཁ་འཐབ་བར་ལ་ལྕེ་ཆུང་བརྡབས།

ལུག་ཐུག་བར་ལ་རྭ་ཅོ་བརྡབས།


རྡོ་ཕར་བརྒྱབ་ན་སྐད་ཚུར་ལན།


རྡོ་མར་ལ་གཞུས་ན་མར་ཕམ།

མར་རྡོ་ལ་གཞུས་ནའང་མར་ཕམ།


སྡིག་པ་བླ་མས་བསགས་ན་སུས་འདྲེན།

གྱོད་དཔོན་གྱིགས་གཏུག་ན་སུས་འདུམ།


སྡུག་བསྔལ་མ་མྱོང་ན་སྐྱིད་མི་ཚོར།


སྡེ་དཀྲུགས་པའི་ཁྲམ་པ་དང་།

ས་དཀྲུགས་པའི་ཨ་བྲ།


སྡོད་རི་བོང་ལས་ཙོག་པ་དང་།

འགྲོ་ཝ་མོ་ལས་མཁས་པ་དགོས།


སྡོད་རིང་ནད་ན།

བྱེད་རིང་བྱང་དྲག

                སི་ཁྲོན་མི་རིགས་དཔེ་སྐྲུན་ཁང་།   སྡུད་སྒྲིག་མཁན།   སྐལ་བཟང་དོན་འགྲུབ།  

དྲྭ་ཚིགས་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། མགར་ཚེ་རིང་བཀྲ་ཤིས།
འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
96yc བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
17665370
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
蜀ICP备13002975号